حلمت برجل يطارد طفل في المنام

رجل يطارد طفل فالطفل راح يستنجد بست شعرها أصفر وقالتله تحت امرك هساعدك....دخلوا عمارة .كل ده وانا براقب الحلم ...المهم الرجل وصل للطفل في العمارة وخطفه والست قالتلي تعالي ادخل بيتي بسرعة والراجل بيطاردني انا كمان و دخلت انا والست البيت وهو بيضرب في الباب من برا عايز يكسره...قالتلي لو كسروا انا عندي خطة بديلة....وفعلا الراجل كسر الباب والست دي مسكتني ونطينا من البلكونة من دور عالي لدرجة اني افتكرت اني كده موت خلاص لقيتنا مسكنا في سور بلكونة تانية بعدين لقيت نفسي مع واحد صاحبي في مكان صحراوي وجبال وقلتله انا مبحبش الأماكن دي عشان ربنا بيئذيني فيها ....المهم صحبي ده وداني على بداية طريق كده وقاللي خليك ماشي في لحد نهايته....مشيت فعلا فيه وشايف الناس وانا أعلي منهم بمترين تقريبا....شفت واحد صاحبي اعرفه وشفت عمتي ماشية متعصبة ومتدايقة وأعدت انده عليها وكل مندهها مش سامعاني....لحد ما لقيت نفسي ماشي مع زوجتي بليل في الشارع وبندور علي حد بيبيع اكل .....وبعدين لقيت واحد تاني صاحبي اعرفه واقف علي عربية اكل ومعاه صحابه وقلت لمراتي الراجل ده اعرفه معايا في الشغل....بعدين سالناه علي اكل وبعدين لقيت مراتي اختفت وبقي الراجل ده هو وصحابه بقت تصرفاتهم غريبة وعمالين بيضحكوا عليا ويسالوني من ربك ما دينك من نبيك وكأنهم بيقولوها بسخرية وانا بضحك....وبعدين لقيت راجل نزل من السما وبيبص علينا وقام قاللي انت مش شبههم بتضحك معاهم ليه؟.....قلتله بضحك من اللي شفته معاهم ومبقتش مستغربه