صورة علم Egypt
من مجهول
منذ 7 شهور 1 إجابات
0 0 0 0

العريس في المنام

السلام عليكم الحلم ده كان بقاله فتره يعنى من كام شهر كده حلمت ان فى شخص أعرفه جى عندنا فى البيت  علشان يتقدملى ( هو  فعلا كان متقدملى فى الحقيقه) وبعدين ماما جاتلى وقالتلى اطلعى علشان تسلمى وانا كنت مكسوفه جدا وقولتلها مش طالعه وبعدين لقيت نفسى لابسه فستان ابيض بسيط ورقيق يعنى زى ما يكون فستان فرح وكنت لابسه طرحه سوده  بقيت مستغربه وبقول امال فين طرحة الفستان البيضه و ازاى هلبس طرحه سوده على فستان ابيض المهم وبعدين ظبطت الطرحه السوده  فى  المرايا وخرجت من الاوضه إللى كنت فيها للصاله بس ماشوفتش الشخص ده ولقيت باب بيتنا مفتوح فنزلت على السلالم ولقيت ابن اختى ورايا وناس كتير وزى ما يكون بيزفونى وكنت مبسوطه لغاية ما وصلت لمدخل بيتنا كل ده وانا لوحدى هو مكانش معايا وبعدين لقيت بنات كتير وعرايس لابسين فساتين بيضه وخلص الحلم على كده بس بتهيألى مكانش واضح فى الحلم اذا كان الشخص ده هو العريس ولا لأ كل إللى فاكراه انه كان جاى يتقدم وبعدين انا لبست الفستان وخرجت. ملحوظه : الشخص ده كان متقدملى فى الحقيقه بس حصله ظروف والموضوع وقف وبعدين اتخطبت لحد تانى وفسخت من فتره قريبه