صورة علم Syrian Arab Republic
من مجهول
منذ شهران 20 إجابات
0 0 0 0

زوجتي تبحث لي عن عروس لكي ترى ابنائي!!

كان إلي سنتين متزوج لما بدينا نزور الأطباء بسبب تأخر الحمل وكان ردهم كلهم إن زوجتي من الصعب إنها تحمل، وبقينا نتعالج مدة طويلة بدون أي نتيجة ولما صارلنا سبع سنين متزوجين صارت زوجتي تطلب مني إني طلقها واتزوج غيرها بس أنا كنت رافض لأني بحبها وبخاف اجرح مشاعرها وبالأخير وبعد إلحاحها المتواصل قبلت اتزوج بس بشرط إنها تبقى معي وما طلقها، وقبل موعد الزواج بيوم صحيت بالليل وسمعتها عم تبكي فأنا حسيت قلبي عم يتقطع من وجعي عليها فبطلت اتزوج وهي ما بتعرف السبب اللي خلاني ارجع عن قرار الزواج، وهلأ تفاجأت إنها شافتلي بنت وخلت إمي تحكي مع أهلها، وعم تقنعني حتى روح شوفها، أنا رفضت وجنيت وعصبت وقلتلها كيف بتتصرفي من دون إذني فصارت تبكي وتترجاني وتقلي حابة شوف ابنك على إيدك. (زوجتي عمرا 29 وأنا 39) والله تايه وما عم نام الليل، المشكلة إن زوجتي كتومة وما بتبين حزنها واللي بيشوفها بيفكرها مبسوطة إنها عم تخطبلي بس أنا الوحيد اللي بسمع بكاها بالليل.