حلمت بأسد يحاول أن يتقرب مني

تفسير الاحلام
animate

أرجو تفسير حلمي أنا قبل رمضان باسبوعين تلاته كنت ملتزمه بسوره البقره بقراها كل يوم نمت وحلمت إني أنا وماما واختى في شقه بنها وأنا وماما في اوضه بابا و الاوضه كانت منوره قوووى وماما لبسه ابيض في البيض كانت عامله زي  ووقفه بتصلي وأنا أعده على السرير بقرا قرآن وبسبح والفكره أللى في دماغى إن في حجات هتظهرلى نتيجه الذكر بس وأنا لوحدي علشان كدا أنا بتعمد إني ما بقاش لوحدى وأنا خايفه منها بس مش هينفع أبطل ذكر وكل ماهذكر آكتر كل ما احتماليه إنهم يطلعوا آكتر بعدين ماما خلصت صلاه وراحت المطبخ وأنا خرجت للصاله علشان أبقى مع إختى ومش أعد لوحدى فيظهرولى وأنا مع إختى بدأو يشدوا فيا من الطرحه علشان ادخل اوضه بابا وأبقى لوحدي علشان يظهروا أنا قاومتهم في الأول بعد كدا خلاص بقيت مستسلمه ودخلت الاوضه أعد عالسرير واعد اذكر وبقيت عارفه إنهم هيطلعوا واحتمال كبير كمان إن الرسول يظهرلى وبس وبعد رمضان باسبوعين تلاته تقريبا أنا حلمت إن أنا ومامتى عند خالتي ايمان والمفروض أخويا كان هياجى ياخدنا نروح بتنا علشان عندنا فرح أو مناسب مهمه وبعدين أنا وماما كسلنا فقلنا هو ما يجيش وأنا هبقى اجيب ماما واجى بالعربيه بتعتنا وبعدين الصبح أنا ماما صحين ونزلنا العربيه كان فيها مشكله فأنا أتأكد من السنتر لوك إنه مقفول كويس لأن كان في ناس بيحوموا حوالين العربيه وخدت أنا وماما تكسي روحنا بيت وآحده البنت دي كان عندها أسد كبير عايش معاها وهو كان بيحاول يقرب منى مش علشان ياذيني هو عاوزنا نتعود على بعض بس أنا خايفه منه فراح نط عليا علشان نقرب من بعض هو مش هياذيني هو عاوز ناخذ على بعض ونلعب مع بعض ونبقى قريبين من بعض وأنا أعد انادي على صاحبت الكلب  ٣ مرات علشان تشيلوا من فوقي وهيه ماسكه الموبيل و سرحانه فيه ومش بترد فأنا قمت زقيت الاسد جامد علشان أبعده من فوقي فهو فتح عليا بقه بس برضو هو مش عاوز ياذيني وخرجت أنا وصحبه الكلب بسرعه من الاوضه وقفلنا الاوضه وطلعت ع البلكونه لقيت أخويا بيتصل بيا بيقولى اجهزي آنتى ومراته علشان هيجي ياخدنا مش عارفه مين فتح للأسد الاوضه واعد يحوم حوليا أنا ومرات أخويا هو عاوز يلعب معانا ومش عاوز نسيبه لوحده المهم مرات أخويا راحت الاوضه علشان تلبس وهو فضل لازق فيها لحد ما وصلت بابا الاوضه ومش رضيت تدخله معاها فجه ليا والدموع نازله من عينه وقالي بعينه إنه مش عاوز يبقى لوحده ونفسه يفضل معانا فمسحت دموعه وكان في بآلى انى هاخده معايا الاوضه وأنا بغير بس مش هينفع اخده معايا بره الشقه لإنه أسد الناس هتخاف منه وصحيت وأنا قلبي وجعنى عليه قووووى بسبب دموعه وإنه مش عاوزه يبقى لوحده على فكر وهو دموعه نازله هو المفروض إنه أسد بس وشه وش كلب بالرغم إنه لما نط عليا في الأول كان وشه وش أسد عآدى

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • مفسرة الأحلام - أ. خديجة محمد السلام عليكم ورحمة الله وبركاته ،طابت أيامكم وشكرا لثقتكم بحلوها ...هو جني له سلطه عليك استمري بقراءة سورة البقره والتزمي السنن لا تتركيها خصوصا الادعيه المأثوره

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟