الدب الكبير في المنام

حلمت اني بكون بغرفة واجهتها زجاج ببيتنا مع العلم انو بيتنا بالحقيقة فيه واجهة زجاج بتطل عالحديقة بس من غير غرفة بشوف نفسي بهالغرفة مع امرأة وبنتها اللصغيرة وشغالتها وبكون فيه دب كبير بالغرفة لونو بني فبتقللي المرأة انو هلأ شوفي كيف بدها بنتي اللصغيرة تستفز الدب ويهجم عليها وهيي بتعضو من رقبتو وابتقتلو فأنا بطلع من الغرفة بكون خايفة شوف منظر الدب وهوي عم يهجم عالبنت وبخاف شوف منظر البنت وهيي عم تعضو وهوي عم يعضها وابكون انا اصلا خايفة من الدب فبطلع لبرا وابصير كل شوي بطل من الباب لشوف شو بدو يصير فابيهجم الدب عالبنت فالبنت بتهرب بتروح لعند الشغالة وابشوف الشغاله عم تبوسها فابقول بنفسي مو خايفين عليها ...المقطع الثاني من الحلم :بشوف انو بكون انا واهلي بسوق اسمو سوق البطحاء للساعات عنا بالسعودية بالحقيقة بشوف نفسي واقفة بنص هالسوق وفي ادراج من جميع الجوانب مشان اذا الواحد بدو يطلع من السوق وابشوف تنين هنود بالسوق عم يتخانقو بعدين كل واحد منهم بروح بحالو بعدين بتذكر بالحلم انو انا شفت نفسي بهالسوق وابهالمكان واقفة برا جنب محل الساعات قبل هالمره بحلم تاني وانا بالحقيقة شفت نفسي بحلم من زمان حلمتو اني بكون بهالسوق وعم اشتري ساعات او واقفة برا جنب محل الساعات بعد ما اتذكر بروح عالدرج وبطلع منو لبرا السوق وابشوف متل عداد للبانزين مكتوب عليه 7 بعدين بشوف لتحت عالسوق من برا بشوف انو اللتنين اللهنود رجعو يتخانقو وبكونو حافرين حفره مطلعين منها شنطة وابقول بيقصدو 7 مليون ريال بشوف عمي واسمو جهاد واقف جنب السوق بالسيارة فامنطلع معو بالسيارة بتكون السيارة شاريها جديد وهوي بالحقيقة ماعندو سيارة فبقللو بابا اسرع بالسيارة فبقللو لا السيارة جديدة مارح اسرع فأنا بقللو لبابا لا السيارة جديدة وبعدين اذا بأسرع بيعطوه مخالفة ارجو اذا كان تفسير حلمي سيء عدم التفسير الحالة الاجتماعية : متزوجة وزوجي سجين ولدي طفله وقبل ما انام صليت قيام ليل بليلة 27 من رجب الدعوات فيها مستجابة ودعيت الله يرزقني وعدة دعوات تانية وبعدها صليت الفجر ونمت وشفت هالحلم