الرئيسية / الخيانة الزوجية / سامحته لأنه دخل المستشفى بعد اكتشافي لخيانته

السؤال

صورة علم Saudi Arabia
مجهول
قبل 8 شهر (6 اجابه)
6 اجابه

سامحته لأنه دخل المستشفى بعد اكتشافي لخيانته

قصتي طويله لكن علي اد ما اقدر هحاول اختصر بداية انا تزوجت عن حب أحببت زوجي منذ طفولتي تقريبا وتعلقت به حتي الجامعه وكذلك هو حسب قوله ارتبطنا بالجامعة وتزوجنا بعد أن انتهيت من دراستي مباشرة لم أعرف رجلا غيره سوي زملائي بالدراسة لم اتعلق برجل غيره بعد الخطوبة بدأت أعرفه عن قرب كان ذو تحكمات لا تذهبي ولا تكلمي فلان من باب الغيره حتي زملائي بالجامعة ممنوع تكلمي وهكذا والدي كان يعطيني مساحه من الحريه مادامت ف حدود الأدب لكن هو لا المهم لاني أحبه كنت اعدي المشاكل واعمل اللي عاوزه بعد الزواج زادت التحكمات ولكن تحملت لأجل الحب والحياه وبعد فترة صغيره انتقلت للعيش معه بعيدا عن أهله وأهلي قريبا من مكان عمله وهذه كانت أول مرة أعرفه جيدا كزوج وزوجه حياه كامله ليل نهار سويا كانت طباعه سيئه يعشق النوم لا يتحدث حياته أكل وشغل ونوم وانا تقريبا كنت لوحدي لم يكن لدي اطفال ياما بكيت من الوحده وعدم الإحساس بيا المهم ف يوم بقلب ف اللاب بتاعه لقيت رسايل منه لوحده متزوجه وزوجها مسافر صعقت بعدها عاتبته قال إن مش هو مع أنه ايميله حاولت أكمل حياتي واعيش بهدوء وعملت نفسي مصدقاه وكملت وبعدها سافرنا وكانت الخيانه للمرة التانيه لقيت فيديو شات بينه وبين واحده ع الياهو والمصيبة اني كنت معاه ف الشقه ولما شوفته بالصدفه ثورت وطلبت الطلاق لكن كان زي الطفل عيد وندم وسامحته انا للأسف كنت بحبه وكمان نسيت وكملنا حياتنا لكن للأسف قريبا حصلت حاجه أكبر كلم واحده وكدب عليا أيام كتير ياما سألت بتعمل ايه ف تليفونك بتكلم مين وهو يكدب ويقول والله مابكلم حد لحد ما اكتشفت كدبه واجهته لتالت مرة لكن المرة دي كانت مختلفه اوي هنته اهانه عمري ماعملتها ف حياته طلبت الطلاق وكرهته حاولت اعيط مفيش دمعه واحده كانت عاوزه تنزل عشانه لكنه عيط ووقع ف الأرض وتعب اوي بعدها ودخل المستشفي وبعدها برده سامحته لكن جوايا اتغير اوي بقيت بشك ف كل تصرفاته والشك ده قلب كل حياتي جحيم كرهت الحياه ماعدتش طايقه أعيش ....لو مسك تليفون أسأله بتكلم مين لو ماردش أو قال مفيش تقوم حريقه ف البيت انا مضايقة اوي من نفسي ومضايقه من أسلوبي معاه نفسي أعيش حياه هاديه قولولي أتصرف ازاي بالله عليكم عشان اقدر أكمل. ..


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
خبيرة تطوير الذات د. سناء عبده
قبل 8 شهر

يا سيدتي وهل وجدت تغيّر في تصرفاته بعد هذه الحادثة؟ ان كان نعم وقد تغير وبدا يتقرب منك ويتعامل معك بالحسنى، افترضي انه تاب وبذكاء تجاهلي المشاعر لاسلبية وضميه لك ولا تخسريه، وان لم تجدي اي تغيير اطلبي منه ما تريدين من تصرفات ايجابية وان وجدت انه يتغير فهذه علامة ايجابية وان لم تلاحظي اي من هذه التغيرات لماذا تدمرين حياتك في العيش معه، لماذا تدمرين اعصابك وتدمرين عقلك بالشك وبالمشاعر السلبية؟ لا احد يجبرك على هذه المعيشة، اما ان تعطيه الامان وتعيشي براحة او تتركيه وهو يتحمل مسؤولية اعماله. ولكن كوني هادئة وحازمة، فما هي هذه الحياة التي كلها شك وعصبية وقهر ونكد؟؟ اتخذي قرارك واحزمي امرك وادعي الله يسهل امورك ويهديه.

مجهول
8 شهر

شكرا جزيلا لحضرتك بجد كلامك إداني أمل انا مش عاوزه اهد حياتي وعاوزه أدي حياتنا فرصه ونفسي اعرف اسيطر علي اعصابي واتغلب علي احساسي كمان هو إنسان فيه مزايا كتير تستاهل اني اسامحه علي العيب ده وهو فعلا وعدني انه هيتغير وبدأ فعلا يغير حاجات كتير فيه كانت بتضايقني ربنا يهديه ويهديني وشكرا لحضرتك تاني جزاكي الله خير


صورة علم Egypt
مجهول
قبل 8 شهر

مش عارفه أقول لك ايه الصراحه. انا مصيبتي زي مصيبتك بس انا لسه في البدايه وباتبع معاه أسلوب مهذب بس برضو الشك قاتلني وشكوكي في محلها ولأنه انسان طيب بطبيعته خايفه أطلق ...تعبت ربنا يهدي

صورة علم Saudi Arabia
مجهول
قبل 8 شهر

شكرا جزيلا لاهتمامكم بس هو آخر مرة دي وعدني يتغير ويكون انسان تاني بس انا كتير بشك فيه مش عارفه أثق فيه زي الاول والشك ده هيموتني بقرا قرآن كتير وبتقرب كتير لربنا وبدعي... نفسيتي ترتاح شويه ومجرد ما اشوفه مشغول ف الفون حاجه جوايا بتعصبني وأفتكر كل اللي حصل وابقي عصبية فوق الوصف بحس بثورة جوايا ..في حل لمشكلتي دي ارجوكم ساعدوني..

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن