ما تفسير رؤية النوم في الفراش

هذا الحلم اول مره حلمته يوم كنت بسادس وحلمته بالمتوسط مره او مرتين والحين بالثانوي حلمته كمان حلم غريب ومارتحت له ابد،الحلم كان ..كنت نايمه بفراشي ببيتنا والوضع عادي شوي واصحى وكانت المدينه عباره عن هدوء يوتر وكأن الكهرباء مافي ولا في نفس ولا في حركه ،قمت مستغربه فين الناس وش السالفه وكأني الوحيده بالأرض،فتحت الشباك وقعدت اطالع كل شي بمكانه مافي شي تغير بس لفتني شي غريب،كان في سياره نفس الشاص حق المسرعين وكذا بس بدون سطحه من ورا،المهم كان في شخص غريب ماكانت في ملامح ابد عليه حتى يدينه كان كل شي فيه عباره عن فراغ أسود طلع من السياره وجر الكلب الي ماادري فين كان بالضبط وربطه خلف السياره وكان يعنفه بشكل فظيع ،بعدها ركب السياره وقام يفحط فيه والكلب ورا مااعرف وش نوعه بس كان يحزن ولحمه طلع من جلده وكانت عيونه تبكي،عاد انا خفت يوم شفته يهرول بالسياره بذيك الطريقه عند الحديقه وقفلت الشباك شوي وغطيت وجهي بالستاره وكنت خايفه انه يشوفني بعدها وقف ورجع للكلب وفك الربطه عنه ومسكين الكلب مو قادر يمشي وانا مركزه حيل معه بس ماخفت انه مافي وجه او ملامح بس كان لابس ثوب أبيض اي،وشوي الا وطالع لي فجأه مباشرة وكأنه عارف إني بالبيت عارف أني بذي الغرفه عارف إني اراقبه المشكله خفت وكأن عيني جات بعينه كيف وهو ماله وجه او معالم ماادري،المهم اني خفت مرا وصكرت الشباك بسرعه ونزلت تحت الشباك وكان الرعب مرا آكلني ،البيت حقنا عماره واحنا بالدور الثالث والعماره زي المنتجع كبيره .

أضف إجابتك