comment15 إجابات
عملت بالسياحة وحققت حلمي عندما آمنت به
في كل طريق مطب عليك تقوم وتقف وتكمل مهما كان الكلمات دي كانت أمي رحمة الله عليها بتقولها دائما ليا وتشجعني أكمل طريقي والحقيقة أن مهما كانت الصعوبات اللي بتوجهني كنت بمر فيها وبتحدى عشان أبسطها في الجنة عمري ثلاثون عام خريج كلية لغات وبجيد أكثر من عشر لغات بالممارسة والهواية والتعليم كل حلمي أسافر العالم وأتعلم حضارات وثقافات مختلفة بدأت مسيرتي العملية من صغري كان تقريبا عمري اثنا عشر عام بعد وفاة والدي وكنت مسؤول عن أمي مسؤولية كاملة قدرت اشتغل في بزارات كتير واماكن سياحية مختلفة نظرا للغات اللي بتكلم فيها كنت بحاول طول الوقت اوصل المعلومة بأفضل طريقة ولغة سهلة كان حلمي يكون عندي مركز لتعليم الشباب والشابات الصغيرين اللغات وازاي يتعاملوا مع السياح في بلادنا بالفعل كنت بسعى للموضوع خصوصا في الاماكن السياحية الكبيرة اللي متواجد فيها اطفال وبيتعاملوا مع السياح بشكل يومي كانوا يحبوني وطلقت مبادرات مختلفة وكتيرة لتعليم الاطفال اساسيات التعامل واللغات كنت متاكد ان الموضوع لو بدأ من الصغر معاهم هنلاقي ردود أفعال كبيرة لما يكبروا وهيكونوا ركيزة اساسية في تزويد السياحة خصوصا انهم من اهل البلد احد المحافظين سمع عن المبادرة وشجعها جدا وبدأ يجهزلي مكان اعلم فيه الاطفال كان بالنسبة ليا حلم وعمري ماتخيلت انه يحصل بالسرعة دي بعد فترة قررت افتح شركة سياحة وتكون واجهة حضارية بهوية قوية وعندنا شباب صغيرين بيشتغلوا مرشدين وليهم زي موحد بالفعل بدأت كان في صعوبات كتير خصوصا ان الاهالي كانت بترفض ده وان محتاجة ذويهم يكونوا تحت عينهم ويشتغلوا تبعهم وبس لكن بعد فترة وجدت بعض الناس اللي بتساعد وموافقة على الفكرة وتنفيذها عملنا صدى كبير في وقت زمني قياسي من وجهه نظري وكنا بنطلع رحلات لامان محدش عمره خد باله منها كنا بنكتشفها ونبحث عن تاريخها ونتكلم عنها وده اللي كان بميزنا عن غيرنا من شركات السياحة الموضوع يبان بسيط لكن مع كل خطوة كان في مصاعب كتير محدش بيشوفها غير صاحبها معاناة واحلام بتقع مع اي لحظة فشل او احباط من اشخاص انت شايفهم بيحبوك لكن جواهم مشاعر كلها خبث اتجاهك مش عاوزين يشفوك ناجح لكن انت لازم تثبت على موقفك وتنجح مهما كان الطريق صعب
إجابات السؤال

أضف إجابتك على السؤال هنا
سجّل الدخول أوأرسل كمجهول
- من مجهول
من المميز ان تحقق احلامك في سن صغير ولكن هناك امر اخر يا اخي العزيز وهو الاهم والا تعطي اي انتباه لاي مشككين في التعامل معك من البداية واي شخص يحاول ان يبعدك عن هدف او حلمك ولكن هذه مسالة في النهاية تحتاج الى الجدية الكافية للتوصل لاحلامك وعدم اشغال نفسك باي امر غير مهم او غير مؤثر
أضف إجابتك على السؤال هناأسئلة ذات علاقة
أحدث أسئلة قصص النجاح
احجز استشارة اونلاين
أحدث مقالات قصص النجاح