ما تفسير رؤية قمرين في المنام

حلمت اني في بيتي و في ناس من قرايبي موجوظين منهم ماما اسمها منى و اخويا اسمه اسلام و مرات خالي اسمها ميرفت بس على طول بيتقلها ناهد و فجأة معرفش ليه خرجنا كلنا بره و ظهرت سارة مرات اخويا و مكانتش محجبه في الحلم و شعرها كان قصير على غير الحقيقه و المكان كأنه الكرنيش بعيد عن البيت خالص و فجأة ظهر قمرين كبار جدا خاصة الاقرب و بعدين فضلت اقولهم شوفوا القمرين و كنت سعيده بالمشهد جدا و ماما سألتني ده ايه و ازاي قولتلها ده بتاع كوكب تاني لان في كواكب ليها قمرين ملحقتش اخلص كلامي لاقيت فجأة كوكب المريخ كبير جدا و قريب جدا مننا و كأنه هيهجم على الارض اتخضيت من المنظر لغرابته الشديده و الدنيا و السماء كلها بدأ يبان فيها الوان الكوكب ده و كانت ازرق و اورانج عامله زي الدخان الملون و جريت على غرفتي بسرعه مع ان المفروض ان المكان بعيد عن بيتي اصلا و قولت الشهادتين و فضلت اقرأ قران و لبست الاسدال بتاعي و شوفت بنتي الصغير ة ٤ سنين اسمها كيندا و افتكرت الثقب الاسود و قولت بس دي كده نهايه العالم و صحيت و انا بقرأ قران... انا متزوجه عندي ٢٧ سنه و معايا كيندا ٤ سنين و حامل في شهرين