حرقت ذراع زوجي بسبب اكتئاب ما بعد الولادة ماذا افعل

اعاني من اكتئاب ما بعد الولادة فانا بعد الولادة تغيرت وأذيت زوجي وأنا في صدمة السلام عليكم أنا أم جديدة ولدت من فترة قصيرة ومن بعدها حياتي انقلبت رأساً على عقب أعاني من اكتئاب ما بعد الولادة بشكل شديد وأصبحت متوترة وعصبية بطريقة لم أعرفها عن نفسي من قبل قبل أيام حصل شيء صادم كنت في المطبخ في حالة انهيار وبكاء بسبب انو انا وزوجي اتخانقنا فهو لما لقاني انهارت كدا هدي وحاول يهديني وبدأ يعتذر لي على اخطاءه وحتى اخطائي كنت ماسكه كوباية شاي وفضلت متعصبه ومن عصبيتي ما من العصبيه ماحسيتس بنفسي غير وانا برمي الشاي عليه الشاي كان لسه مغلي وحرق دراعه جامد بقا واقف يتنطط ودراعه بيطلع فقاقيع ومش حرق بسيط يعني بس مش خطير الحمدلله الاول هو مازعقش ولا خد اي رد فعل غير انو ساب البيت تاني يوم رجع لي ولقاني منهاره وقعد يحاول يهديني ويقولي اللي حصل حصل وانتي عندك اكتئاب وممكن نفكر نغير الاخصائية اللي بتشوفيها الخ

حاليًا أشعر بذنب رهيب وبدخل في نوبات بكاء وفقدت طعم أي حاجة في حياتي مش عارفة أتعامل إزاي ولا أرجع أثق في نفسي زوجي من ساعة اللي حصل دا وهو بيعمل كل اللي يقدر عليه في المساعده عادي وبيكلمني وحتى كان جاب لي حاجه كان نفسي فيها كهدية لكنه متغير حساه قرفان مني لكن بحاول يداري دا مش اكتر ولما بتخيل العكس بترعب لاني مش متخيله انا كان ممكن اعمل ايه لو هو اللي كان عمل فيا كدا انا مرعوبة من نفسي انا اسفة على المشكلة الغريبه دي بس مش عارفه اعمل ايه واوقف تفكيري ازاي وانا عمري عمري عمري ما عملت حاجه شبه كدا أو فكرت في إيذاء نفس اصلا ومن وقت الحادث وانا بحاول اكون مثالية قدر المستطاع حتى وانا حاسه اني بنهار بحاول اكون حنينه طول الوقت ومش بحاول اطلب منه اي شئ وبعتني كويس بدراعه وبعمل له الاكلات اللي بيحبها بحاول اعوض اللي حصل دا بس مش حاسه انو ينفع يتعوض اصلاً

هل انا هبقى بخير ودا مجرد خلل يخص الفترة الحالية انا بشوف أخصائية من بعد ما ولدت والمفروض المفروض اني كنت حاسة انها بتساعدني وحقيقي انا مش حاسه اني عايزه حتى اعرفها اللي عملته دا من كتر صدمتي في نفسي