ليس لدي أصدقاء وأشعر بأني منبوذ

‏أنا والله مخلص جدا وأحب اصدقائي اللي هم ما يتعدون اصابع الكف الأيمن كل ما اكون صداقات وعلاقات جديدة وطبعا تحصل بصعوبة كبيرة الاقي نفسي ابتعدت عنهم واحاول اتخلص منهم بأي طريقة وكأني اصرفهم لاني ما تعودت عليهم واذا جيت اسولف معهم ماعرف وش اقول واتلخبط بالكلام وانسى وش بقول ومشتت بالسوالف جدا احس إني منبوذ ماطلع ما احد ولا احد يطلع معي ولا أحد يبادر انه يكلمني ، الناس فجاءه تحبني وتكرهني بدون سبب ، ابغى اصادق ناس بس ماقدر احس اني نشبه ومكروه وما اعرف اسولف معهم ، والويكند كل الي اعرفهم يطلعون الا انا مااعندي احد اطلع معه ، اذا طلعت اطلع بالسياره لوحدي ومامعي احد حتى لو اماكن عامه اطفش وارجع البيت ، واحس كل الناس يجاملوني ولا يبغوني ، واحس اني لو طحت مااحد يوقف معي ولا يسال علي ، ومايدقون علي الا نادر ، بعض المرات احزن على حالي كيف احصل اصدقاء اطلع معهم واحبهم ويحبوني نفس اللي قاعد اشوفهم بين الناس بس للاسف مافيه اذا عرفت شخص يكون بيني وبينه أول موعد لقاء وبعدها ما يعرفني ولا عاد أعرفه او يكون سلام وانتهى ، مابغى اجلس وحيد ، والله طفشت ، كان عندي اصدقاء وكانت صداقتنا فالمدرسة لكن الكل سحبو علي وصارو يكرهوني والله بدون سبب ،حتى مااعاد صرت واثق من نفسي مثل اول واخجل ، أنا ما احب احد يشوفني ضعيف ووحيد ، بعض المرات اروح لهم احسهم ما يتقبلوني ولا كأني موجود ومهمش ، يعني يسالون عن بعض واذا صار شيء يوقفون معه بس انا ماعمره أحد وقف معي في شي.