ماذا أفعل مع زوجي الذي يريدني أن أخدم أمه

السلام عليكم انا واحده متجوزه من 8 سنين كنت عايشه مع أهل جوزي أول سنتين كانت أسود سنتين شفت فيهم اللي ما حد شافه وجيت حملت وكانت ظروف حمل صعبه وأهله ماقدروش تعبي واترميت شهرين محدش منهم بيسال عليا واهلي اللي كان بيخدموني وبعد ما شديت حيلي شويه كانو عايزين ينزلوني بالعافيه فرفضت بسبب اللي عملوه وبعد 6 سنين من المعاناه معاهم ومعاملتهم الوحشه ليا حماتي تعبت فنزلت بقيت اطبخ وناكل مع بعض لحد ما بنتي دخلت دروس ومدارس ومذاكره والف معاها في الدروس وبعد الدوخه دي اطبخ انا وليهم فتعبت من كتر الضغط عليا لدرجة قلبي تعب قولت لجوزي نرجع زي ما كنا ومامتك صحتها بقت كويسة رفض وبيحاربني اعمل ايه هو مش حاسس بيا ولا بضغط الدروس والمذاكره وشغل البيت وطبيخ وأكل معاهم وضغط الوقت وبنتي في مدرسه صعبه. انا كده غلطانه ارجوكم اعتبروني اختكم وانصحوني