صورة علم United States
من مجهول
منذ شهر 17 إجابات
0 0 0 0

رحمة الله واسعة، حلمي بأن ابنتي ستسير على قدميها أمامي تحقق

السلام عليكم أعضاء المنتدى المحترمين الحقيقة أنا قرأت قصصكم الي كاتبينها عن الأكل والتفاؤل بالله والثقة باستجابة الدعاء وحبيت أشارككم قصتي مع بنتي بنتي ولدت في الشهر الثامن وأول ما نزلت ما طلعت أي صوت ولا بكاء ولا شي خالص فكرت الدكتورة انها ميتة لكن اتضح انها مخنوقة بالماء الي كان حولها ولونها ازرق وصدرها تعبان كتيرقالولنا الدكتورة يمكن ما تعيش للصبح وكان وزنها وحجمها صغير كتير الي صار انو البنت تاني يوم كلما يرضعوها حليب ترجع طلع معها انسداد في الأمعاء ومحتاجة عملية بسرعة عملوا


العملية واكتسفوا بنفس الوقت انو معها ثقب في القلب ومحتاجة عملية قلب مفتوح عملولها العملية أول مرة وما نجحت وتاني مرة نجحت وفضلت في المشفى خلال هلمدة كلها حوالي السنة وانا معاها وما في داعي طبعا اشرحلكم عن حالتي وحالة ابوها ونحن في الغربة وما حد معنا يخفف عنا  لكن ربنا وحده يعرف الحال وللامانة زوجي كان مصدر دعم كبير الي وكان يقلي سطلي على كلامي البنت بعد شهر حتكون هيك وهيك وسبحان الله كلامه كتير كان يطمني ويفرحني وهو كان سندي بعد رب العالمين المهم البنت طلعت من المشفى وعمرها سنة لا بتقدر تاكل ولا تشرب من الفم وانما عن طريق انبوب للمعدة لا تجلس لا تتكلم  فقط حواسها تعمل وجسمها رخو على الآخر طبعا قلبي كان ينفطر كلما شفتها  لكن دعائي ما انقطع ولا لحظة وديناها دكاترة كتير وكل واحد يحكي شي الى أن اخذتها لعند اذكر دكتور عندنا في البلد ولا انسى كيف حكى لي يومها: "هي البنت حطيها في زاوية الغرفة وانسيها، اعتبري نفسك ما خلفت"يا اللله رحمتك طيب ليش معقولمع العلم انها بتفهم علينا كل شي وتتفاعل معنا وتضحك معنا هنا قررت ان اعمل مع بنتي لوحدي في خطوة جريئة نزعت من انفها انبوب التغذية وقررت اطعميها من الفم وبدأت معها بالاطعمة السهلة  والله الليل ما انام وانا جالسة اراقبها من خوفي انها ترجع او تستفرغ وديتها مركز تأهيل وعلاج طبيعي وتعبنا معها احد ما صار عمرها أربع سنين وما بقدر اوصفلكم اللحظة الأولى الي شفتها فيها وهي بتمشي لوحدها يا ربي ما اكرمك ما كان بدي الا انو بنتي تمشي واقضي حاجاتها بنفسها وما تحتاج حد يخدمها وضلينا معناها نشتغل ونوديها مراكز تاهيل  والحين ألف حمد وشكر لله البنت في الصف الثالث الابتدائي والكل بحبها وذكية وشطورة صح انها مواخرة شوي عن اقرانها في النطق والكتابة لكن الشي الي وصلناله كان حلم بالنسبة الي الحمدلله رحمة الله واسعة بس نفسي اليوم اشوف الدكتور الي قال لي حطيها في زاوية الغرفة واساله اوليس الذي خلق السموات والارض بقادر ؟ بلى والله

أضف إجابتك

صورة علم United States
السؤال التالي