خوفي على حزن زوجتي جعلني أنسى نفسي

add_commentأضف إجابتك

thumb_downلم يعجبني0

خوفي على حزن زوجتي جعلني أنسى نفسي
السلام عليكم جميعا،،، قبل فترة طرحت مشكلتي باني شب متزوج من اشهر و مش مرتاح بزواجي للأسف، و هذا الموضوع كان من الخطوبة و لكن للأسف رضخت للضغوطات و الوعودات الكاذبة ان الامور رح تتغير للأحسن،،، انا عايش بضغط كبيير و توتر،، مثل الي مش قادر يتحرك لقدام و لا قادر يرجع،،، اساس الزواج حسب اغلب الردود الي شفتها منكم هو التوافق النفسي و الديني والاجتماعي و المادي و الثقافي،،، للاسف اغلب هاي الاضلاع كانت مفقودة عندي،، لاني وقتها ركزت عالجانب الديني و الاخلاقي و غفلت عن الباقي ظنا مني ان الامور رح تسير بسلاسة،،،اخذت بنت قمة بالادب و الاخلاق و هذا كان همي الوحيد و رغم ان اهلي عارضوا اختياري بالبداية لكني اصريت عليه،،، للاسف خلال شهور الخطوبة اكتشفت انه فيه شاسع بينا و اشياء كثير بلشت تنكشف و اختلاف البيئة واضح، انا ما بعيب بحدا، يمكن يكونوا احسن مني بس الفكرة اني ما عرفت اتاقلم عالوضع الجديد،،،، الي خلاني اتضايق بزيادة انهم بطلبوا مني مثل الناس و زيادة و بالمقابل ما بقدموا اشي مثل الناس،، اعذروني على صراحتي لكن هذا الواقع، بدل الصالة كان بدهم صالتين للخطبة و العرس( و صالونين و فستانين طبعا و ذهب و جهاز،، اكيد هذا حقهم و انا اعطيته عن طيب خاطر بس تفاجئت انهم مش مستعدين يقدموا شي( يمكن وضعهم عادي لكن القصد ما دام هيك وضعك رت احداث بخجل اذكرها و كنت لما اسال ليش هيك تحكيلي استحيت احكيلك و مش قصدي!!! مشكلتي طول هالفترة و انا خايف عالبنت واني اجرحها او اظلمها لانها بتحاول ما تزعلني باي شكل،،،،على ما يبدو خوفي عليها خلاني انسى اخاف على حالي ، عارف اني طولت لكن والله تعبت،،، يعني حاسس حالي تراجعت نفسيا و ماديا و اجتماعيا بعد الزواج، حتى علاقتي مع اهلي تاثرت كونه اكبر سبب لاستمراري كان همه،، يعني باختصار خسرت كثييير،، ولسا اذا صار انفصال رح اخسر لسنين لقدام من كل النواحي،،، اعذروني على الاطالة و ادعولي،،، السلام عليكم
تابعوا موقع حلوها على منصة اخبار جوجل لقراءة أحدث المقالات
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي verified_user غالبا ما تكون اول سنه من الزواج صعبه جدا فكل واحد من الزوجين يحاول ان يتأقلم مع حياته الجديده وعادات جديده أنت تقول انك دفعت الكثير من دون مساعده من اهل زوجتك فإن ضغطت على نفسك لتلبي مطالبهم فذلك ليس ذنبهم بل خطؤك لان لم تصارحهم بالحقيقه وبما يريحك . أما لاختلاف زوجتك من الناحيه الاجتماعيه والعلميه والطبقيه ربما فإن اردت  فعلا ان تساعدها تستطيع ان تعلمها ما ينقصها حتى لو تابعت علمها بعد الزواج . الحياه الزوجيه مشاركه وعلى كل واحد من الزوجين ان يفعل ما بوسعه لارضاء الطرف الاخر ولينجح هذا الزواج بأي طريقه ممكنه .حاول بنيه ايجابيه ان تتصارح مع زوجتك بهدف الاستمرار معا واعطها واعطي نفسك فرصه اخيره لعلك تجد السعاده.
  • صورة علم Saudi Arabia
    صورة علم Saudi Arabia
    من مجهول
    ياابني انت صرفت كتير بالخطبة وبالزواج ودللت البنت وفرحتها ممكن تقعد معها وتقول لها انه انا حبيت افرحك وما اخلي بنفسك شيء لاني حبيتك وهلأ دورك توقفي معي لنتجاوز ازمتنا المالية وكل شيء خليه بالتفاهم بيننا وما تدخلي حدا بأمور بيتنا وان شاء الله انا كريم معك على طول لكن بالمقابل لازم انت تتعاوني معي لنتجاوز الازمة اذا ابدت استعداد اهلا وسهلا اذا شفتها بدأت تتذمر وتشتكي هددها بالطلاق اذا مافرقت معها ظلقها غير مأسوف عليها واياك اياك تنجب اولاد
  • animate

  • صورة علم Jordan
    صورة علم Jordan
    من مجهول
    انا ما راح اتحدث عن الخسارة الماديه لان السعاده الداخليه لا تعوض بكنوز الدنيا كلها عادة اول سنه ممكن يحصل خلافات لكن طالما كل هاد من الخطوبه حصل و خضت المعارك كلها وعملت كل الاسباب وما زلت هكذا لا اظن انك ستقتنع حتى وان كانت لا تغضبك ومحافظه على رضاك اذا ما اقتنعت فيها لو تشعل لك اصابعها شموع لن تسعد بها وسيؤثر سلبا على تصرفاتك وبالاخر حتطفشوا انتو الاثنين من بعض _ السهم لا ينطلق بقوة للامام الا اذا رجع للخلف خسارة كم الف ليرة ولا خسارة عمر واولاد وجيل كامل الرجل بالذات اذا ما اقتنع من اولها بعمره ما بيرضى عنها وحيظل تعيس احيانا يحدث العكس واابنت لا ترضى عن زوجها لكن سبحان الله طبيعه الانثى غير الذكر الانثى تتعلق باطفالها وتتحمل الزوج عشان اطفالها ولو انو حدثت كثيرا انها تكرهه فتطلب الطلاق بعد سنوات . تانى بموضوع انجاب الاطفال والحمد لله عكل حال
  • صورة علم Algeria
    صورة علم Algeria
    من مجهول
    الرجل لما لا يكون مقانع بزوجته يكون خالط بنات قبلها كثير جدا ويقارنها بمن خالطهن .. زوجي عمره 55 سنه انا 37 سنه تزوجنا قبل سنتين لم يعطيني اي دينار لم ينفق عني ثم راح للغرب وجالس هناك ومتزوج هناك بالسر ولما يكلمني يقل لا تعجبيني لست جميله اريد اتزوج حطمني نفسيا ومعنويا .. فالرجل الذي خالط النسوان في الحرام لن تعجبه ملكات جمال العالم . نقطه الي السطر
  • صورة علم Jordan
    صورة علم Jordan
    من مجهول
    كلام الاخصائية حلو ومنطقي خلص قالت لك اعطي اخر فرصه ____ واذا ما قدرت لا يحمل الله انسان فوق طاقته انت.جاهدت وتعذبت وربنا كفيل يعوضك ويعوض الصبيه
  • صورة علم Jordan
    صورة علم Jordan
    من مجهول
    خلص اذا هي ذات خلق وما بتزعلك وين المشكلة معلش سامحهم لانهم اثقلوا عليك بالمال وان شاء الله ربنا بعوضك خير ما بحس انو هاد سبب مقنع للانفصال وحسب كلامك البنت مؤدبه الافضل كمل حياتك وخليك واعي لامورك الماليه اعمل خطه للمصاريف وكله بيتعوض
  • صورة علم Jordan
    صورة علم Jordan
    من مجهول
    دائما باي مجال بالحياه قبل ان تبحث عن الحلول ابحث عن سبب المشكلة انا مو عارفه اضع يدي على الوجع بالصبط لكن ساقول لك اذا مشكلتك انك نفسيا كارهها ومش متقبلها رغم انك حديث الزواج هاي مستقبلها وخيم جدا وفي ناس بمشوا حالهم عشرة سنوات وبعد ما يخلص ديونه وبكون تحسن وضعه بيفضى لمشكلة انه مش راضي عنها وبروح بتزوج وساعتها زوجتك حتنجرح اكبر من ااجرح في هذا الوقت واولاده بضيعوا وبصيروا مرصى نفسيين اما اذا كانت مشكلتك ضائقه ماليه لا يا عزيزي الدين والقرض واجار البيت وغيره ليس سببا للطلاق والمصاري اللي ضحكوا عليك نسايبك فيهن بعوض الله بس درس لك لا تخلي زوجتك تطمعك فيك اعطيها مصروف واحسن لها لكن عحسب مقدرتك وهاذ كلام الدين
  • صورة علم Jordan
    صورة علم Jordan
    من مجهول
    انت عم بتتعامل مع زوجتك وكانها زميل بالعمل يعني ما زعلتني خلص مش لازم ازعلها .... /هاذ اسمه مجاملات والزواج القائم على المجاملات اخرته معروفه /زميلك بتشوفه كم ساعه بالوظيفه وبتتركه وما بتعاشره بالفراش وما بهمك روحك تالفه ام لا بس زوجتك بتعمل معها شغلات اكتر من هيك ..../طيب هي ليش ما بتخاف على مشاعرك لما كلفتك هيك انت متناقض وكيف بتقول ما بتزعلني واساس الورطه اللي انتي فيها منها ومن اهلها ./طبعا حقك تخاف من الخسارة الماليه بس خسارتك لمدة اقصاها خمس سنوات افضل من خسارة عمر باكمله/بنصحك بالاستخارة وما خاب من استخار
  • صورة علم Jordan
    صورة علم Jordan
    من مجهول
    يا اخي انت الرجل وبتغير بزوجتك وبتؤثر عليها للافضل انك تطلق صعب لانه التكاليف الماديه بالاردن مصيبه وثانيا حتى لا تظلمها اذا هي خلوقه مثل ما بتحكي انت انوي انك ترضى بتعيش سعيد
  • صورة علم Jordan
    صورة علم Jordan
    من مجهول
    ( زوجتك بتحاول ما تزعلك باي شي) هل انت بتهددها بالطلاق او لمحت لها عالطلاق عشان هيك بتحاول تصلح الامور والا شايفه نفورك و تضايقك منها لذلك تحاول تحببك فيها واهم سؤال ( هل انت مرتااااح مع زوجتك بغض النظر عن اخلاقها فالاخلاق ليس لها علاقه بالنفور او السعاده؟) جاوب عالسؤال الاخير بينك وببن نفسك واكسر الخوف اللي بداخلك وقرر ماذا تريد بعد ٣٠ عام ان تكون اي زوج واي عائلة ترغبها؟؟ في رجال بتكون زوجته منكدده عليه ولما حدا يقوله تزوح عليها او طلقها بقولك مش قادر وروحي معلقه فيها. انا متاكده لو انك ارتحت مع هالبنت ما كنت اشتكيت من طمعهم .
  • صورة علم Jordan
    صورة علم Jordan
    من مجهول
    كل السولافه انك لا بترغبها وما بتحبها واندفعت لان في براسك كلمة اخلاااق واكتشفت بعد الزواج انو الموت اهون من انك تصببح وتمسي بوجه انسان لا تطيقه رغم انه محترم لانو المواصفات الظاهريه والتعامل شي وراحة البال والقبول شي ثاني والركن الاساسي للزواج القبول ... انا ما بذم زوجتك قد تكون فعلا خلوقه لكنها لم تخلق من ضلعك فلم تحس بالانتماء لها والميل لها . وهاد اللي صحى الندم عالاموال فيك انك دفعت وما اخذت نصفك المناسب وانما اخذت النصف الخاطئ وانت شكلك بدك ايانا نحكي لك طلق وترجع تقول المعلقين كتبوا لي *طلق* رغم انك اصدرت الحكم بداخلك وباقي لحظه التنفيذ لا عموووه هي زوجتك وهي حياتك والمال مالك واكيد طالما متزوج يعني بالغ عاقل راشد والا الماذون ما زوجك عقلك براسك تعرف خلاصك
  • صورة علم Morocco
    صورة علم Morocco
    من مجهول
    المشكلة ليست فيك او فيها الفروق الاجتماعية و و و لا تعم مدام بنت مؤدبة وخلوقة تصور تأخذها غنية ومافي اخلاق ؟؟ انت لا تستطيع ان تأخذها كاملة لان الكمال لله المشكلة في اهلك لانهم لا يحبونها وسماعك لكلامهم و زنهم كل مرة يجعلك تنضر الى ما لا تجده فيها وتتناسى كل ما فيها جميل وكما يقول المثل الزّن على الودان امر من السحر استعن بالله بهي تبقى حياة فقط واخرتها موت
  • صورة علم Jordan
    صورة علم Jordan
    من مجهول
    مرحبا١_ اساس الزواج نعم التكافؤ لكن يمكن الناس ردوا عليك بمعنى اساس الاختيار من الخطبه ومن باب يوضحوا لك بداية خطاك من وين وشو سبب مشاكلكم لكن انت مش بفترة الاختيار خلص انت ورطت ووقعت الفاس بالراس خلص استمر ولا تقعد تتفلسف بالطلاق بحجه الناس حكوا لك هيك لانك "امعه" ٢_ العنوان جذبني "خوفي على حزن زوجتي" شو قصدك خايف تجرحها قصدك حتموت البنت لو شرحت لها وضعك المادي والا حتنخنق اذا قلت لها نختصر الخطبه بالبيت والا بصير عندها شلل اطفال اذا قللتوا المهر والا حترفضك اذا قلت لها نخفف تكاليف الزواج ساعتها كنت نجوت بسهوله وانكشفت الامور وارتحت لكن ما عندك شخصيه صح الواحد لازم يحن عالمراة ويعاملها بالمعروف وانا امراة مثلها بس المراة والنسايب اذا شافوا الصهر بنك ومتحرك وما راعوا مشاعره وانو الديون بتفقده سعادته وبتشغل باله وبيدخل عش الزوجيه وهو مهدود وساااكت عن حقه بيتمااادوا وهي لازم يكون عندها ذوق واحساس ولا تعمل الحياء حجه في مئة اسلوب غير الحيا لتحل الامور واللي ما بستحي منك لا تستحي منه هم تجرؤا وطلبوا وانت تجرا واشرح لهم حالتك .وربنا ما بكلف حدا فوق طاقته خليك حزين عالناس والناس تتضحوك عليك متل الاهبل مرة اهلك بضحكوا عليك ومرة زوجتك ونسايبك يا حزين .... ٣_ وهذا المهم طلاق لااااا لاااااا لاااا مافي طلاق لا تظلمها اتعوذ من الشيطان واستهدي بالله وخلص مشي حالك بالموجود عرفت تتاقلم والا ما عرفت طلاق لااااا
  • صورة علم Jordan
    صورة علم Jordan
    من مجهول
    انا كتبت لك الحل بالرد على الاخت بالاسفل عندك ٣ حلول والله يختار لك الخير خلص حاول تصبر افضل شي
  • صورة علم Jordan
    صورة علم Jordan
    من مجهول
    هو هاد اسمه شجع وطمع وانانيه انو الواحده تحس انو زوجها انحرج وتسكت عشان اهلها ما بصير هيك لانو بتخاف بكرة تصير بدها كل شي مثلها مثل قريبتها او صديقتها واهلها يعبوا راسها المفروض تتفقوا بينكم واهلها ما دخلهم حط لهم حد لا خيرهم ولا كفايه شرهم .... انت فهمها ظروفك وانك ما بتقدر على هالشي عشان ما يصيروا يحطوك بمواقف محرجه ويخجلوك وتدفع فوق طاقتك ومعروف وضع الشباب هون الاصل اذا ما بدهم يساعدوا الشب اذن يخففوا عنه طلبات اما انو يطلبوا وما يقدموا هاي عيبه يعني شغل مص دماء وشفط دهون وكسر ظهور بس الحق عليك انك كملت كثيير شباب لما يشوفوا البنت هيك طماعه هي والها بغنوا لابوها خللها يا بوها خللها ومهر غالي ما بدفع لها(بتعرفها هالغنيه حلوه ) وبياخد احسن منها
  • صورة علم Jordan
    صورة علم Jordan
    من مجهول
    ااااااااااااااه عرفتك انت نفسك اللي شكيت هداك اليوم : وانا صاحبة رد انك معلق البنت عندك ولا طايلة سماء ولا ارض وفعلا اذن كلامي طلع صح وتفسيري صحيح انك مقرر الانفصال لكن لما تشبع منها ومعلق البنت عندك شكلك بدك تتسلى وتنبسط عبال ما تجمع تكاليف الطلاق وتتركها بتلعب فيها برجع بعيد ردي عليك خليك رجال وحدد شو بدك كل ما طالت فترة الزواج بصير الانفصال صعب لانها بتتعلق فيك واصلا ما في داعي للانفصال خلص من البدايه وانت مش مقتنع كان المفروض خلصت هلا استمر معها وتوقع اي شي بالمستقبل اذا هيك بداياتكم غشان ما تنصدموا ببعض اكتر وهلا بتخطط للخسارة لبعد كم سنه ومش مخطط للمشاكل اللي حتصير مدى العمر الله يعينك على حالك خلص انت تصرفاتك كلها غلط واهلها كمان للاسف بنفعوش و التميتوا على بعض فخار يكسر بعضه
  • animate

  • صورة علم Jordan
    صورة علم Jordan
    من مجهول
    لو هي ست ذكيه وفطنه
  • صورة علم Jordan
    صورة علم Jordan
    من مجهول
    قمة الفشل هو محاولة ارضاء الجميع .انا ما بقولك كون اناني بالعكس شي حلو العطاء والتضحيه بس مش هيك هاد صار اسمه خضوع وذل ولدتكم امهاتكم احرارا . راح الخص لك الحكايه ومعلش اترك اهلها على جنب انت بتقول انك خايف عليها وبتضحي بمستقبلك وسعادتك عشانهاووبتقول وبتعترف انها مؤدبه وما بتزعلك ورغم هااااااد كله يعني انتو الاثنين بتقدموا لبعض وبرضوا السعاده مش موجودة وبرضو الرضا غير موجود معناه في شي غلط ؟؟!!! ما بعرف هل هو موضوع ارواح وتنافرت او شو قصتك ما بينفع واحد يموت بالحياه عشان الثاني يعيش لازم انتو الاثنين عايشين بنفس الفرحه بنفس الرصا بنفس السعاده غير هيك واحد فيكم راح تنتهي صلاحيته كانسان على حساب الثاني حاول تقنع نفسك من داخلك
  • صورة علم Jordan
    صورة علم Jordan
    من مجهول
    انت شو وجعك بالزبط دخلتني بالحيط
  • صورة علم Jordan
    صورة علم Jordan
    من مجهول
    لا حول ولا قوة الابالله ليش هيك انا والله اهلي وضعهم مو كتير منيح بس امي عملت جمعيه وساعدتني بالجهاز و لما خطبني المحروس جوزي ما عملنا صاله بالخطبه ولانو هو كان خاطب وفايخ قبلي ومتكلف بالخطبه الاولى وقال لانه ٦ شهور بين الفرح والخطبه مو مستاهل الموضوع . ولما اجا يدفع المهر ابوي كتب عالورق مبلغ عالاستلام اخذ نص المبلغ عشان يساعده رغم انو هو ما اعترض . وعالعفش اهلي حطوا لي معظم الاثاث . واعطوني نقوط وشهر العسل هديه من اعمامي صح هو خمس ايام بس يعني قدموا لنا المفروض اللي ما بدوا يقدم ما يطلب هيك الاصول يا انما بحط لبنتي وبطلب من العريس يحط يا انما ما بطلب ابدا الله يعينك خلص انتي اعمل حدود لزوجتك وابعدها عن هالبيئة العاطله
صورة علم United States
أضف إجابتك على السؤال هنا