الرئيسية / الخيانة الزوجية / مكسورة ومجروحة بسبب ما فعله زوجي بي

السؤال

صورة علم Jordan
مجهول
قبل 6 شهر (4 اجابه)
4 اجابه

مكسورة ومجروحة بسبب ما فعله زوجي بي

السلام عليكم حابة اخد رئيكم بمشكلتي انا متزوجه من 10سنين وعندي ولدين بنت....زوجي طبعه نسونجي كتير ومن بنت لبنت وكنت اكشفه واواجه بالدلائل والبراهين ونتقاتل وتوصل للطلاق علما يشهد الله علي اني صبرت عليه ع المرة قبل الحلوة والحمد لله ما عمري قصرت معه بشي وعلى قدر كافي من الجمال من كلام الحولي ومثقفة بس طبعه هيك هو بيحكيلي انتي ماعمرك قصرتي مشكلتي باخر نزوة اله وبعدنا فيها كان المفروض انه احرد واطلق منه بس قعدت عشان ما اكسر ولادي ولاني مو قادرة اطلق مارح نقدر انا واهلي عالمشاكل بس انا من جوه مقهورة ع حالي كتير ومكسورة والله مابقدر اطلع ع حالي هل انا غلطت اني صبرت عشان ولادي ولا المفروض كان اطلقت منه


قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

الحلول

صورة علم Jordan
لبنى النعيمي مدربة العلاقات الاجتماعية
قبل 6 شهر

شكرا لرسالتك عزيزتي يؤسفني انك تعانين من هذه المشكلة مع زوجك والأصعب ايضا تكرارها الذي استمر الى الان. اشعر معك ومع إحساسك بعدم الامان وانعدام الثقة بينك وبين زوجك. لقد شعرت من رسالتك ان زوجك يقدر وجودك في حياته وانه يعرف انك لم تقصري معه ابدا لذلك ارجو الاستثمار بهذه المشاعر الطيبة ومحاولة مساعدته للبعد عن هذا السلوك. يمكنك التحدث معه لمحاولة معرفة السبب وراء تكرار هذه الخيانات والتوضيح له اثر ما يحدث عليك وعلى عائلته وكيف يمكنك مساعدته للتخلص منها. كما يمكنك الاستعانة بطبيب متخصص يتحدث الى زوجك فربما سلوك زوجك هو سلوك مرضي نفسي يحتاج الى إشراف معالج نفسي. لا تيأسي وحاولي إنقاذ عائلتك. وفقك الله وأعانك لتجاوز هذه المِحنة.

صورة علم Jordan
مجهول
قبل 6 شهر

بصراحه انا مش مع الطلاق ابدا لا الك ولا لوحده معها اطفال لانه لو اتطلقتي بدك تتحملي الاول والتالي وقديه بدها اطلعلك المحكمة ٢٠٠ دينار هي ازا طلعتلك هالمبلغ اصلاا وبدك بيت ومصروف ولادك وبدك احتياجاتهم الثانوية وكهربا ومي وازا طفل مرض يا مصيبة ولو بدك تروحي تشتغلي كمان مصيبة اكتر لانه بهاي الحالة لا ام ولا أب يسأل عن الاطفال ولا تحكيلي لا امي ولا أختي والله ما حدا سائل عن حداا هاي الايام ولو فعليا اتطلقتي كل الي حوليكي بدهم يفرضوا نفسهم عليكي وبدهم يتحكموا فيكي وغير الكلام الي رح تسمعيه وغير الكلام الي ولادك رح يحزنه بسببه هلأ انت لساتك على ذمت المفروض يكون زلمه قد حاله لكن نصيبك اجى هيك عند واحد قليل مسؤولية وما بقدر النعمه الي في أيده وانت استوعبتي هاد الاشي ووصلتي لمرحلة عارفه انه زوجك ما في منه فايدة ، دوري على حل انت تكوني المستفيدة وهو يصير يركض وراكي ابعدي عنه تماما خليه يحس انك عايشه معه في البيت بس ما بهمك وجوده ورتبي حالك وروحي ازا وزنك زايد انحفي يعني انتقمي منه بطريقه تانيه واتعمدي انك تكوني ٢٤ على ٢٤ بس مش علشانه بس علشانك ودايما خليكي مهتمه في دراسة ولادك واقعدي مع ولادك وضلك اضحكي معهم حتى لو هالضحكه مش من القلب مش مشكله خليه يحس انه تصرفاته ووجوده ما بهمك وروحي اشتري احسن العطور واحسن المكياج واعملي اجواء غييييير ومقابلهااا انا عم بحكيلك هو صفر في حياتك وانت فاهمه شو قصدي مش كلمتين ويضحك عليكي فيهن بدك تعالجي الموضوع بس بطريقه صح وافضل من الطلاق وبعدين الاصح انه الزلمه دايما بحاجة المره مش العكس وهو بصراحه متل كلب البدو بعوي على كل سيارة وما بطلع باي سيارة يعني هو بس عنده فرااغ من عندك وبعبيه بالكلام عند غيرك وعند حاجته برجعلك ولو ما اتغير زوجك انت الي رح تضلي المستفيده اولادك وعندك ومصروفك وجاي لعندك ومرتاحه ولا حدا اله كلمه عليكي وبكرا ولادك بكبروا وبتفرحي بنجاحهم وهو اتركيه يضل يتعب ويصرف عليكي وعلى ولادك يعني اقلبي الموضوع عليه وبعدين كل اللزلام نفس الاشي ولو كل وحده بدها تطلق ما كان ضل حدا عند حدا

صورة علم
مجهول
قبل 6 شهر

حاولي أن تتغيري، فتقتربي منه أكثر، تؤمّنيه أكثر، لا تناقشيه في هذا الموضوع، حاولي أن تتزيني له، أن تهتمي به، أن تُثني على إيجابياته، أن تربطيه بالعيال، أن تدخلي إلى حياته، أن تسأليه إذا كان ينقصك شيء في الزينة، في أي شيء، حاولي أن تلبي الرغبات، حاولي كما قلنا أن تعيشي معه الاهتمامات

المزيد

قدم إجابتك

أو
تسجيل الدخول في موقع حلوها سيمكنك من متابعة تحديثات القائمة التي تختارها من الأسئلة و الأقسام بالإضافة إلى أسئلتك و أجوبتك.

 


احجز استشارة أونلاين

اختر الخبير الأنسب لك واحجز معه جلسة استشارية خاصة على الإنترنت في الوقت الذي يناسبك.

احجز الآن