السلام عليكم .انا متزوجة من 18 سنة وكأن لم يمر على زواجى اكثر من شهر نفس المشكلة ونفس التصرفات من زوجى تزوجتة وعمرى 24 سنة ومنحنى الله نسبة من الجمال والقبول لدى الجميع وزوجى كان يعشقنى قبل الزواج كما روى لى الجميع وهو ايضا ولكن بعد شهر واحد من الزواج ﻻحظت اهمالة لى واهتمامة بالشغل لدرجة انه كان ياكل وينام وﻻ يسال اية اخبارك وﻻ عندة رغبة فى القرب منى كنت دائما الفت نظرة لهذا الشئ رغم احراجى وكان يضحك ويستهين بكلامى عندم احدثة ان الشرع يامر الزوج بﻻبتسامه فى وجة زوجتة كان يقول هاتى الشرع يشتغل مكانى ويتهمنى بانى دماغى فاضية علما بانى كنت اسكن مع عائلتة وكان يحدث مشاكل كتير معى وكنت اتجاوزها و اخدمهم جميعا حتى اصبحو يعشقونى اكثر من اهلى ام هو عندما كان يفيض بى وازعل من اسلوبة ومااكلمة كان مايسال فى اية مزعلنى ويتركنى زعلانة ب4 شهور وانا بخدمة ومع اوﻻدى وابكى مايسال مابى لحين مأبدء انا بالكلام مرة اخرى ومات ابى وامى لم اجد منة اى حنان وﻻ تعاطف نفس الجفاء واصبحت مجمع للامراض وحالتى النفسية سائت جدا من اهمالة لى علما بانى عمرى 42 سنة اﻻ ان من يرانى ﻻيصدق انى زوجتة وﻻ ام ﻻبنائى ﻻن رغم ما انا فية اﻻ ان ربنا بيضيف عليا حسن وجمال ولولى فضل الله عليا لكنت اتجهت فى طرق خطء كثيرة .وحبيت اكون صريحة معاه واخبرتة بما يزعجنى منة بالتفصيل حتى ﻻ احمل وزرة وقلت لة انى كتير بتمنا انى اكون زوجة ﻻى حد غيرة لكنة لم يبالى وﻻ يتعدل وفى مرة بحثت وراه واكتشفت انة على علاقة مع واحدة عن طريق النت وحزنت جدا وبلغت اخى وبلغتة وقتها زعل لية بتفتشى فى حجتى وبعدين قال دى كانت نزوة وانا سامحت عشان خاطر اوﻻدى ومرت السنين وهى نفس المشكلة اهمال الى ابعد الحدود لحد مانا تحولت لراجل بحمى نفسى لحالى واتحمل كل ظروفى وظروف اوﻻدى لحالى وهو بعيد بحجة الشغل لكن لو حدا من اصحابة او اهلة احتاج شئ بيكون فى المقدمة بصراحة انا بيعز عليا نفسى وشكلى وبضل ابكى ليل نهار وحزينة ﻻن ابنى بيقول استحملى واﻻ انا هترك البيت وامشى انا واختى .لكن انا فاض بيا واصبحت اكرهه على حق وحاسة انى بموت كل ما اسمع صوتة او اشوف شكلة وانا ما بكلمة ليا 3 شهور وهو ما كلف خاطرة وسألنى اية زعلانة وﻻ يتزكر تقبيلى ليدة وقدمة ﻻرفع من شانة وانول رضا ربنا .عندة جحود فظيع وبجد حبة انى انهى حياتى معة وخايفة على مشاعر اوﻻدى وبعدين انا خايفة من حساب ربنا ليا وبقيت تيهة مش عارفة اية الصح من الخطء... بعتزر عن اطالتى على الجميع بس بجد انا فى دوامة وتوها كبيرة وحبة حدا يشاركنى الحل