حياتي غريبة مع زوجتي

السلام عليكم ورحمة الله وبركاته انا شاب عمري 30 سنة متزوج من فتاه 29 سنة من مدة سته أشهر واجهت صعوبات من بداية زواجي والى اليوم ما قدرنا نعديها اول شي زوجتي من نفس عائلتي وطولت مدة خطوبتنا لاكثر من سنة كنت اتواصل معها وكان كل شي مثل العسل ومع الايام حسيتها تبتعد وتضايق وتزعل وتطول ف الزعل ع كل شي المهم قبل العرس باسبوع او اسبوعين ارسلت لي انها خلاص ما تريدني وما تحس بمشاعر تجاهي وتريد تنفصل عني كان هذا الكلام عن طريق الواتساب الساعه 4 الفجر انا انتظرت الى الساعه 10 الصباحوارسلت لها وخبرتني انها خلاص غيرت رأيها وتريدني وسألتها اذا خبرت اهلها عن الموضوع قالت ماخبرت حد وانها لو خبرت امها بتنشر الخبر للكل المهم ومن اول الايام حسيتها مامرتاحه وتبكي طول الليل انا قلت ممكن لانها فارقت اهلها او خايفه من الحياة الجديده بعدها سافرنا شهر العسل وكنت اتودد لها وقبلها وكذا يومين اشوفها ما تتقبل اني اقبلها او حتى المسها حتى رفعت صوتها علي طبعا ما رديت عليها ما حبيت اجرحها حاولت ادخل عليها ف اذيك الفتره بس كانت ما متقبله قلت بتتقبل ع الايام بس المشكله انها صارت تبتعد شوي شوي حتى كلمتها عن علاقتنا الحميمه وانها لازم تصير بين الازواج بعدين اعترفت لي انه واحد من عائلتهم حاول يغتصبها وشكلها تعقدت من سالفه المهم هي الحين مبتعده عني عاطفيا وجسديا صار لنا اربع شهور هي تنام بغرفه وانا بغرفه كل ما اكلمها ما ترضى وتقول ما اريد فتره كنت احاول نروح مع بعض استشاري اسري بس مارضت حاولت ارسلها مقاطع لاستشاريين نفسيين يتكلمو عن الزواج وكذا بس ما راضيه تفتح شي منهم قلت زين نكلم حد من اهلنا يساعدنا بس بعد ماشي فايده كله ترفض حتى الحين ما اذكر متى اخر مره جلسنا نتكلم مع بعض ي انا مداوم او هي نايمه او طالعه مع رفيقاتها واول ما ترجع ع طول تسكر الليت وتنام وانا متأكد تجلس ساعه او اكثر قبل عن تنام تستخدم جوالها بس عن تتكلم معي تسكر الليت وتتظاهر بالنوم الحين صار اكثر كلامنا بالواتساب اخر الايام ع كل نقاش تقريبا تطلب الطلاق وانا رافض كل ما نجلس نتناقش ف مواضيعنا ما نطلع بحل هي تعاتب من صوب وانا من صوب ما اعرف الموضوع بدا يضايقني وما قادر اتحمل وما احس اني متزوج ابدا وبديت افكر ف الطلاق بصورة جديه. ارجو المساعدة والرد بصوره عاجله ما عليكم امر شكرا