هل تخبر زوجها عن علاقة ابنتهم بهذا الشاب؟

قضايا اجتماعية
هل تخبر زوجها عن علاقة ابنتهم بهذا الشاب؟

السلام عليكم ورحمه الله وبركاته المشكله تخص أختى وهى أن حياتها الزوجيه تعتبر انتهت من سنين مع زوجها بسبب خلافات ومشاكل وصولا لعدم الاحترام بينهم وهى حاولت كتييييير اوى معاه انه يتغير وللعلم اختى مرضت وجالها جالطه بسببه قبل كدا واى زعل بيأثر عليها وعلى أعصابها بس للاسف متغيرش هو مش بيحب غير نفسه وكذاب جدااا وهى تعتبرالست والراجل فالبيت لايقولها رايحه فين ولو إتأخرت ميسألهاش ولايعرف اى شى عن حياه بناته لايروح يقدم لبنت فمدرسه ولا يعرف دروسهم ولا حتى رايحين فين ولا اى شى المهم هى قررت الانفصال مدام هتقدر تصرف على البنات ووالدى وإخوانى كلهم عارضو إنفصالها وقالولها متشليش حمل ومشاكل بناتك لوحدك وهما محتاجين راجل فالبيت معاهم حتى لو ونس وإنسى أنك تتطلقى وتتجوزى تانى عشان مش هتأمنى على بناتك مع حد غريب ولو مصممه سيبله البنات يربيها هو وتعالى عيشى فشقتك لوحدك ...والموضوع وقف لكدا المهم مشاكلها مع زوجها أثرت على البنات عدم إحترام منهم لاى حد فالعيله ولا حتى لأبوهم وأختى وعدم تقدير لاى مجهود ليها معاهم ومع انها عمرها ماقلتلهم على اى حاجه لا فسح براحتهم خروج ورجوع فاى معاد براحتهم عايزين جوالات حاضر لبس فلوس حاضر ... مفيش حاجه تقولهم عليها لا حتى البنت الكبيره فى اولى ثانوى واختى عارفه قدراتها انها مش هتمشى فيها دخلتها وبتصرف عليها اوى عشان تبقى عملت اللى عليها معاها اختى للاسف اكتشفت من يوم ان البنت الوسطى هى ف2اعداى بتحب وبتقابل ولد فثانوى واتواجهت معاها والبنت بمنتهى عدم الاحترام ترد على اختى تقولها مش شرط عشان تجربتك مع بابا فاشله يبقى هتحكمى على اى علاقه بالفشل وهو هيخلص ثانوى وهيتقدملى المهم اختى إنهارت من إقناع البنت والبنت مصممه إنها مش غلط فأختى مسكت الجوال كسرته وسابت البيت وراحت عند أمى تريح اعصابها فزوجها اخد الجوال وراح صلحه للبنت وميعرفش اى حاجه عن موضوع الولد وهى مصممه متعرفهوش بتقول لو عرف هيضربها جامد وممكن يموتها او يسببلها عاهه مستديمه...فأنا وأختى التانيه بنقولها لازم أبوها يعرف ويعمل اللى يعمله معاها والموضوع مش لازم يعدى على خير وأنها تسحب الجوالات منها ومن اختها التانيه وتحاول تغير اسلوبها معاهم ومتوافقش على اى طلب ليهم تانى بسهوله ولازم تعرفهم قيمه الحياه والمستوى اللى هى موفراه ليهم ولازم يتحرمو من حاجات بيحبوها لانهم شافين ان اللى امهم بتقدمه ليهم دا العادى والطبيعى حتى لو كان على حساب صحتها ونفسها ميهمهش غير نفسهم وبس ...ايه الحل مع البنات دى

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدربة ميساء حموري وعليكم السلام عزيزتي ،للاسف بسبب مشاكل اختك المتراكمه مع زوجها وشعورها بالوحده وضياع الثبات على الراي في العائله والتفاهم على القوانين جعل من اختك ام تعيش بعشوائيه وتتصرف مع اولادها بعشوائيه ولعدم قدرتها على التفاعل معهم ومع مشاكلهم كانت تحل كل مشكله تواجهها بالنقود ظننا منها ان النقود ستجعلهم يعيشوا باستقرار ولن يشعروا بالفرق مع وجود المشاكل المتفاقمه مع والدهم .الان ليس الوقت المناسب لشقيقتك بالانسحاب من المنزل والذهاب لاهلها لان بناتها بحاجتها وابتعادها عن المنزل سيجعل ابنتها تظن بانها انتصرت عليها وستفعل ما تريد .اولا عليها ان لا تهددها بوالدها وتفهمها بانها هي القوه التي ستوقفها عن الغلط وثانيا وهو الاهم ان ترجع وتتكلم مع ابنتها وتفهم منها ما هي ظروف هذه العلاقه وما حصل معها وتتقبلها حتى تثق بها ابنتها وتحكي لها الامور التي تخفيها عنها فهي بالتاكيد غير متعوده على التحدث مع ابنتها وابنتها لا تثق بها . انصحيها بان ترجع لبيتها وتهدأ وتبدأ بالحوار وتعطي ابنتها الامان والتقبل وتشعرها بمحبتها وتحاول شرح مخاوفها لها .لانها ان سحبت منها الجوال فهناك طرق اخرى للتواصل مع الشاب ولن تعجز عن استخدامها لذلك عليها باعطاء الامن لابنتها حتى لا تتصرف من وراء ظهرها .
  • صورة علم Saudi Arabia
    صورة علم Saudi Arabia
    من مجهول
    البنت بتمارس عليها دور الضغط لو عرفتى بابا انا مش هنزل المدرسه ولا الدروس ولا هروح اختبار الترم انا قولت لاختى خليها تولى ولاتروح وخليها ترسب السنه دى عشان تعرف انها بدمر مستقبلها بأيدها مع ان البنت ولا فارق عندها التعليم اصلا
  • animate

  • صورة علم
    صورة علم
    من مجهول
    كان المفروض الاولاد ما يطلعوا على المشامل الزوجية بين الاهل حتى لا يربطوا ما يفعلوه بمشاكل أهلهم ،، وحتى لا يطفشوا من البيت لعلاقات تخرب حياتهم
  • صورة علم
    صورة علم
    من مجهول
    أكيد لازم الام تهدد بنتها انها حتحكي لوالدها وان البنت ما خافت ولا اعطت الموضوع أهمية تحكي لوالدها بجد ولكن تكون موجودة بينهم حتى تشوف كيف حيتصرف معها
  • صورة علم
    صورة علم
    من مجهول
    خلى اختك ترجع عالبيت وتاخذ الجوال منها ولا تعطيها اياه لانو البنت لسا صغيرة والجوال مصيبة بالنسبة الها و ممكن في مصايب ثانية لسا مش عارفاها اختك
  • صورة علم
    صورة علم
    من مجهول
    لا تخبر زوجها لانو الضرب مش حل ابدا وانو ممكن لبنت تهرب من عيشة اهلها حتى تفرغ طاقتها مع هذا الشاب
  • صورة علم
    صورة علم
    من مجهول
    الحل أنها ما تبقى ببيت أهلك لانو بهيك البنات بياخذوا راحتهم أكثر وأكثر ووالدهم نايم بالعسل

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟