لم أكن أتوقع يوماً أن أشك بزوجي لكنه خان ثقتي به

سلام عليكم انا حسه بحيره هتموتنى جوزى وحب عمري وابو بناتي حاله متغير لما اتجوزنا ثقتي فيه كانت ملهاش حدود بس بعد جوازنا بسنتين اكتشفت انه بيكلم واحده من جنسيه تانيه ووقتها اتقلب عليا وكان بيتلككلي بشكل غريب خلاني ادور وراه لحد ما اتاكدت من وجودها بحياته ساعتها بس قلبي اتكسر وثقتي فيه بقت معدومه بس فى حاجه خلتنى اكمل مهانش عليا حب عمري يضيع متى بعد سنتين جواز ولما شفتها على حساباتها فهمت انها معقده نفسيا وبتشاغل كل اللى معاها ف الشغل ومواربالهم الباب علشان تثبت لنفسها انها حلوة ومثيره للاهتمام مع انها مكتوب كتابها على واحد من جنسيتها فحسيت ان مش دى اللى هخرب بيتي عشانها وخصوصا انه كان من نفسه بطل يكلمها لما انا عرفت بس بردو واجهته وفهمته انه دى اخر مرة هسمح بحاجه كدة وانه لو بقا بينا عشر عيال وهموت لو سبتك هموت ومش هكمل معاه لو ده اتكرر تانى وهو اعتذر ووعدني انه مش هيعيدها بس المشكله انه كان مهتم بنفسه اوفر علشانها ولما بطل يكلمها رجع زى ما كان دلوقتي عدا ع الموضوع ٤ سنين بس ليا بيوجعني ومش قادره انساه انا بدي لجوزى كل حاجه واى حاجه ممكن يعوزها الرجل من الست انا حتى بشوف مقالات عن العلاقه الحميمه وبطور من نفسي علشان ميزهقش والحمدلله بعد مرتين خلفه وجواز اكتر من 7 سنين لسا صغيره وحلوة وووزنى مجابش 57 كيلو لما الناس بيشوفوني مع بناتي بيفتكرونا اخوات اما واثقه انى املا عين اى رجل بس مبقتش بثق فيه مع انه بقا كويس معايا بس عينه زايغه وبيلفت نظره المش محجبات مع انه مقتنع بالحجاب وشايف انه هو الصح ولما بيهتم بنفسه شويه ولا يقولي عاوز اغير ستايلي او فجاه دلوقتي عاوز يربي دقنه مع انها كانت بتخنقه وهى طويله بفا عاوز يكبرها ع الموضه ممكن يكون ده عادى بس مش قادرة مخافش. وافكر انه لافت نظره واخده من سكرتيرات الشركه اللى هو فيها مش قادره اصفى نيتي ومفكرش كدة انا عارفه انى طولت عليكم بس كنت عاوزة اوضح الصورة علشان محدش يفهم انى شكاكه انا عمري ما شكيت فيه الا لما هو خان ثقتي ونفسي ارجعها ومش عارفه مش هينفع اكلمه صريح كدة لانى ممكن الفت نظره لبنات الشركه وهو ميكونش واخد باله وممكن اصفى نيتي ويطلع هو فعلا بيفكر كدة وانا اللى هبله انا فعلا مش قادرة اعيش كدة ومش عارفه اعمل ايه