حتى في الطعام والشراب زوجي لا يشاركني

السلام عليكم انا وزوجي تزوجنا عن حب او هكذا كنت أظن المهم انه اصبح مع الوقت شخص آخر. في كل شئ فهو يهملني إهمال تام حتى أنه لا يشاركني الطعام ولا الشراب ولا النوم ولا حتى الكلام وإذا مشاركته الحوار عن أي جديد في عملي أو عن ابنتنا أو عن أي شئ يسمعني وهو على مضض وأصبح يتصرف بشكل صبياني لا يليق به كزوج وأصبح لا يسأل عني نهائيا وأنا خارج البيت حتى أنني كنت أعمل في مكان هو لا يعرف عنوانه ولم يهتم أن يعرف ومع ذلك لم يكن يتصل ليعرف إذا كنت روحت ولا لأ ومجددا اصبح يضربني بالقفا ويقول لي يا خمارة او يا جاموسة مع أنه عارف انى مش بحب المعاملة الغير محترمة حتى لو كانت تحت بند الهزار زي ماهو بيقوللي وكل لما أتضايق واقوله لو سمحت كدة ما ينفعش وده مش هزار بين اثنين متجوزين مش بيستجيب لكلامي كأنه قاصد يضايقني. ويككرر نفس الأفعال عشان انفعل أو أبكي وفي الاخر هو اللي يزعل ويقول لي بتنكدي والله ساعات بيخنقني ويقول لي بهزر وساعات بييسيب أثار في جسمي زرقان أو احمرار وأبكي واقوله لو سمحت كدة مينفعش وبردو كأني مش بقول حاجة ولما ازعل يزعل هو ولما اعاتبه على عدم اهتمامه أو سؤاله عني بردو يزعل كأنه بيتلكك عشان ما يتحملش مسئوليتي