صورة علم Saudi Arabia
من مجهول
منذ سنة 15 إجابات
1 0 0 1

أماطل بتقدمه لخطبتي بسبب سمعة أخوتي

السلام عليكم ابي مساعده بموضوعي يمكن يعتبره الاغلب تافه! لو كان في شخص ناوي يتقدم لي بس هو مايعرف اهلي بس انه شاريني و ناوي يتقدم بأسرع وقت وانا اماطل فيه لسبب اللي هو ان عندي اخوان راعين بلاوي وحقين سجون و خلقه في اللي منهم بالسجن الحين صارله مده طويله (الحمدالله الذي عافانا ممن ابتلاهم وفضلنا على كثيرا من خلقه)💞.فكيف اتصرف او كيف افاتحه بالموضوع؟ ولا اخليه يتقدم وبعد مايتقدم ويسألون هو يكتشف هالشي؟ خاصه اني اسولف عنهم بشكل طبيعي مو تصنع لا والله بس خلاص ربي مبتليهم مابيدنا الا الدعاء وهذول اخواني رغم الابتلاء الا ان فيهم حنيّه علي هذه الشي اللي يشفع لهم. -ابوي متوفي الله يرحمه-ومدري كيف بتكون النظره لي بعدين لو اكتشف هالشي من غير ما اقوله🙄؟ مع العلم ماكان ببالي ابداً افتح للموضوع هذه باب ولا كان لي نيه اني ادخل هالشخص حياتي وياكثر ماكرهته فيني بس هي صدفه خلته مهما اسوي له بشكل سيء يشوفه شي زين😕! ومتعلق مره لدرجة يحلف انه لو ما اخذني تنشال فكرة الزواج من راسه بس ما ادري وش يصير لو درا عنهم! ياليت احد يفكني من التفكير اللي ذبحني ويوترني ويعطيني حل😑؟