ليلة رأس السنة كانت .....

<p>قصتي بتتكرر كل&nbsp; سنة بمثل هالوقت بالتحديد&nbsp; وهي ليلة&nbsp;رأس السنة وهاي الليلة الي مليانة ذكريات مختلطة .. كنت على علاقة جدية مع انسان وهو كان أول انسان بحياتي واتفقنا على الارتباط الرسمي وبمشاكل بتخص أهلو ما صار الارتباط واتخلى عني وقرر يعيش حياتو بالرغم من انو علاقتنا استمرت سنتين وانتهت بليلة راس السنة الماضية.. خلال علاقتنا كان يرن علي براس السنة ويستنى تصير الساعة 12 حتى يحكيلي قديه بحبني و يوعدني انو ما راح يتركني !! ليلة السنة الثالتة بينا رن علي كمان بس هالمرة حتى يحكيلي انو خلص مو قادر يستمر بالخلاف مع أهلو وانو علاقتنا لازم تنتهي وكانت هديك الليلة هي الاسوء بحياتي .. يمكن قصتي تكون بالنسبة الكم عادية بس انا كرهت راس السنة الي راح يكون بكرة وحاسيتو راح يكون صعب علي وخصوصا اني عرفت انو خطب و راح يكون معها وانا راح أكون لحالي مع شعوري بالقهر والألم !</p>