السؤال

قبل 11 شهر (21 اجابه)
21 اجابه

أنا على حافة الهاوية

أنا على حافة الهاوية

انا شاب عمري 29 سنة تخرجت من الجامعة دارست محاسبة وتخرجت ما لاقيت شغل ... قررت اشتغل على تكسي بشكل مؤقت لحد ما الاقي شغل بدال القعده ومرت اول سنة وانا لا بلاقي شغل بالمحاسبه واذا لقيت بدهم خبره.. المهم مرت السنين ولا قدرت اشتغل بالمحاسبة ولا قدرت اكسب اي خبره وضليت على التكسي وقلبت من شاب متعلم راقي لشاب غير بسبب طبيعة شغلي .. ما وقت المشكلة هون ... تعرفت على شباب طلعوا معي مره بالتكسي وتعرفت عليهم وكنت في شده ياسي واحباطي .. وبلشت رحلتي مع الادمان ... ادمان المخدرات ... كنت ياسان من كل شي من دراستي الي راحت هيك من حياتي الي تغيرت ... والمشكلة الادمان هلاء ضيع علي اي فرصة اتحسن .. وكل ما افكر اترك المخدرات واتعالج ... حالتي ووضعي بخلوني اتراجع وافقد الامل ... بس مو ذنبي الي صار ... ظروف الحياة كانت اقسى من اني اتحملها .. وهلاء انا على حافة الهاوية .. شو ممكن اعمل ساعدوني

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

أنا أحييك انك ما ضيعت وقت وواجهت الواقع ولقيت شغل بديل بدل من البطالة. الكثير من الشباب هالايام بيتخرجوا وما بلاقوا عمل ومتطلبات الحياة كتيرة. من الأحسن انه الواحد يدور على فرص بدل اليأس وهذا الي انت عملته. كتير أيام بتجبرنا ظروف الحياة ناخذ طريق غير الي رسمناه لحالنا. المهم هو انه نكمل رحلتنا وين ما وقفنا. انت بعدك شاب وفرص الحياة كتيرة، يمكن هلأ امورك صعبة لكن خليك متفائل. تذكر انه كتير من الناس الي عملوا ثروات طائلة عاندتهم الظروف بأول حياتهم. ليه حاسس انه شغلة التاكسي خلتك غير متعلم وغير راقي؟؟ أي عمل منعمله نحن منخليه راقي ونحن الي نحافظ على تعليمنا وثقافتنا ونطور حالنا. أعطيك مثال Uber التكسي عالانترنت الي عمل نهضة بعالم المواصلات، الناس من كل الطبقات والأجناس عمبتشارك فيه لتحسن دخلها. نصيحتي الك تتوجه فورا لمركز علاج للادمان، اطلب من احد افراد عائلتك او اصدقائك يساعدوك تواظب عالعلاج وما ترجع لطريق المخدرات واقطع علاقتك نهائيا يالشباب الي وصولك عالمخدرات. الآن فرصتك انك تتخلص من مصيبة المخدرات وتبدي حياة جديدة. مع تحياتي

لا يعني عملك في تكسي انك فاشل ممكن ان تطور عملك لانه الفرصة الوحيدة كما تقول ممكن ان تعملوا شركة خدمات ممكن ان تجعل لك زباءن وخطوط ولكن بالمخدرات لا ينفع شيء وستخسر فعلا انقذ نفسك قبل فوات الاوان ولا تجد لنفسك التبريرات

قبل 5 شهر

ليس الشغل على تاكسي عيب او نقص بالعكس انت شاب مثقف بل العيب هو البطاله و مد اليد للغير انت اعتمدت على نفسك و اشتغلت حتى تصرف بالحلال على نفسك و ليس الا ظرف موقت حتى تتوضف بشهادتك و الي عملتو عين الصواب ما في داعي تحس بالنقص او العجز لانو شغل موقت فقط . اما مشكله الادمان فهذا يستوجب عزيمه و قناعه منك حتى تتغلب على محنتك لان هذه هي مشكلتك الحقيقيه و ليس شغل التاكسي لانو اكيد باذن الله طالما بتفتش على وظيفه بنطاق اختصاصك رح يجي يوم و تلاقي ِِ اقتنع بحياتك و اطلب الله عشان يرزقك بوظيفه الي تحلم بيها . انصحك تروح على مركز معالجه الادمان فانت شاب في مقتبل العمر و اعتبرها غلطه انت قادر تصلحها بالاراده و العزيمه و كل شي ممكن يتصلح لا تحمل هم .

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.
مواضيع ذات علاقه