زوجي يضرب أطفالي لإرضاء أهله

السلام عليكم بداية اتمنى تجاوبوني متزوجه من خمس سنوات عندي طفلين زوجي عديم الشخصيه واي شي تكوله امه يصدكه ويطبقه حتى لو كان واضح مثل الشمس انه خطأ امه متخاف من الله بعد زواجي ومن كلامهم بينهم عرفت ان هي ماكو شي حرام ماسوته حد ما وصلت سوالفهه للشرطه هربوهه اولاده واقسموا عليهه ان تكعد وتسكت المهم هي متزوجه عدة مرات كبيرة بالسن لكن غيرتها مالها مثيل وتدخل بكل شي حتى لمايمرضوا اطفالي متقبل ابوهم يدزهم للطبيب وهو يسمعلهه طبعا يشوف ابنه كدامه مايتحرك من المرض بس مايعارضهه ماخلت شي ماخلته براسه لتحريضه عليه وع اطفاله كان يضربهم حتى يبين الهه همه مايعنوله شي كانت تفرح لماتشوفه يسوي هيج ومن نصائحهه المستمره لابنهه تكوله لاتخلي مرتك تسيطر عليك جنسيا صير رجال لاتصير نسوننجي مثل فلان وعملتله غسيل دماغ فعلا زوجي ابتعد عني مايتقربلي اله مرتين تقريبا بالشهر ومو رغبة منه فيني وانما لان ماماته كلتله المره متتحمل اكثر من ١٠او اسبوعين لتخونك وهو يطبق وصيتهه اني ما احبه فما اهتميت للموضوع بالبداية بس بعدين اكتشفت هالرجال وي مرته عنده اكثر من وحده بنفس الوقت ويعمل الحرام معاهن مباشرة او عن طريق فتح الكامرا كيف ممكن اتصرف مع هيج رجل امه سهلت طريق الحرام بعينه ماعنده شخصيه