السؤال

قبل 7 شهر (1 اجابه)
1 اجابه

جدتي والمشط

حلمت ان تيته رجعت تانى عايشه وكانت شايله طفل وقالتلى روحى هتيلى مشط فلما روحت اجيبه كان عليه اثار كريم فجربت امسحه بقماشه مانفعش فقالتلى اغسليه فغسلته ونشفته ولما روحت اديها المشط لقيتها معاها واحد غيره كأن ماما اللى جابتهولها والطفل ماكنتش بشوف ملامحه فبقولها غسلت المشط اللى كنتى عايزاه فمردتش عليا (هى كانت قاعده على سفره موجوده فى الاوضه اللى فيها هدوم بابا وماما) فطيت المشط جمبها على السفره من الناحيه الشمال و على الناحيه اليمين تيته كانت حاطه هدوم بابا الداخليه وبطبقها (كأنها رجعت علشان تساعد ماما ) وبعد كده روحت لماما سألتها ازاى تيته رجعت تانى انا مش فاكره ماما ردت عليا قالتلى ايه بس انا فاكره انها مأدتنيش اجابه كامله فرجعت تانى عند تيته علشان اسألها فى الاول كنت بحاول اقول وبعد كده اسكت فتيته قالتلى عايزه تقولى ايه فقولتلها خلاص فقالتلى لا قولى فقولتها ازاى رجعتى تانى فقالتلى سبت النجم اللى كنت عليه وتقريبا النجم ده كان ليه رقم مش فاكره كام بس تقريبا كان فيه 7 فقولتها يعنى ينفع نسيب النجم ونرجع تانى فقالتلى ايوه بس انا دلوقت حياتى انتهت يعنى مش هتحاسب وكمان ده لفتره وهرجع تانى وبعد كده لقيت نفسى بكلم ماما وكانت قاعده مكان تيته وكأن هى اللى ماتت ورجعت تانى و كانت لابسه لبس الصلاه و كانت بردو بتكلمنى على النجم وقالتلى انا دلوقتى موجوده بس مش بتحاسب لان حياتى انتهت وسألتها يعنى مش هتصلى فقالتلى لا انا خلاص مش بتحاسب وبعد كده لقيت نفسى بكلم اختى الكبيره وكنا قاعدين على سرير جنب السفره اللى فى الاوضه و كأنها بردو كانت ميته ورجعت تانى وكانت بردو بتكلمنى على النجم وسميتلى المرحله دى فى الموت باسم (بس مش فاكره اسمها تقريبا كان اسمها الحياه وبعدها كلمه تقريبا الحياه الباقيه حاجه زى كده ) وبعد كده قعدت ازن عليها علشان تحكيلى الحاجات الغريبه اللى شافتها بس هى فى الاول قالتلى لا دى حاجات انتى ماتعرفهاش فقولتلها احكيلى مش انتى كنتى فى القبر ايه اللى حصل هناك ؟ فى الاول ماكنتش عايزه تجاوب وبعد كده قالتلى اتسألت الاسئله اللى انتى عارفاها وبعد كده قولتلها ماشى يعنى ايه اللى حصل فقالتلى طلعلى زى تعبان عنيه واسعه وكان معاه ورده وكل ماتجاوب سؤال صح كان بيحط الورده على خدها تروح الورده تقفل كأنها بتبوسها واختى كان معاها واحده وهى بتحكيلى وورتنى ازاى الورده بتفتح وتقفل وبعد كده حسيت انها بتقولى الحاجات الحلوه بس فسألتها حصل ايه تانى راحت قالتلى فى اسئله معرفتش اجاوبها وكنت بقول اعوذ بالله من الشيطان الرجيم كذا مره فروحت قولتها وهو فى شيطان فى القبر فقالتلى اه وبعد كده شوفت زى جدول طلع قدامى والجدول ده كان مقسوم نصين بالطول النص اليمين كان فى زى صور زهريات تحت بعضها مش عارفه ايه ده وكان على الناحيه الشمال من الجدول قدام اول زهريه كان فى زى زهريه لونها اخضر و تحتها قدام تانى زهريه كان في زى صوره كمانجه فأنا فهمت ان دى الحاجات اللى اختى ماعرفتش تجاوب عليها لاكن باقى الجدول كانت الحاجات اللى جاوبتها صح (الزهريه الخضره مافهمتش معناها لاكن صوره الكمانجه فهمت انها الموسيقى ) فسألتها ع الزهريه الخضره فمردتش فقولتلها دى الكبائر فمردتش وانتهى الحلم .................................................. .................................................. .................................................. .................................................. .................................................. .................................................. .................................................. ...........................انا اسمى نهى احمد شاكر طالبه فى الصف الثالث الثانوى السنادى كنت بعانى من مشاكل نفسيه كتير بسبب مشاكل فى البيت ولان مستوايا قل رغم انى كنت من المتفوقين والاوائل وجالى التهاب فى الغدد الليمفاويه والام فى منطقه الصدر و الظهر وكنت فاكره انه سرطان ولاكن الحمد لله خفيت بس اضطريت اقسم السنه وعملت رقيه مره .... اختى اسمها شيرين هى بردو بتعانى من مشكلات نفسيه ومرضيه عندها تكيسات على المبايض هى دلوقت فى تانيه جامعه وانسه وعملت رقيه بردو كذا مره ........................... امى اسمها زيزى احمد مصطفى وهى بردو مجهده نفسيا بسبب مشاكل مع والدى ومعملتش رقيه قبل كده .. والدى بيشتغل فى السعوديه من 20 سنه مش بيكون معانا غير شهرين او تلاته بالسنه وهو ايمانه ضعيف شويه ...... احنا ست اخوات وتيه اسمها تركيه على جاد اتوفت من سنتين انا واختى بنحلم بيها كتير والطفل اللى كان معاها مش من اخواتى

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

الله يحفظكم ويحميكم لكن حلمك يدل على انك في وضع نفسي قلق الحلم من الشيطان من اوله لاخره التزمي الاذكار واقراي الرقيه انت لوحدك كل يوم صباحا ومساء وقولي بسم الله على كل حاجه

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه