صورة علم Saudi Arabia
من مجهول
منذ سنة 4 إجابات
1 0 0 1

كيف أجعله يعرف قيمتي ويعتذر لي

السلام عليكم بتكلم ف موضوع عن حياتي الزوجيه لاني فحيره ومو عارفه الصح من الغلط اخاف اخذ قرار اندم عليه اول شي انا عمري ٢٤ وعندي بنت وحامل ومتزوجه ليا ١١ سنه زوجي متزوج عليا وحده اكبر مني ومنو وعندها ٢ ولد وبنت من طليقها وطبعا تزوجها بسبب عنادو اكلمك عن زوجي وعن طبعي طبعاً طبع زوجي مرا صعب يعني عنيدد لابعد حد ومستحيل يغلط عليا ويتأسف وهاذا طبع فيه من زمان للكل مو بس انا واهم شي عندو كرامتو يعني صارت بينا مشاكل كثيره ويخليني عند اهلي وما يسال ولا يرسل مصرفو ويمر شهر ولا شهرين وانا كنت ارجع له لاني عارف مستحيل راح يرجع ويتنازل سرت انا الي اتنازل وارجع له وطبعا صار طبعو ما اقدر اتحملو حتى بعد زواجو وصارت بيني وبينو مشاكل مالها حتى داعي ورحت عند اهلي ولا سال عني ولا عن بنتو لمدة ثلاث شهور وبعدها صار يجي عند اهلي يشوف بنتو ويشتريلها ملابس وحفايظ وحليب وانا طبعاً ما يشوفني ولا يتصل ولا حتى يصرف عليا وعايش مع زوجتو وعيالو عندو ولدين منها وانا جالسه الحين عند اهلي ليا ٦ شهور وطبعاً ما راح ارجع الين يجي عند ابويه ويكلمو انو يبغاني وما راح يطلق وابويه راح يكلمو عني كمان علشان اهمالو فيني وهوا وطبعا ابويه ما راح يدق عليه ولا راح يتكلم اذا جى عمد بنتو يشوفها يعني ابويه يبغاه هوا الي يبدا ف الكلام لان قال بيطلق وزوجي من النوع العنيد مستحيل راح يكلم ابويه لانو عارف انو غلطان ف حاجات كثيره مسويها فيني زوجي يحشش وكان يضربني ويخوني ويقفل علي الباب وهوا طالع يعني مافي احد يقدر يجي عندي لان مفتاح واحد للبيت ومعاه المفتاح وكان يشك فيني ومعذبني بسبب شكو وانا والله ما عمرو خنتو وحياتي كلها مشاكل وانا الحين حالفه انو ما ارجع الا لمن يكلم ابويه يمكن يحس بقيمتي لاني تعبت وانا اتنازل وابغى نصيحه ايش اسوي ف حياتي كيف اخليه يجي يكلم ابويه لاني ما ودي اتطلق مستعده اصبر عليه بس علشان عيالي بس لازم يعرف قيمتي ويحترمني وطبعاً انا متأكده انو من بعد كلام ابويه راح يتعدل معايه انصحوني ايش اسوي والله اني فحيره ..