نصيحتي لكل المتزوجين .. إليكم هذه النصائح

add_commentأضف إجابتك

thumb_downلم يعجبني0

هي مش مشكلة لكن نصيحة لكل راجل قوم بدورك في الحياة ومترضاش بأقل منه ومتعتمدش على انها بتشيل عنك وبتعمل كدة وهي مبسوطة وراضية لأن كلها كام سنة ومش هتبقى راضية وهتبقى شايفاك مش راجل كفاية وسبب من أسباب تعبها في الدنيا حتى لو هي بتشتغل مينفعش تدفع زيك أو اكتر منك، مينفعش هي اللي تفضل توصل الولاد مشاويرهم ودروسهم وتدريبهم وتودي وتجيب كأن مالهومش أب، مينفعش هي لوحدها اللي تروح اجتماعات أولياء الأمور في المدرسة وتوديهم للدكتور وتشتريلهم احتياجاتهم ومينفعش الولاد يحسوا بكل دة الدنيا ليها نظام لو اختل محدش فيكم هيكون سعيد الست ليها مسئوليات مهمة شئنا أم أبينا توازن البيت و لم شمل الأسرة واحتواء الولاد دة مسئوليته على الأم بشكل أكبر بما فضلها به ربنا من سمات شخصية وبال أطول والمفروض عندها وقت أكتر ولو البيت فاضي مفيش فيه لا أب ولا أم يبقى هنعمل فلوس لكن غالبا هنربي رجالة مش فاهمين المسئولية وبنات ميصلحوش أمهات ولا مربيات لولادهم وتدور الدايرة كدة للستات مش بقول متشتغليش اشتغلي بالمعقول واصرفي بالمعقول وافتكري شروط القوامة اللي ربنا حطها مش من فراغ والله لو اختلت هتتعبوا انتوا الاتنين اشتغلي بالقدر اللي يسمحلك تهتمي بأكل البيت اللي يضمن صحة ولادك مش يبقى كل أكلهم فاست فود، بالقدر اللي يسمحلك تتابعي دراستهم وتبقي ليكي دور فعال في بناء شخصيتهم، بالقدر اللي يخليكي عندك وقت تسمعي ولادك وتكلميهم، بالقدر اللي يخلي بناتك يبقوا عايزين يطلعوا زي ماما، مش شايفين ماما متقطعة بين ١٠٠ حاجة ومش عارفة تنجح تماما في أي حاجة منهم وأخيرا عشان محدش يقول اني ضد حقوق المرأة والكلام المحفوظ دة، أحب اقولكم أنا ست في مكانة عملية واجتماعية مرموقة جدا بس الوصول لدة وانا راجل وست مع بعض مأسعدنيش ولا خلاني أنا وزوجي قدوة كويسة لولادنا أكيد من حقوق المرأة كمان انها ترتاح وتبقى عبئها في الحياة عبء داخل نطاق احتمالها مفيش ست خارقة لدرجة انها تبقى في قمة النجاح في حياتها العملية وأم ومربية ممتازة تهتم بولادها ودراستهم ونفسيتهم وتربيتهم وتنشئتهم الصحيحة و في نفس الوقت مهتمة بتفاصيل بيتها وصحة أسرتها وأكلهم الصحي اللي المفروض يبني جسمهم صح وبرضه كمان مهتمة بجمالها وانوثتها ومظهرها كدة تحميل عليها فوق طاقتها واللي بتحاول تعمل كل دة بيجيلها وقت تنهار فجأة لكل زوجين كل واحد ياخد دوره ونبهوا بعض واستحملوا دة عشان متندموش بعد كدة أرجو النشر للإفادة
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • المدربة جينيا الصباغ
    المدربة جينيا الصباغ verified_userعزيزتي المرسلة اهلا بك ، أوجزت وأفدت اهلا بك في موقعك وأشكرك على هذه الإضاءة الجميلة على هذا الموضوع فالكثير من النساء تعتبر نفسها سوبر ماما وبالفعل تقطع نفسها لكل شيء وعلى حسابها في النهاية يجب ان تكون المهام والمسؤوليات موزعة بينهم وهذه تنطبق على كل الازواج والزواج الا اذا كان الزوج يعمل خارج المدينة على المرأة ان تعتني بنفسها وتدلل نفسها وتعلم ان لها الحق ايضا ان تعطي نفسها لان لا يستطيع الكوب الفارغ أن يملاء الأكواب الفارغة شكرا جزيلا سيدتي
  • صورة علم Jordan
    صورة علم Jordan
    مجهول
    كلام جميل و لكن لا نستطيع تعميمه على جميع الحالات فاحيانا طبيعية الحياة تجبر الزوجين على ان تكون و الام و الاولاد لوحدهم لشهر او شهرين بسبب طبيعية عمل الزوج و لكن على الرجل تعويض زوجته و بيته عن كل هذا البعد بالفرح و السعادة بالبيت و ان يكون العيد بالبيت عندما تدخل البيت لا عندما تخرج منه !!!
  • صورة علم United States
    صورة علم United States
    مجهول
    شكرا وكلام سليم
  • صورة علم Spain
    صورة علم Spain
    مجهول
    يسلم تمك بارك الله فيكي اختي
  • صورة علم Algeria
    صورة علم Algeria
    مجهول
    رااااااااااائع
  • صورة علم
    صورة علم
    مجهول
    (لأن كلها كام سنة ومش هتبقى راضية وهتبقى شايفاك مش راجل كفاية وسبب من أسباب تعبها في الدنيا.) هاي حقيقة لمستها واقعا عند عدد من المعارف والأصدقاء، وما سمعته من مجالس المخاتير و رجال الإصلاح
  • صورة علم
    صورة علم
    مجهول
    يجب على كل فرد أن يقوم بمسئولياته كاملة اتجاه الأسرة، ولا مانع من أن تقوم الزوجة بمساعدة زوجها والعكس أيضا صحيح، بالعكس تزيد المحبة ويكبر الإحساس بالمسئولية
  • صورة علم
    صورة علم
    مجهول
    اختي نصائحك مفيدة جداً ياريت الكل يتبع هذه النصائح
  • صورة علم
    صورة علم
    مجهول
    كل انسان حسب تعوده وكيف تربى في بيته الرجل لازم يكون النصف الاخر للزوجة والزوجة كذلك محدش يركن على التاني في اشي الكل لازم يكون متشارك في العمل
  • صورة علم
    صورة علم
    مجهول
    كل واحد من الزوجين ليه دور وكل واحد لازم يعرف حقوقه وواجباته الزوجة وجدت لتربية الاطفال ومشاركة الزوج في حياته ولكن مش في كل شي
صورة علم United States
أضف إجابتك على السؤال هنا