خالي ضرب امي بسبب الميراث ماذا افعل

السلام عليكم محتاج نصيحة من حضراتكم خالي ضرب امي بسبب الميراث ماذا افعل انا خالي تعدي علي أمي بالضرب كانوا بيتكلموا ووالدتي غلطت فيه عشان هو أمور تخص الورث وهو برر أنها كمان طعنته في شرفه لما جينا قعدنا معاه وقعد يقولنا انتوا مالكوا انتوا اطلعوا بره الموضوع هو وخالي التاني انا والدتي كبيرة ف السن فوق الخمسين والفرق بينهم ف السن حوالي سنتين او تلاتة

انا عارف ان والدتي غلطت بس مينفعش تضرب وهو لو ليه حق ياخده بالاصول انما كده هو كأنه تعدي عليا انا واخويا كمان انا والدي متوفي وانا اكبر اخواتي ووالدي متوفي اخويا الأصغر مني وصل معاه الموضوع أنه كان عايز يموته وكان جايب مسدس غير أن اخواتي راحوا البيت وشتموه انا لما لقيت الموضوع هيولع كده حاولت اهدي الدنيا واهدي اخويا عشان محدش يقع أو يتحبس بس ف نفس الوقت انا مضايق عشان والدتي ولحد دلوقتي الموضوع مضايقني جدا نفسياً لما حصلت قعدة عم امي اللي هو جدي قالي انت بره الموضوع هما اخوات ف بعض ملكش دعوة بس اصلا امي ملهاش كلام مع خالي ده الفترة الأخيرة غير قليل اوي وهي زعلانة

انا دماغي مش مريحاني انا حاولت اهدي الدنيا لأن مكنتش عايز مصيبة تحصل وحد يموت وحد تاني يدخل السجن بس ف نفس الوقت حاسس ان امي مش مرضية وده برضو مخليني مش مرضي ومش مرتاح وهل لو انا قاطعت خالي نهائي حرام عليا لأن فعلا مش هعرف اتعامل معاه تاني حتي لو قابلته صدفة مش عايز اسلم عليه واخويا قاله انت من النهاردة عدوي فانا مش عارف كان ايه التصرف الصح اللي كان مفروض اعمله هل اني هديت الدنيا يومها غلط بس لو كانت الخانقة قامت كانت هتخلص بدم انا عايز اعرف تصرفي كان صح ولا لا وايه مفروض اعمله شكرا ليكم