أشعر بالقهر من صديقي

مرحبا انا كتير صرت طارح هالموضوع بس مش قادر اوقف عن التفكير بهاد الموضوع انا كنت راسب توجيهي وعدت ونجحت وجبت 54.9 وحكيت من قبل الي صاحب ما كان يدرس وجاب اعلى مني وانا الصراحة مقهور لانو صاحبي سجل بالجامعة وانا لا لما احكي لاهلي بيحكولي معدلك واطي وما منقدر ندرسك صرفنا عليك بالتوجيهي كتير لونك جايب معدل منيح مندرسك طبعا هاد حكي امي بعد النجاح بس قبل ما اقدم كانت تحكيلي انجح وسجل باي جامعة وانا لهس ما فتحت الموضوع مع ابوي (موضوع الجامعة) لانو عارف رح يحكيلي نفس الكلام وانا كل صحابي كلهم بالجامعة بس هاد الوحيد الي كان مش بالجامعة وهس سجل ودخل الجامعة ولما اطلع مع صحابي بحس حالي ناقص ما بنبسط وبصير امثل اني مبسوط بطلت احب اطلع من الدار وكمان طول عمرو صاحبي لما بدو يطلع يطش يرنلي ويحكيلي تعال نروح مثلا على القهوة بعد ما سجل الجامعة ما عاد رن ولا اشي ولما احكي معو على الواتساب بحسو بحكي بدون نفس مش عارف انا بتوهم انو تغير ولا هو جد تغير وشو اعمل طبعا انا هس بدرس صيانة حاسوب بمركز مش جامعة ولا كلية والامتحانات الي قدمتهم بمالمركز كلهم علاماتهم سيئة لانو بضل 24 ساعة افكر بالجامعة والي بدو يحكيلي حاول ححسن معدلك ما بقدر لانو عدلو المنهاج وصار ازا بدي اعيد بعيد كل المواد يعني برجع من اول وجديد هيك صعب ساعدوني شو اعمل بالله عليكم