صبرت وكنت أدعو الله أن أتغير لكن نفوري من زوجتي زاد من أول يوم زواج

السلام عليكم اخواني انا خطبت بنت متوسطة الجمال ف ورا الخطبة بسبوع عقدت وحلت عليه ورا عشر ايام ضليت انفر من عدها كلت لهلي بهاي الحاله كالو هذا شيطان وكمل المشوار ف ضليت معا البنت 3شهور اتهرب من البنت ف كلت امكن ضغط من المسؤليه ونشالله اتعدل الامور ورا الزواج ف صارلي سبوع ازوجة ثاني يوم العرس ضليت من اطالع البنت انفر من عدها وبنفس الوقت اكره اكون بلبيت يمها وانا معاه بسكن بس محد ساكن معانه ثاني يوم العرس كلت الها روحي لهلج ضلت تبجي كالت حرام عليك كلت الها والله مااكدر حتا اجاملج ف انا من نوع عندي مخافت الله ومارضاه على اختي ما ارضها على بنات الناس بس ما ادري شنو صابني تعبت والله ف ضليت انفر من البنت ومن كعدت البيت انا اشتغل الحمدلله والله رازقني اليوم علساس اوديه بيت اهلها كلت الها على ما ارتاح كم يوم ورجعج ما رضت كالت انته ما راح ترجعلي وتريد اطلقني ف والله تعبت لان البنت كاسره خاطري ومااقدر اسوي شي يعني كلمت مشكوره ما اكدر اكوله يعني ما احب حتا اسمع صوته قريت قران انتصلت من اكثر من قاري كل واحد يكولي شكل مرا مس ومرا سحر ومرا عين البنت مابدر منها اي شي وزينه معاي ومتحملتني ف مثل ماقلت الكم جماله اقل من النص يعني نوعن ما مقبوله اريد اتفيدوني انا كلت راح اصبر فترا واشوف لان بعدني صارلي سبوع من معرس وانا ما احس اب اي الم او فيني شي صحتي جيده ف اريدكم اتفيدوني بشي لان ما اريد اضلم البنت لان كلام الناس مايرحم اذا رجعته البيت ابوه وبنف الوقت راح ينكسر قلبه واهلي واهل البنت ما اعرف شنو راح يصيبهم من ورا هاي الصدمه اذا طلقته انا من قهر على البنت وبنفس الوقت مامرتاح فكرت حتا انتحر واخلص لان كلش تعبت ارجوكم ساعدوني الله يوفقكم