كنت أقبل التراب التي تمشي عليه زوجتي والآن لا أطيق النظر في وجهها

الثقة بين الزوجين
كنت أقبل التراب التي تمشي عليه زوجتي والآن لا أطيق النظر في وجهها

مش عارف اكمل حياتى تانى انا مهندس متزوج وعندى بنت عمرها تسع شهور مراتى كانت زميلة اختى فى الدراسه كانت بنت محترمه وفى حالها لا ليها صحاب ولا بتعمل شغب وكانت دايما من اوائل المدرسه واختى كانت دايما بتحكى عنها وشفتها فى يوم كنت رايح لاختى المدرسه وبصراحه حبتها من اول مره شفتها كانت هى فى ثانيه ثانوى وانا كان فاضلى سنه واتخرج من الجامعه واتقدمتلها واهلها وافقوا فى فتره الخطوبه كانت متشدده جدا جدا جدا جدا بمعنى الكلمه لا كانت بتقولى وحشتنى ولا بحبك ولا اى كلام من اللى بيتقال فى الخطوبه وقالتلى حرام الكلام داه مكنتش حتى بقدر امسك ايدها كنت مش مصدق ان فيه بنات محترمه كدا واتجوزنا وكنت بعاملها بما يرضى الله حنان واحترام وثقه وموده وكنت بقوم انضف وامسح مكانها وكنت ممكن اجيب اكل وانا جاى من بره عشان اريحها او ممكن اقوم احهز الفطار وكانت بتقابل كل تصرف منى بتقليل ومكنتش بتقولى كلمه حلوه حتى بعد الجواز ولما حملت مكنتش فرحانه لغاية ما واحد صاحبى كلمنى وقالى عايز اقولك حاجة بس ضرورى روحت قابلتها قالى انا شفت مراتك قاعده مع واحد فى النادى روحت سلمت عليها وسألتها عليك كانت متوترة ولقيتها خايفه وبتلقلق وهى بتتكلم وعرفتى على الشخص داه انه قريبها ولما رجعت للناس اللى كنت معاهم لقيت واحده مرات صاحبى بتقول شايفين اللى هناك دول وشاورت على مراتك وقالتلى دول حبيبت النادى بيحبوا بعض من سنين وكل النادى عارف حكايتهم دمى كان بيغلى مكنتش مصدق قالى انا عارف انك مش هتصدقنى بس انا عملت كدا عشان انا لو كنت فى مكانك انت عمرك ما كنت هتسبنى رجعت البيت كنت هقتل مراتى وغلط فيها وخت بنتى ومشيت روحت عشت فى شقه كنت شاريها بقالى اربع شهور سايب البيت ورجعت من خمس ايام بيت اهلى عشان والدى ووالدتى رجعوا من السفر لقيت اختى عارفه الموضوع عشان مراتى كانت راحت بيت اهلى وعاشت مع اختى فى غيابى وعلاقت مراتى اتحسنت جدا بأهلى وكلهم بقوا بيحبوها وكأنها بنتهم بس انا مش قادر ابص فى وشها و لا اسامحها هانتنى وهانت رجولتى وخانت ثقتى فيها انا بعد ما كنت ببوس التراب اللى تحت رجليها بقيت مش بقدر اشوف شكلها اصلا انا عايز اطلقها فى نفس الوقت البنت هتبقى من حضنتها وانا مستحيل اسيب بنتى تتربى مع ام زيها وفى الوقت ذاته بقول لو خت بنتى بنتى لما تكبر هيجى وقت وهتبقى محتاجه امها جمبها هنفرض ان هتجوز وهحبلها ام مين هتستحمل انها تربى بنت مش بنتها هنقول فيه واحده هتقبل انا هكون فاقد الثقه فى زوجتى الجديده انا اجبرت ارجع بيتى مع مراتى عشان اهلى ميعرفوش الموضع اختى بس اللى تعرف واختى كلمتنى وقالتلى سامحها هى ندمانه كلنا بنغلط احنا بشر اتخانقت مع اختى انا بقيت مش بطيق مراتى انها تلمس بنتى بحس بالقرف منها هو فيه ام ممكن تستغل بنتها وانها تقول هخرج النادى انا البنت نغير جو شويه وتطلع بتعمل كدا عشان تقابل حبيب القلب ساعدونى انا ضايع وفاقد الثقه فى كل شئ حوليا حتى نفسى و مش عارف هبص فى وش الناس ازاى بعد اللى هى عملته حاسس انها جابتلى العار انا وبنتى

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • المدربة جينيا الصباغ اهلا بك ، سيدي انت احببت هذه الفتاة وشعرت انها سوف تكون الزوجة المثالية خيانتها كانت بمثابة الصدمة الكبيرة إليك والتي على ما يبدو لا تزال تحت تأثيرها فلم تكن تتوقع ان تكون زوجتك بهذا الوجه الاخر لقد خاب ظنك بها كان الله بعونك استطيع ان اتفهم مدى المعاناة والالم الذي تشعر به تجاه ذلك وكيف انك تشعر انها لم تعد المرأة التي هي اهل لتربي طفلتك ولكن سيدي كما ذكرت هناك طفلة بحاجة الى والدتها ولو كانت أمها اخطأت فهذه الطفلة لا ذنب لها في ذلك سيدي وبعدما حدث وما قالته شقيقتك حاول ان تمنحها فرصة اخرى من اجل طفلتك العفو عند المقدرة وكل إنسان معرض للخطأ سيدي بالطبع هذا لا يبرر الخيانة هذا ليس امر سهل عليك وسوف يستغرق وقت لتجاوزه ولكي تستطيع مسامحتها سيدتي وانت في النهاية تكون قد حافظة على طفلتك ايضا كان الله معك
  • صورة علم Jordan
    صورة علم Jordan
    من مجهول

    لو البنت محترمة كانت امتنعت عن مقابلة حبيبها السابق بمجرد ارتبطت فيك.. لكن للأسف لم تمتنع.. وهذه امرأة لا يؤمن جانبها 

  • animate

  • صورة علم Egypt
    صورة علم Egypt
    من مجهول
    مفيش حل غير الطلاق وبنتك اعتبر امها ماتت ناسك يربوها وبعدين لو اتجوزت اتجوز واحده تفهم ظروفك وظروف بنتك
  • صورة علم Tunisia
    صورة علم Tunisia
    من مجهول
    من قال لك انها فعلا خانتك ربما تكون مجرد نميمة ستحطم بها حياتك وماندمت عليه انها جلست مع قريبها وليس انها خانتك ومن يخون لا يخون في مكان عام تريث ولاتستعجل
  • صورة علم Morocco
    صورة علم Morocco
    من مجهول
    تاكد من صدق ماقيل لك قبل ان تظلمها في زمننا وعصرنا صعب تصدق كل شئئ ولا تنسى ليس الكل يريد لك خيرا من رايي تسمع منها هي والله يعينك
  • صورة علم Saudi Arabia
    صورة علم Saudi Arabia
    من مجهول
    انت غلطان .ما سألت عنها...اختك غلطانه ما قالت لك ما تعرفه عنها .وصف اخلاق مراتك في الخطوبة لا يدل علي خيانتها .فيه حلقه مفقودة ابحث عنها .الرجوع عن الخطأ جيد ولا تتعنت وأقبل توبتها.عسي توبه نصوحا ولا تتذكر خطيئها في كل لحظه معها واعطاها فرصه أهجرها في الفراش وانتظر
  • صورة علم Tunisia
    صورة علم Tunisia
    من مجهول
    لو كانت خائنة ما كانت تقابله قدام الناس وفِي النادي هي ممكن تكون شأفته صدفة لو كانت خائنة كانت قابلته بعيد عن عنّين الناس سامح مراتك مافي انسان معصوم من الغلط
  • صورة علم Algeria
    صورة علم Algeria
    من مجهول
    خیانه المراه اکبر بکثیر من خیانه الرجل لان المراه تعتبر شرف الرجل لذا انصحک بالطلاق و ربی بنتک لحالک
  • صورة علم Kuwait
    صورة علم Kuwait
    من مجهول
    اعانك الله على ماإبتلاك ..وأرشدك الى التصرف السليم
  • صورة علم Egypt
    صورة علم Egypt
    من مجهول
    طلاق. الخاين. خاين ودوس علي كل حاجه حتي البنت سيبها ليها ها تعيش في شك طول عمرك وحياتك تبقي جحيم
  • صورة علم Egypt
    صورة علم Egypt
    من مجهول
    الحل انك تتجوز عليها وتسيبها تربى بنتك فى جوارك بعد ان تسجل اعترافها بالواقعه حتى يكون دليل ادانه عليها تهددها به ان عملت اى مشاكل مستقبليه فبذلك ان هى ارادت الطلاق تاخذ بنتك منها بالقانون لانها لاتصلح ان تكون ام ومربيه لطفله وبذلك يكون لها الخيار الطلاق مع الفضيحه او تعيش تربى ابنتها فى كنفك دون معاشرة زوجيه ...جزاءا وفاقا
  • صورة علم Algeria
    صورة علم Algeria
    من مجهول
    لما تنعدم الثقة بين الزوجين. تنعدم الحياة الزوجية.
  • صورة علم Algeria
    صورة علم Algeria
    من مجهول
    نحن لا نستطيع الحكم لاننا لم نسمع من كلا الطرفين المهم ان كان كلامك صح فطبق ما يرضي الله الحل موجود في الشريعة اقرا سورة الطلاق فستجد الحل انشاء الله وسيجعل الله لك مخرج
  • صورة علم Algeria
    صورة علم Algeria
    من مجهول
    الخيانة لاتسامح والحق كلوا علي اختك تن
  • صورة علم Kuwait
    صورة علم Kuwait
    من مجهول
    صعب تكمل معها لانه ببساطه هي من البدايه قلبها مش معاك ولا مقدره الحب والاحترام الي بتقدمه ليها لازم تكون الأقوى وأصلا المفروض اتخذت موقف جدي وحاد اتجاه الموضوع انت للأسف اتخذت وضعية الضعيف وكأنك المرأة وهي الرجل كان الاجدر ان تتخذ موقف وتبعدها عن البيت وتحكي لاهلها وتشعرها انك حطلقها لغاية ما تهدأ نفسك وتفكر بهدوء اما انك قابلت هذا الشي بهدوء وسذاجه وبدون حتى ما اَي حد عرف ...انت أعطيتها اكبر دافع انها تخونك مره ومرتين وألف لأنك قابلت خيانتها بالضعف لازم تشعر بالخوف والفضيحة لو امام اَهلها فقط والدها ووالدتها فقط لكي تشعر بالخزي وتندم على فعلتها وحاول تفكر والجأ لربنا وصلي استخاره انت بأول الطريق لا تبني حياتك عَل قواعد غير ثابته أرجو الرد ان يصله
  • صورة علم Egypt
    صورة علم Egypt
    من مجهول
    دى مينفعشى تكمل معاها لانك عمرك ما هتنسى اللى حصل منها مهما طال الزمن وعمرك هنفضل شاكك
  • صورة علم Netherlands
    صورة علم Netherlands
    من مجهول
    طلقها،،،،
  • صورة علم Qatar
    صورة علم Qatar
    من مجهول
    بص يابني لو مكنتش مخلف منها انت حر ليك حرية الاختيار انك تكمل معاها او تطلق انما انك خلفت منها الوضع اختلف تماما بنتكوا مش قطة هترموها في الشارع البنت محتاجاك ومحتاجة مامتها جنبها مهما كان الام هيا الحنان علشان نفسية البنت انها تطلع شخصية سوية ممكن يكون الي بتحبه ده علاقة قديمة كانت ماقبل الزواج واتعودوا انهم مثلا يكلموا بعض فاستمرت العلاقة لبعد الزواج الحل الامثل اقعد معاها قعدة لوحدكوا بس واتكلم معاها بالراحة شوف فين المشكلة وايه الحلول و فهمها ان عندكوا بنت وكدا عيب مينفعش جبلها هدايا من فترة للتانية قولها كلام حلو وقولها كتير بحبك حاسة السمع عن الست حساسة جدا بتنقل المشاعر الست بتحب بودانها علفكرة الست صعب جدا انها تخون حتى في خيانة المشاعر الا لو كان الواد الي بتكلمه بيضحك عليها بالكلام الناعم وعامل فيها حنين ومستمع جيد لمشاكلها اديها فرصة تانية لو اتظبطت تمام ولو متظبطتش ليك حرية الاختيار ربنا يهديها ويهدينا جميعا
  • صورة علم Egypt
    صورة علم Egypt
    من مجهول
    الله يكون بعونك ،الحل عندك لو عرفت تغفر وتنسي خلاص كمل معاها وأفتكر ده صعب ومش هتقدر عليه يبقي باقي الحل التاني والي يقولك الراجل زي الست ولازم تغفر فدا برضه غلط لان خيانه الراجل ممكن تصلح بالزواج او حتي النسيان أو ادعاء النسيان بس خيانه الزوجه صعب نسيانها وغفرانها وفِي الاخر انت صاحب القرار
  • صورة علم Saudi Arabia
    صورة علم Saudi Arabia
    من مجهول
    انت خوفك الوحيد انها تاخد بنتك !!!! أقل تصرف ممكن تعمله مع زوجه خاينه انك تطلقها .. اما موضوع بنتك فهددها انك ممكن ترفع عليها قضيه انها لا تصلح لحضانتها ... اما الطيبون من الناس فهم كثر وهناك من ترضي بك وبابنتك .. وبصراحه لو ما لقيت يبقى يلعن ابو الزواج وقله القيمه والتعايش مع وضع شاذ ك الذي انت فيه

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟