صورة علم Saudi Arabia
من مجهول
منذ 9 شهور 16 إجابات
3 0 0 3

نعمة الأصدقاء لا يعرف قيمتها إلا من يجدها

أتمنى تقدرون قيمة الاصدقاء، كل شخص يملك اصدقاء وما يقدر النعمة اللي هو فيها يحتاج يعيد النظر. انا عمري وصل الـ25 سنة وأقضي الأيام والليالي ماسك جوالي بدون اي هدف، كل تجارب الحياة ما مريت فيها لأن ماعندي اصدقاء، الاختلاط بالناس يعلمك كثير انا ما قد سافرت حتى داخل السعودية ما قد طلعت بر واقدر اعدد الى بكرة تجارب تحتاج اصدقاء وانا ما جربت شي منها. كل علاقاتي بالناس سطحية الاشخاص اللي ما احبهم ما يحبوني والاشخاص اللي احبهم عندهم صداقات اخرى وانا عمري ما كنت الشخص الفلة اللي الناس يعزمونه على كل طلعة وكل رحلة. حتى الفلوس متوفرة واقدر اسافر وعندي دخل بس مافيه احد اطلع معه. المصيبة الكبرى انه حتى في النت اللي طيلة وقتي عليه ما عندي ولا صديق اقدر اقول عنه مقرب ويعرف اسراري. ما عندي صديق قد طلعت معه من النت. حتى علاقة حب لا املك. البعض يستهين بالشي هذا اذا تكلمت عنه، اذا عيب اني احتاج اصدقاء ايش اللي ماهو عيب؟ وانا والله مو شخص كريه واطفش الناس مني انا بس انسان ما احب الخراب ولا لي بالسوالف الوصخة وهذا الشي دائما ما كان يصنع فجوة بيني وبين اغلب الناس بالحقيقة. متأكد الحلول بتكون اما ناس يعلموني ان مشكلتي تافهة أو ناس يحاولون يغيرون شخصيتي. اذا غيرت شخصيتي راح اكون فقدت الشي الوحيد اللي املكه. ولا راح يبعد عني الاكتئاب اذا صرت شخص مختلف عن نفسي. انا انسان غير سعيد. انسان ما يذكر اخر يوم جميل مر عليه.