صورة علم State of Palestine
من مجهول
منذ 7 شهور 22 إجابات
0 0 0 0

زوجي أصيب بالاكتئاب لأن حبيبته تركته، كيف أساعده؟

مرحبا أنا مشكلتي مشربكة شوية، بس أكيد لها حل، لأنه كل مشكلة ولها حل. أنا متزوجة من سنين من ابن خالي، وعندي منه ٣ أطفال أكبرهم ٨ سنين وأصغرهم سنتين. في فترة الخطوبة قعدنا سنتين خاطبين، بس كان هو في بلد وأنا في بلد، وأشوفه في الشهر مرة ليوم أو يومين، ووالدي كان حشر كتير وما كان يسمحلنا نقعد لحالنا مع أنو مكتوب كتابنا المهم تجوزنا ورحت معه ع بلده لانه كان بدرس فيها أول سنة زواج كانت حلوة، طبيعي زي أي أول سنة زواج، ما فيها مسؤوليات كتيرة وكانت كلها حب ورومانسية، وهو بطبعو كتيييير رومانسي ودافي وحنون وبعدين صارت أحداث وطلعنا منها ورجعنا عند بيت أهلو وبدت المشاكل بينا وبدينا نكشف بعض وبدينا نعرف بعض اكتر وصارت بينا مشكلة كبيرة وصرت اقولو طلقني وطلقني فعلا وكان عمر ابني الأول ٦ شهور لكنه بعد أسبوعين ردني وبعدين عرفت أنه هاد الردة كانت تحت ضغط أهلو عشانا قرايب وبعد هالموقف انكسر كل شي بينا وصرنا عايشين بس عشان الناس بدها هيك وانا بحبو وبديش اتركه بس هوا كان بيأدي واجبو كزوج وبس وما بنقص علي شي بس قلبو تجاهي صفر، حاولت بكل الوسائل ارجع شعورو بس ما رجع وقعدت معو كتير و قالي اني ما بفهمو واني لازم اكون واقعيه مش خياليه هيك والحياة بدهاش كل هاد خيال بعدها بفترة قصيرة سافرنا على بلد تالت عشان يكمل تعليمو واشتغل في شركة في البلد هادي بعد سنة في الشركة تعرف على موظفة وحبها حبها بجنون، جوزي وبعرفو، حبها بكل معاني الحب وكان مبين عليه انو بحب وحدة مع انو ما عمرو خاني قبل هيك ولا حتى هددني بالزواج علي او يطلقني بالرغم من انو الحياة بيننا ميتة حاولت اكتر من مرة اعرف مين هي وليش غارق لشوشتو هيك في الاخر اعترف وقالي انو بحبها وبدو يتجوزها و قال هاد حقو و محدش بقدر يمنعو. ولما سالت امو واختو كانو عارفين في الموضوع ليش بحبها هادي بالذات، قالو انو قال انها مثقفة وواعية وبتعتمد على حالها وانو بتفهمو ع الطاير وبتعرف كيف تغير مزاجو اتصلت في البنت وبهدلتها، بس كانت هادية بشكل بخوف وتعاملت مع الموقف بهدوء مش طبيعي وكانت بتحكي الكلمة وهي حاسبة شو بتحكي وقالتلي أنا انسحبت من حياته لمجرد عرفت أنو أنتي بتحبيه وفعلا جوزي انقلب ودخل في حال اكتئاب ونزل وزنو وبطل يوكل ولا يدرس ولا حتى يروح ع شغلو في الاخر قلتلو لو بدك ياها بروح اخطبلك ياها بس ما غير اشي هو بحبها بشكل ما شفتو على حدا ومش قادر يبعد عنها وجوزي وانا بعرفو مش حب نزوه ولا حب مرحله وبروح وفي مرة مسكت جوالو وشفت محادثاتهم وللامانة ما كان فيها اشي وسخ او تعدي حدود بس كان كل كلامهم نقاشات في مواضيع زي السياسة والادب وهي واضح انو لافة ودايرة وعارفة ايش بتحكي. وأنا الان بدي أنجن من الوضع هاد جوزي مش راضي يطلع من الحالة وأنا تعبت معو بس بحبو وبديش أتركو ونفسي الحب الي في قلبو الها يصير الي شو أعمل؟