ينتظر خروجي ليختلي بزوجة أخيه

انا متزوجه من 3 سنين ونص وعندي ولد عمره سنه ونص واخذت زوجي عن حب كنت بحبه من لما كنت صغيره وكبرت وانا بحبه وهو ابن خالتي وبعمري ما حبيت حدا غيره او كان في حدا بحياتي وصح كنت بحبه بس بعمري ما حكيت اله هاد الاشي او حسسته انه انا بحبه وفي يوم اجت اخته لعندي وحكتلي انه هو بحبني وكثير انبسطت واجا طلب ايدي وخطبنا لمدة سنة و 8 اشهر وكنا كثير مبسوطين وبعد هيك تزوجنا واكتشفت شو هو

… زوجي كان بخوني وبحكي مع بنات ومش بس كان بحكي مع بنات كان بعمل علاقه كمان وكان هاد الاشي بعمله من قبل ما نتزوج او نخطب وسكتت وحاولت معه كثير وصبرت وتحملت ومن جديد اكتشفت انه بحب مرت اخوه وهو على علاقه معها من 9 سنين وهي كانت كثير صاحبتي ودايما بتيجي لعندي وبتحكيلي انتي مثل اختي وبالاخر عرفتها على حقيقتها وكان زوجي يخليني بس اطلع من بيتي يجيبها لعنده وينام معها بفراشي اشي بقرف بس زوجها يلي هو اخو زوجي ما بعرف بالموضوع وانا كثير تعبانه وانصدمت كثير من الاشي يلي صار وهو وعدني انه ما راح يخوني وانه هاي آخر مره راح تكون وانا مش عارفه شو اعمل يا ريت تنصحوني شو اعمل