قصتي مع هذه الفتاة غيرت حياتي وجعلتني...!!

الحب والعلاقات العاطفية
animate

السلام عليكم .. معلش هطول عليكم بس أنا محتاج مساعدة أنا قبل ما أكتب موضوعي أنا تعبان نفسيا ومبقتش واثق في نفسي وحاسس دايما بنقص انا من صغري لحد السنة الرابعة من الجامعة كنت اجتماعي جدا وكنت محبوب ومعروف جدا والناس كانت بتحبني وكنت بشارك في اتحاد الطلبة وكانت الناس بتحبي أكتر لان كنت صاحب الابتسامة وكنت بحب أهزر كتير ومكنتش بهتم بحاجة اسمها بنات حتي لو كان فيه تعامل بحدود من غير تجاوزات وعند رابعة كلية كان البيت عندنا معزوم في فرح وروحنا وجات أختي في الفرح سألتني علي أخت العروسة وقالتلي أنت تعرفها وقولتلها لأ ..قالتلي هي تعرفك وسألت عليك وهي كويسة وحلوة ومحترمة طب ما تشوفها ويمكن تبقي من نصيبك اديتها الموبايل وقولتلها صوريها وبعدها شوفتها لقيتها مقبولة وعرفت إن ابوها مستشار المهم بعدها بيوم بعتلها طلب اضافة رفضت جيت اكلمها علي الرسايل عملتلي بلوك روحت وكلمت اختي وحلفتلي بالمصحف إنها تعرفك أنا استغربت طب ليه المعاملة دي شوفتها تاني يوم في الشارع أول ما شافتني وشها إحمر ورجعت ورا وقربت من الحيطة بصتلها باستغراب وقولت لازم أكلمها وهي كانت في كلية طب وكانت مشتركة في مشاريع خيرية سكرتارية عميد طب صاحبي كلمته وقاللي بنت كويسة وأسال الدكاترة عليها مش لازم أقولك أنا وأنا كنت بألف وبلحن وبغني فقولتله أنا هعمل أغنية أشارك معاهم في المشروع وتبلغهم علي أساس ابدأ اقدر أكلمها وكنت عامل اغنية خيرية إسمها ميدللي إيديك وجه صاحبي وقفها هي وقالها في واحد صاحبي عامل أغنية انسانية وعايز يشارك معاكم قالتله مفيش مانع وبعدها قالها علي إسمي وشها إتغير ورفضت وقالت استحالة أقابله وهو حطها في الأمر الواقع وقالها أنا كلمته وهو جاي بكره ... تاني يوم أنا جيت وهي مجتش مرضتش أتكلم مع الجروب وروحت تاني يوم وكان معاها سكشن الساعة ١٢ وجات قبل السكشن بعشر دقايق روحت أنا وصاحبي وهو طلعها من السكشن وطلعت هي وصاحبتها وبدأت تكلمني حضرتك شاركت قبل كده وبدأت أتكلم معاها وفي الأخر قالتلي إحنا معندناش الإمكانيات نساعد بس ممكن أساعد واديك رقم مدير المؤسسة الخيرية علي مستوي المحافظة وانت قله جاي من طرفي وهو هيقف معاك طبعا أنا اتطريت أوافق وصاحبتها اديتلي رقم المدير وبعدها قالتلي عايز حضرتك حاجة تاني قولتلها شكرا ..في اللحظة دي أول مرة في حياتي بنت من أول ما أكلمها أحبها ومشيت وصاحبي قاللي اديني ظبطك قولتله هي هتخلص إمتي قاللي الساعة ٤ قولتله طب أنا هستناها وافتح معاها موضوع الجواز مع إني مش معايا ولا شقة ولا فلوس بس أنا مشيت ورا قلبي يومها وقولت أنت مهندس وربنا هيكرمك..نزلت ووقفت قدام باب الكلية وشاورتلها وجات وحسيتها مضايقة وقالتلي نعم عايز ايه قولتها أنا أولا بشكرك علي وقفتك جمبي وثانيا عايزك في موضوع خاص ورفضت تقف معايا بس أنا لحيت عليها وقالتلي طب ثواني أجيب واحدة صاحبتي وجريت وجابت صاحبتها اللي وقفت معانا فوق ودخلت وأنا رفضت أتكلم وأحرجتها وكانت هتمشي بس هي مسكت فيها وقالتلي دي صاحبتي ولو عايز تقول حاجة قول بدأت اعرفها بنفسي وقالتلي لا معرفكش وقولتها طب تعرفي ابويا قالتلي طبعا لأ فقولتلها أنا أعرفك وأعرف أهلك وقولتها "أنا يا بنت الحلال مهندس مدني وأنا ممكن بعد سنتين أتقدملك عشان ظروفي وحشة ..رأيك ايه" صاحبتها قالتلي طب من الأصول تدخل من باب البيت المهم رديت وأقنعتها وقعدنا نجادل لحد ما سكتها وقولتها انت المفروض ما تتكلميش صاحبة الشأن هي اللي تتكلم فرضت وقالتلي "أنا مستغربة الموضوع وليه لازمة حوار الأغنية بس أنا مقدرش أقولك لأ بس لو جيت من باب البيت" بعدها مشيت وكذا مرة اروح الكلية يمكن تيرمين ومكلمهاش واحس انها بتسهلي الفرصة وأنا ببقي خايف ودي أول مرة تحصلي في حياتي بس الفترة دي مفكتش البلوك وكنت عامل ايميل تاني اكلمها تشوف الرسالة متردش لحد ما لقيت ظروفي بقت صعبة فبعتلها رسالة فيما معناها ملناش نصيب ومن يومها وأنا مخنوق وثقتي في نفسي بقت وحشة وأي حد أقعد معاه بيزعل من ردودي بقت مستفزة وبصراحة بقيت إنسان حجول جدا وبالذات مع البنات حتي لساني بقيت بتهته وسعات مش بعرف أجمع الكلام وبقت شخصيتي ضعيفة وخصرت صحابي وكل الناس اللي أعرفها والمشكلة انها ساكنة جمبي وبقيت لازم كل يوم أعدي من تحت بيتها وبقيت مش عارف هي عايزاني ولا لأ واخر مرة ابويا كان جايبها عريس عشان يشيلها من دماغي رفضت العريس وقالت أنا مش بفكر في الجواز وهتجوز بعد ٣ سنين هي قالت كده لابوها ومبقتش عارف أعمل ايه أنا تعبان نفسيا وجسديا يمكن خسيت في الفترة دي ٢٥ كيلو ونفسي حتي أرجع زي زمان راضي عن نفسي ..أسف طولت عليكم

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • أخصائية علم النفس والتثقيف الصحي ميساء النحلاوي الوضوح والصراحة من اهم مقومات الزواج، ان كنت تنوي خطبتها وتجد فيها صفات الزوجة التي تبحث عنها فتقدك لاهلها رسميا حتى تثبت حسن نواياك لها ولاهلها. اما ان لم تكن ظروفك مناسبة للارتباط الان، فاما ان تتقدم لها وتخبر أهلها بوضعك وتناقشوا الحلول او ان تنسى الفكرة وتركز على تحسين وضعك وظروفك حتى تتمكن من الارتباط. اما ان تبقى على حالك من الحزن فانت تظلم نفسك بيدك، ضع أهدافا لنفسك وابدأ بالعمل لتحقيقها، انت ما زلت شابا والحياة امامك ....
  • صورة علم Saudi Arabia
    صورة علم Saudi Arabia
    من مجهول
    طيب تقدم لها بمل بساطه من باب البيت!!!!! ليه كل هذا العناء والتعب النفسي انت عاوزها وهيا عاوزاك
  • animate

  • صورة علم Algeria
    صورة علم Algeria
    من مجهول
    أخي كلنا نتعرض لمواقف لا نعرف كيف نتعامل معها بالحكمة اللازمة لانها اول تجربة و ليس اننا لا نعرف كيف نتصرف . لا ترهق نفسك و لا تحملها ما لا تطيق . انت لازلت تحبها و الحب لا هو عيب و لا حرام و اظن انكما لم تتجوازا اي حد من حدود الادب لا انت و لا هي على الرغم من انها تبدوا غريبة في تصرفاتها في على الاغلب تحبك لكنها تخاف من كلام الناس و تخاف من ان تعصي الله باي شكل . ربما تسرعت في بعث تلك الرسالة .هي طلبت أن تأتي من الباب أفعل ذلك ووضح ضروفك و انك تريدها بالحلال و قد شارفت على الانهيار بسبب عدم فهمك لتصرفاتها و أسأل عن رأيها فهذا هو الأهم . إن وافقت اجتهد و حسن ظروفك المادية و تقدم لها رسميا بعد أن تكون نفسك . و أن رفضت كذلك اجتهد و حسن من وضعك و الله يعوضك خيرا . لا تيأس ابدا مهما كان الجواب أطوي صفحة الشاب اليائس و ارجع كما كنت . داوم على الاستغفار و الدعاء و اعلم ان كل شيئ بيد الله حتى القلوب يقلبها كيف يشاء .
  • صورة علم
    صورة علم
    من مجهول
    الإنسان الذي يتعرض إلى الألم يجب عليه ألا يتوقف عند تلك الحادثة، وأن يكون على معرفة بأن هذا لا يعني النهاية، لأنه قد تكون حصلت نهاية هذه القصة المؤلمة من أجل حدوث بداية جميلة، لذلك يجب عليه أن يتحلى بالأمل في كل خطوة في خطواته
  • صورة علم
    صورة علم
    من مجهول
    استمري في تفريغ طاقتك السلبية، وعليك إيجاد أشياء مفيدة وتساعد في نسيان الألم: يجب على الإنسان الذي يرغب في نسيان ألمه أن يجد طرق متعددة تُمكنه من التخلص من قصص الماضي مثل الكتابة
  • صورة علم
    صورة علم
    من مجهول
    (((((((((((((وعسى أن تكرھوا شيئاً وهو خيرٌ لكم وعسى ان تحبوا شيئا وهو شر لكم)))))))))))) صدق الله العظيم
  • صورة علم
    صورة علم
    من مجهول
    لا تكتئب ولا على بالك ترا قصتك كثير من الشباب مرو بها لكنهم بعد ما ضعفوا صاروا اقوياء .. عادي انت ما زلت في اول شبابك وربنا هيعوضك عن كل الحزن الذي يتملكك الان
  • صورة علم
    صورة علم
    من مجهول
    يا بها من قصه حزينه لكنها قسمة ونصيب يا اخي .. يعني ما بتعرف شو الدنيا مخبيتلك في المستقبل .. اصبر انت
  • صورة علم
    صورة علم
    من مجهول
    اخي العزيز يجب ان تتحدى هذا الضعف الذي سيطرعليك .. يجب ان تكون قويا حتى وان كانت لم تكن من نصيب .. فجميعنا مررنا بمثل قصتك .. لكننا لم نضعف

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟