حسبي الله ونعم الوكيل بأمي وأهل زوجي

قضايا اجتماعية
animate

مسا الخير أولا.. أنا بحاجة احكي مو لأني بدور حلول قد مابدور احكي يلي جواتي لأرتاح وقد مو بحاجة لدعوة بظهر الغيب لعلها تكون ساعة استجابة.. عمري 30 سنة توفى بابا وانا بعمر 14 وربتنا أمي يلي كانت دائما صارمة وخاصة بأسلوبها معي وبعرف مافي ام بتكره ابن او بنت وانا بنت وحيدة ع ولدين ولكن طبيعة امي قاسية من النوع يلي بينطر ع نكشة يلي مافيك تلفظ حرف قدامو ولو مزح لانك وقتها بتعرف بتقوم القيامة ولانو اسلوبها بيحسسك أنك جرثومة وبس لما تكون زعلانة منك ما قدرت اتعود على اسلوبها ولا رح اتعود بالعكس عملت عندي عقدة وصرت خاف زعل اي حدا حتى لو غلط بحقي صرت اتنازل لأكسب الناس لحتى ما لاقي نفس طبع امي وصير لحالي بدون حدا وبعرف غلط وبعرف كلو على حساب نفسيتي أنا .. أمي بتقول لما كنت صغيرة كانت مدللتني بس أنا مابذكر هاد الشي لأني بالوقت يلي كنت بحاجة لهاد الشي مالقيتو بعدين صرت فكر الحل بالزواج واني ابني عيلة وعوض كل الحب والحنان فيهون عيلة كاملة أم واب و ولاد وخاصة اني كنت افتقد لمكان الأب دائما وفعلا اتزوجت بعمر 18 وعن حب وحرب وبالبداية كان هدفي اطلع من بيت اهلي وفعلا طلعت بس فتت لوجع أكبر لقيت أهل زوج ببكرهوني رغم القربة يلي بينا بس لان عيلتي كانت رافضت هاد الزواج بدون ذنب إلي ولقيت نفسي فايتة بكذبة كبيرة اسمها حب انسان اناني مابيعرف يعمل شي بالدنيا إلا لنفسو ومصلحتو ما كملت السنة جبت بنوتة والتراجع عن الزواج كان صعب ومسنحيل خاصة أني اتحديت الدنيا في واخدت قرار انو لازم عيش كرمال بنتي واتحمل وحبست اسرار بيتي بقلبي وبس وحاولت طالع من الانسان الغشاش الانسان يلي حبيتو قلت ممكن قناعو يصير واقع وأكسب الانسان يلي كنت اتخيلو بس للأسف كان يتمسخر عليي ويقلي انو هو كبر مالسا مراهق وانا لازم اكبر مو ذنبو اني ما عشت مراهقتي وقتها وعدتو اكبر وقلتلو رح يجي يوم وترجع تراهق بس مو معي مع غيري ومارح سامحك بعدها وصرت متل اي زوجة تهتم بكل مسؤولياتها وهدفها تبني بيت مستقر هادي وقفت حدو متل أي زوجة عطيتو ذهبي وكل شي معي ع امل يصير عنا بيت ونصير بعد 3 سنين جبت ابني وزاد الحمل عليي ولسا الناس ما بتشوف الا الانسانة المبسوطة يلي زوجها طاير فيها وجواتي مليون وجع بس مابدي حدا يشمتت فيي ولا بدي ارجع للبيت يلي طلعت منو والعيشة يلي هربت منها ومابدي ولادي يربو بين أم واب مشردين لهيك صبرت لوقت الأزمة يلي بلشت ببلدنا وراحت المدينة يلي كنا عايشين فيها وحطني انا و ولادي عند امي ورجع هو للمدينة بحجة الشغل ورجعت للمكان يلي هربت منو لحالي ومع ولدين عامل شهر وشهرين يدبر وضعو ويستاجر بيت نسكن في بس القصة طولت سنة وسنتين وثلاثة ومافي شي بيتغير انا ببيت أمي ومشاكل ونفس النفسية يلي هربت منها والخوف يلي دفعني لأتوهم الامان بالأنسان الغلط بس لأهرب وهو كان يجي ضيف كل 15 يوم او 21 يوم ساعات ما بتتعدى يوم كامل ياخد شهوتو وينام ومابدو ولد ينق ولا يسمع ولا يحكي شي من مرتو صرت حس أني صاحبة وبس وياريت صاحبة يمكن كان بيكون الها حقوق اكتر يعطيني مبلغ بسيط عن كل اسبوع يا دوب طبخة وخضرة للبيت والله سنين ما بعرف المرة شو بتجيب او شو بتشتهي وقول الحمدلله احسن من غيري ومرحلة وبتمر بس امي ما قدرت تتحمل بنتها وتقول مال ابوها متلها متل اخواتها مع اني يلي معي حطو ما قصر والله بس مافيي جيب كيس سكر او رز او علبة زيت كبيرة لان المبلغ يلي باخدو ما بيجيب والله وكانت تعرف وهي بتعرف اني ما كنت قصر بشي وشايلتهون ع كفوف الراحة والله كلو انا لاني من لما كنت بنت صف خامس اعمل كل شي وهيك بعد ما تزوجت كل فترة روح عندها عزل ونظف ورتب وارجع ومافي شي بايدي ماقدمتو بس ماقدرت تتحملني صارت تحكي مابتجيب زيت ولا سكر ولا رز وانفضحت بالعيلة وبيوم مسكت ستي ام امي زوجي يلي هو ابن ابنها كمان قالتلو ليش ما بتصروفو مع عمتك وزاتت مرتك و ولدين عليها وهي ارملة الله يساعدها قلها انا بعطي مرتي والله تصرف قالتلو معناتو مرتك عم تخبيهون وتصرف ع حالها وع موبايلها واجا هو لعندي بيسألني شو بتعملي بالمصروف قلتلو قلي لا انتي ما بتصرفي عم تروحيهون ع حالك ( هههههههه شو صعبة انك تحرم حالك كل شي وانك تحمل مسؤولية كل شي وحدا يعطيك مبلغ زهيد ما بيعمل شي ويجي يقلك بتصرف ع حالك وطيب بصرف حالي هو عيب ولا حرام مو هو زوجي ولازم يعطيني مصروف ولا انا مين لازم يصرف عليي من وين لازم جيب ) المهم اجتمعنا ببيت ستي وقلتلها يا امي انا ما بجيب الخضرة واغراض طبخة للبيت قال اي قلتلها كيف انا ما بصرف لكن قال اي ما بتجيبي رز وسكر وووو قلتلها اذا بيعطيني كل اسبوع هل اد ومع مصروف ولدين دوا ةغيرو انا بيطلع بأيدي جيب هيك قال لا قلتلها بقدر جيب غير يلي عم جيبو قال لا قلتلها شو ذنبي انا هون سكتو بس ما حدا قدر يقلو لزوجي شي انو هي مرتك ومجبور فيها ولا حدا قال لامي هي بنتك والدنيا جارت عليها وسعرهل بسعر اخواتها او اعتبريها خدامة بالبيت بنومتها وهل رزات والسكرات هههههه جد شي بيضحك وبيحرق سوا .. المهم اترجيتو يلاقيلي غرفة الي و لولادي نقعد فيها يقلي بالمدينة مافي غالي مو قدرتو قلتلو هون بالضيعة خليني استر حالي و ولادي وما افضح حالي ولا تطلع اسراري لبرا ممكن عيش ع بصلة او خبزة وما حدا يعرف شو جوات بيتي قلي بس ما عنا فرش قلتلو اي بقعد ع الارض مابدي غير حيطان وباب يتسكر عليي بالزور وافق وامي ما صدقت وما قالت لا أي ولا لا ورحت انا دور ع بيت ولف اسبوعين للقيت بيت وبنفس حارة اهلي واجا ودفع اجار وبدي روح نظف واقعد وماقالتلي خليكي ولا قالتلي هي سفنجة خديها قعدي عليها لقيت أهل رفقاتي بيقلولي رح نبعتلك اربع سفنجات وحصير وكل شي عدة مطبخ زايد كمان منعطيكي الغرب اتوجعو مشاني وامي بعالم تاني ولا كأني بنتها والناس يقلولي ليش تستاجري وبيت ابوكي موجود ومافي غير امك واخوكي صغير وينحرق قلبي من جوا شو قول امي استتقلت من لقمتنا رغم اني مو مقصرة وربي يشهد جيب يلي بدهون واحرم حالي اي شي المهم قلهون انا بدي زوجي يتعود ويظل ملتزم بالمسؤولية وصارت هي تقول متلي لتبرر وباليوم يلي بدي اطلع في اجا اخي الكبير وقلها كيف رح تخليها تطلع والناس بتاكل وجهنا بنتهون سكنت لحالها وزوجها مو ساكن معها وامها واخوها بنفس الحارة وبيتهون فاضي وأمي كلو ولا كلام الناس هو اهم شي عندها مسكت زوجي وقالتلو لا خلص خليكون ولا ترد عليها وهداك ما صدق مشان يوفر وصرت اتوسل انو مايغير رايو وانو والله مابدي شي لا اكل ولا شرب بس خلينا نظل بالبيت وما ارجع لعند امي لأني رغم اني بنتها وسنين معها ما قدرت ولا رح اقدر اتاقلم ع طبعها بالعكس عندي نوفر وخوف كبير منها رغم اني بحبها والله وروحي بعطيها الها ولاخواتي بس بعرف مافيي ظل معها بنفس المكان بس ما طلع شي بايدي مجبرة ظل واتحمل وحملت فوق طاقتي رجال برا البيت جيب أغراض البيت خضرة وكلو ومرة جوا البيت طبخ وتنظيف ووووو وام واب لولادي ومن دكتور لدكتور ومن سوق خضرة ولهون ولهون حمل كبير ارتمى عليي وكلو تركلي همو وما اخلص من حدا أنا بنت 23 انزل لسوق الخضرة وامي بعمر 50 ومابتعرف شو هو سوق الخضرة طول عمرها بيجيها كل شي لعندها وقول معليش الوحدة لازم تدبر حالهل وما تحتاج حدا وكل يوم روحي تنطفي اكتر والوجع يزيد غريبة ببيت اهلي ومع امي مافيي مون ع ولد اتبهدل ومابقدر بهدل ابني او بنتي وروح لبيت رفيقتي وحس انو انا ببيتي ولاقي الحنان والمحبة عندهون الدنيا غريبة كتر فعلا والله .. وبعدين علقت بضيعتنا وصرنا نتشرد كل يوم والتاني وعشت ايام ما كنت بالكوابيس اتخيلها لوقت استاجر اخي بالمدينة واجا اخدنا وظليت عندهون ورغم اني بالمدينة بيني وبينو مافي نص ساعة كمان مايجي غير متل وقت كنت بالضيعة وكاني صاحبة والبيت يلي سكنتو مع اهلي هو غرفتين بس ومافي اغراض وقعدو معنا ولاد خالي 2 وخوالي 2 و واحد يقعد 3 ايام ويسافر كل اسبوع وانا و ولادي 3 واهلي 3 واحيانا مالاقي مكان نام في عدا انو ماظل الي خصوصية نام مع اعلي وخوالي ويفوتو ولاد خالي وانا نايمة وقول لزوجي كرمال الله استاجرلنا لو مزبلة نقعد فيها وبلا فائدة لوقت قرفت حالي وحاولت اتطلق لاني مجرد صاحبة للشهوة ما عاد بدي الوحدة بتصير ام واب سنة وسنتين واربعة لما بيكون زوجعا ببلد وهي ببلد بس انا شلتهون 6 سنين وحدي وكرمالهون اخدم الكل واتحمل الكل كرمال ما حدا يجرح ولادي كنت لفاية وخدام لبرا وجوا كلو انا وحتى المصروف صارت رفيقتي تبعتلي لانها بتعرف وضعي وصرت اصرف انا وما يظل شي معي كرمال بس ما اسمع كلمة وهداك ليل نهار بشغلو وما يتعرف ع شي غير المصروف يلي مابيكفي يوم بالاسبوع والله والله اتحملت فوق طاقة البشر وما كان حدا الو فضل عليي او ع ولادي وبعد شي 7 سنين صارت مشكلة بيني وبين اخي الصغير بسبب امي يلي زرعت براسهون اختكون بدها تموتني لما تعمل مشكلة ونتزاعل فورا تدوخ وتمرض وتعمل حالها مريضة وتقولهون هي رح تموتني وربي يشهد ويظلمني اذا غلطت معها بيوم بس بدها تدعس عليي لانها تفكر انو اذا بتعطيني وجه رح عيرها بيلي عم قدمو والله ماحدا يصرف ويدبر غيري واسكت وكلو شباب قاعدة قدملهون ع حسابي انل و ولادي وع حساب صحتي وبهداك اليوم اخي يلي ياخد مصروف جامعتو مني يلي جبتلو موبايل قبل ما جيب لحالي قلعني وقلي بتنقلعي والحمدلله كانت خالتي وستي ام امي شهود وشافو كل شي وعرفو ما عليي غلط واتقلعت من البيت يلي بصرف وبخدم وبجيب كل شي في والله يومها يلي صار مافي وحدة مكاني بتتحملو وزوجي كان مسافرطلعت لعند بيت عمي فوقنا ساكنين وقعدت بس ماقدرت نام اهلها كمان عندها قعدت لاخر الليل وبعدين نزلت وانحبست بغرفة لحالي لا افتح الباب ولا اطلع ولا مد ايدي ع شي بالبيت اكل منو رغم كلو انا جايبتو من المصاري يلي تبعتلي ياهون رفيقتي الله يجبرها ويسعدها ومع هيك ما اقدر مد ايدي ع شي 3 تيام بغرفتي وماحدا فات قلي شي لوقت اجا زوجي وقلتلو ووقتها امو كانت مريضة ضاربتها الجلطة وزرتها قبل مايجي وجهزت حالي لنطلع لعندها لما يجي من السفر وقتها قلي خلص بحطك عند اهلي واهلو ساكنين باخر الدنيا بس شو طالع بايدي قلتلو اي وقبل ما اطلع مسكت اخي الكبير وقلتلو يلي صار وقلتلو صح ما فكرت تفوت تسال عني او تعرف شوفي بس انا عم خبرك يلي صار قال اي انا مابعرف هيك قلتلو لانك ما فكرت تسالني ورحت لعند اهلو وانا نفسيتي كانت تقرف ووقت رحت اول يومين ما اقدر قرب ع حماتي ونظفها بس بعدين قلت لايمت انا لازم اتكيف مع وضعي وبلشت اخدمها ونظها واعمل متل بناتها واكتر والله وهي صارت تتولع فيي لاني بعمل كل شي وانا ساكتة مو متل بناتها بيعيطو عليها وصرت اخدها ع الدكاترة انا والمخابر والله ظهري واجريي يتكسرو وادفع نص التكاليف مني من مصاريي المخصصتهون رفيقتي الي كل شهر وعد فترة بالزور اقتنع استاجر بيت حد اهلو بس لنام في لان اخو بيظل بالبيت وبيجي لعندو احيانا بنات والجو ما بيناسبني وطلبت من رفيقتي بعتتلي دفعت اجار شهر وجبت اربع سفنجات وسجادة بسيطة واغراض مطبخ من قريبو ورحت بعد شهرين ع بيت اهلي ضب اغراضي وعيد اول يوم عندهون ورحت والله يوم وقفة والقذائف تنزل حدنا بالباص انا و ولادي ومتنا رعبة وصلنا روحنا طالعة فتت لا امي ولا اخي الصغير سلمو عليي وبعد شهرين والله بيعلم اني ما غلطت قعدت يومين وخالتي ما تخليني روح ع امل تصالحنا بعدين ما عاد فيي اتحمل اجيت مسافة لحالي مع ولادي وتعذبت كتير وشفت الموت بعيوني واخر شي ما قدرت تسلم عليي وانا فكر ع اي ذنب بتعاقب ع اي كفر عم اتعاقب ع اي جريمة ع شو وليش حملت حالي ورجعت ع بيت اهل زوجي وزوجي يلي ما بيوم فكر يحمل سماعة يقول وصلتو متو عشتو ايمت جايين او او او صرت متل المذلولة الو ما بايدي شي تاني رحت وحاولت سلم ع امي وانا طالعة كمان مارضيت طلعت ومو شايفة قدامي والله وانا لبكي وكل الطريق ببكي وقالتلها ستي الله لا بسامحك شو عملت هل بنت لحتى تعامليها هيك وصلت بيت اهلو لزوجي والله والله عشت الموت وقول هي قسمتي وع الاقل اهون من اهلي هدون بيبقو بيت اهل زوج لازم اتحمل وزوجي ما كان معو يطعمينا هيك يقلي ورفيقتي تبعتلي وتقلي خبيهون لايامك لا تصرفيهون بس من وين اصرف وهداك يقلي مامعو مع انو ليل نهار بشغلو وبنتي بحاجة علاج يقلي مامعو بدهون تياب بالبرد يقلي مامعو وروح قول لرفيقتي وتبعتلي وجيب لولادي الضروري و وصلت بزوجي يقلي بدو يسافر خايف من الاحتياط ويقلي بس مامعي مصاري اتركلكون مصروف قلتلو سافر المهم تكون بخير وبس تزبط وضعك بتبعت بتاخدنا كلها كم شهر ما حدا بيموت من الجوع وكان عندي اخر سلسال ذهب قلتلو خدو قلي لا خلي مشانك ومشان الولاد هههههههه حنون وصرنا بالشهر التاني وصار عليي اجار شهر ونص وهو اخد يلي مخبيتهون وقلي بيرجعهون واتصل في الاجار يقلي ما معي قلو هي صار شهر ونص لايمت يقلي دبري حالك قلو من وين ما عاد فيي قول لرفيقتي شو ساوي انزعج وسكر خفت علي قلت يحمل ضغط فوق ضغط يقوم ينجلط واتصل واتصل لقلو خلص انا بدبر مابدي الاجار ومايرد تاني يوم بتتصل مرت عمي وبتخبرني انو خطب وكاتب كتابو وتاري وقت اخواتو ينزلو ع الشام وظل مع امهون لحالي وهني عاساس ينزلو مشان سوق طلعو عم ينزلو مشان خطبتو وقدامي عأساس بيحبوني وكاني اخت وبخدمهون ههههههه والله مو غباء والله بس رحمة بيلي حواليي بزمن ماظل في رحمة الحندلله.. تاري انا بخدم امو وبربي ولادو وبعلمهون وبطعميهون وبجيب مصاري هههههههه وهو عايش حياتو وك استاجرت البيت مسمار ما دقلي في هههههههههه والله ما شفتو مرتين بالبيت هههههههههه وما تهنيت بالبيت يلي قعدت فيي بعز البرد ومافي اي وسيلة تدفئة بس مبسوطة انوفي باب بيتسكر عليي وع ولادي بس في ساعة باليوم ولادي عم يلعبو بدون ما حدا يعيط ويضربهون ويدايق منهون بس ما كملت معي اتصلت افهم منو جد خطب قلي اي حاولت يقلي سبب يقلي هيك ما في سبب قلو قلي اي عذر انا حابة اعذرك والله قصرت معك شفت شي مني لا لا لكن شو يقلي هيك والله وربي يشهد ما كان كافيني بشي ولا كافي ولادي لا بحقي كزوجة ولا بلقمتنا ولا بلبستتا ولا بشي بالعكس كان حدا مقرف بس قول كرمال ولادي وبعد كل هاد تكون هي المكافئة وطلقني ع الهاتف واختفى دق ع شغلو يقلولي ترك اهلو يقلولي مابيعرفو متلهون متلي بيتصلو خارج التغطية وطلع كلو كذب المهم بالنهاية اطلقت وحلف ع كتاب الله ما اخد مني مال ولا ذهب هو واخواتو والله وربي يشهد حلفو بالكذب ع كتاب الله وبالنهاية كنت بعرف اني خلصت من اكبر هم بحياتي من شي لوثني والله والله فرحت لما طلقنيع الهاتف والله بيعلم ادي دعيتو وترجيتو يا يعطيني صبر لعيشتي مع هل انسان يا يخترلي حل وعرفت يومها انو هاد الحل من عند الله وانبسطت بس الخوف كان كبير من رجعتي لعيش مع امي وانا طاقتي وصبرو نفذو وما عدت قادرة ع التحمل وبوقتها اهلي كانو هني وستي وخالتي ومرت خالي و ولادها التنين مستاجرين سوا وخالي بيدفع الاجار والمصروف ع 3 بس خالتي كانت تدفع عن بيت خالي لانهون عاشو مع بعض والييت كيف رح يسعني انا و ولادي معهون وهداك هرب وترك عليي ديون واجار بيت اخد كل يلث كنت مخبيتهون كنت فعلا مدمرة وعاجزة والله بس ماقدرت اترك ولادي جربت يومين وروح شوفهون بالسرقة بالمدرسة لاقيهون متل ولاد الشوارع وسخ وقرف قمت رجعتهون فورت ماني متطرة العب بنفسية ولادي ومشان شو مشان يحس وليش ليرجع مو انا ما بدي يا لجهنم هو وعيلتو وجبت ولادي من المدرسة لعندي انا ام و تعبانة ع ولادي مو لحتى ضيعهون بازمة بمر فيها ولا انا يلي بعلمهون الضعف والاستسلاك لهيك رجعت وحاولت اتماسك وبعتت ناس تجبلي تيابهون من ع اهل ابوهون مو انا بعتت كل تيابهون وقت بعتتهون لاني بعرف انو بس جيب ولادي رح يرجعولي تيابهون بس مارضيو وسرقهون وحرموهون التياب بعز البر هني التياب ما كان الهون هل قيمة المادية بس هني هدون يلي عندهون يلي بيلبسوهون والدنيا برد موت وماعندي وسيلة تدفية وغرفة كبيرة وفاضية سجادة صغيرة فيها واربع سفنجات شو بيعملو وما عندي حتى حرامات كافية والمنطقة بعيدة عن المدينة ومافي حتى اخواتي يجو لعندي ولا بعرف حدا هنيك غير يلي مأجريني البيت واعتبروني بنتهون وعافوني بالاجار ونطرو ليخلص الغصل الاول من المدرسة وسلم البيت والله والله فترتها اضرب راسي بالحيط لاعندي شي دفي ولادي ولا حممهون ولبسهون ولا معي شي وهم التفكير ببعدين كيف عيش وين روح وكيف رح ارجع لعند امي وانا ما بقي عندي تحمل اكتر بوقتها صارت صدفة بحوالة بعتتها رفيقتي وكان مبلغ كبير يلي وصلني مو نفس المبلغ يلي بعتتو رفيقتي المهم ظليت اتصل وقلهون ومايعرفو الغلط من عنا من هون ولا من مكان الحوالة وهي القصة جمعتني بانسان والله والله يمكن كل الخير يلي عملتو الله عوضلي اضعافو بهل انسان و وقف حدي وكنت استغرب ليش وسالت مرة وقلي الله ما حطك بطريقي الا لسبب يا اما اكون قد السبب او تكوني ذنب برقبتي واتحاسب عليكي قلتلو لايمت رح تساعدني قال لحتى تقوليلي ما عدت بحاجتك او تخبري اني ما عدت اتنفس بهي الدنيا قلتلو هاد مو حل وما حدا بيدوم لحدا وانا قصتي مو يوم وشهر وسنة وعشرة قصتي عمر لربي ولادي وعيشهون قلي شو بتقصدي قلتلو حلي الزواج من رجل يعيني فيهون ويوقف حدي كون زوجة الي علي حقوق والو عليي حقوق مابدي ظل محتاجة الناس شفلي عريس يكون بدو يتزوج بدون ما يخرب بيتو يعني أرمل مطلق من زمان هيك قلي في رجال بعرفو ويخاف الله وعادل ما يظلم ووو بس عمرو 70 سنة ويمكن فوقهون سنتين انصدمت ورفضت قلتلو دور ويارب قلي مارح احطك برقبتي مع حدا مو واثق منو وانتي بدك تضحي كرمال ولادك و وضع اهلك السيء هاد انسب حل الك ولو غير هل وضع والله ما كانت وافقت معك تتزوجي وتتغربي .. ورجعت لاقعد مع اهلي ماعندي خيار وصادفت مرت خالي و ولادها زبطت سفرتهون وسافرو لعند زوجها واجيت انا و ولادي مكانها باليوم يلي فتت في البيت كلو زت حملو عليي خالتي بطلت تصرف رغم هي كانت تدفع عنها وعن بيت خالي عيلتين واهلي عنهون بس باليوم يلي فتت في رفعت ايدها واهلي ما معهون ديون راكبتهون واخي كل شغلة يفوت فيها ماتزبط ويقعد والتاني جامعة ومصروق البيت كبير و3 عيلات غير الضيوف الكتار ع اعتبار انو صار بيت العيلة بوجود ستي وكلو فوقي وكلو عليي ومافي خيار قدامي ادفه واسكت ورجعت مرة ورجال بس هل مرة مو بس لاهلي و ولادي للكل للموجودين والرايح والجاي اصرف انزل جيب طلبات البيت وارجع اطبخ ونظف وخدم ودرس ولادي ومن تم ساكت لازم بدون نفس وهني يلي مننو علينا مالي حق بشي حتى بالغرفة يلي نام فيها خالتي تقلي هاد الدرج الك ونامي ع هاد التخت ودائما تقلي تخت فلانة يعني تخت مرت خالي لتزكرني انو مالي حق بشي واسكت ويلي كان زوجي ابن ابنهون ستي مابتحب حدا يحكي ع الصبيان شي رجعت وحتى اشكي ممنوع وانا احرم ولادي ونفسي وقدم وغيري يجمع ويعيش ويبعت لهون ولهون ومجبرة اسكت ومجبرة اتحمل لان اهلي مابيقدرو يدفعو اجار ولا بيقدرو يعملو شي الا انا لازم انزل للكل كرمال تمشي وحتى لامي يلي تخاف ارفع عيني شي يوم تظل كاسرتها مشان وبس تعرف خلصت مصاري تقلي ما بدنا شي منك وما تمننينا ويكون هو اساسا ماظل بس بالفترة يلي ماظل تكون درس مشان ما ارفع راسي او تحطها ع نفسهل هي انو بنتي معيشتنا أخ شو صعب ااوجع والذل شو صعب ما تتعلم لانك مافيك تتغير مافيك تشوف ام او اخ بحاجة وماتحرك حالك وتعطي بس ما حدا يعرف هي المصاري ادي انا عم حس بذل ورفيقتي بتبعتلي والناس بتتحسن عليي وببساطة قدملهون ع المرتاح وفكر لايمت رح ظل هيك وقتها قررت وافق وخلص واخدم واحد يطعمي ولادي احسن ما عم اخدم الكل وطعميهون وبلا قيمة او كرامة او مكانة ما انا لوكنت رجال وفوتت كيلو خضرة كانو حطوني ع الراس بس مين انا يلي شايلة كل هل ناس مصروف وخدمة ووووو وممنوع تقولي بيوم تعبانة اخ شو بشعة عيشة البنت والمطلقة أخ شو مسكينة يلي بتحمل حمل رجال شو بتموت وشو بتعاني وما حدا بيحس قلتلو اي موافقة شفلي يا قلي متاكدة عمرو هيك هيك قلتلو اي قلي لتخلص وراق طلاقك كاملة بالمحكمة طالما في امل واحد بالمية ترجعي لزوجم سكري الموضوع قلتلو شرعا نحنا خالصين بس ما رد وبالسنة التانية بلشت درش صار عندي باليوم 6 ساعات واقفة ع رجليي بدرس ومن المدرسة ع سوق الخضرة والله أقل يوم 8 كيلو كون حاملة وجاي ومشوار بعيد فوت حط من ايدي بدل تيابي حط فطور شيل بلش طبخ وتنظيف خلص بلش درس ولادي وبعدها حضر دروسي وهيك يكون ظللي 3 او اربع ساعات للنوم بس ليبش يوم تاني نفس الشي وبنص السنة اتزوجت خالتي وسافرت وتركت ستي امانة عندي لان امي ما بتقدر تخدمها امي متعودة ع الراحة صار صعب ترجع لطاقتها وخالتي ايامها اي مناسبة بدها تحتفل ويكون عليي النص رغم انا كل مصاريف البيت عليي وبس قول ما معي تزعل اخر مرة قلتلها والله ما بيكفو لاخر الشهر يلي معي قال والله حاسة فيكي انا بس سافر والله ناوية صير ابعت وساعدك بالمصروف وراحت وما تذكرت وتبعت ع اسمي المصاري وتقلي لهاد وهاد وماتذكرت والناس تفكر انو انا عم صل المصاري منها معناتو ادي باعتلي ومع هيك اسكت وحتى زاد علي مصروف ستي دوا دكاترة تحاليل مي صحة حليب بيض وفوق المدرسة وكل الشغل عليي حمام ستي ولادي تنبن وامي عملت عملية كمان حممها ايامها مدرسة سوق بيت طبخ تدريس نحضير حمام 5 اشخاص غسيل نياب داخليات ع ايدي واتخيلو ايمت يكون لجسمي راحة عدا التفكير المستمر بالمصروف بقي معي هيك بدو يكفي لهيك وشو هم صعب انك تشيل هك المصروف وتدبر وقول يارب استر عليي انستر مع رجال يقبل بولادي ويعيشني ع خبزة المهم انا ما فكر من وين بدي جيب ستي عندها شباب وماحدا يقلي ادي دفعتلي للدكتور او دوا او او ومع هيك كان احب ع قلبي وقول الله رازقني برها وهي تقلي الله يساعدك والله عيشة امك موسهلة الله يعينك بعد سنين لحتى حدا عرف شو انا عايشة وامهم حكا الرجال وصار قبول بينا ونوينا السفر لنتقابل بس الظروف كانت تعكس ومايزبط والرجال يبعتلي ويوقف حدي مصاري لو خلوني جمعهون كنت جبت لو غرفة فيهون بهل زمن لولادي تحوينا بس لما تصير معي ليرة فورا يطيروها اول مرة لما بعتلي من فرحتي بالمبلغ ماقدرت ما خبر امي تفرحلي وقسمتلها حصة ولاخواتي والي ولولادي نص حصتها هي واخواتي مشان تياب العيد وقلتلها بالباقي بصيغ ذهب وبس اتزوج بيظلو معك للعازة انتو او ولادي صار عليكون شي تقدرو تتصرفو لأن للاسف مافيي اخد ولادي معي بس الشرط انو يخصص مصروف شهري الهون وقبلت كرمال لقمة ولادي وصار كل مايبعت يطيرو اخي راح احتياط وصار كل نزلة المبلغ الفلاني الوزير ما بيلحق دفع اصلا والحمل يلي عليي بدو عشر رجال يركضو ويشتغلو وما بيسدو شي والله كسروني كسر ولاخر ليرة بشنتي تطلب امي هاتي اخر شي قلتلها ما بقي هلأ من وين وفعلا شافت حتى خرجية ولادي مابقي معي اعطيهون وقتها قال عم تمننينا ووووووو قلتلها كم مرة قلتلك خايفة من هل يوم وضبو ايدكون قال شو نعمل قلتلها يدبرو شغل وانا بنزل بدور وبشتغل قال وين وادي رح يطالع قلتلها يطالع حق ربطة خبز احسن من بلا ربطة خبز واجار طريقو كيف رح تدبري وقلبت ضدي قلتلها يا امي لازم نضب ايدنا بكرا انا مهري مارح وفي ديون بدي نلاقي غرفة تقعدو فيها احسن ما كل يوم والتاني هاد بدو اجار وهاد بدو بيتو قال شوفي اذا عم تفكري طالعة مشانا لا قعدي هون ولا تطلعي انتي طالعة مشان ولادك المهم انو تفهمني من نية هي قبلانة اطلع واترك ولادي وربي يشهد هي يلي تدعي اطلع وتدعي يصير عندها بيت وتزوج ابنها قعدت استنا رح يلاقو حل ويدبرو مصروف بس مافي حل كالعادة كل واحد يقعد ويحط ايدو ع خدو انو مخنوق وشايل همو بس انا لازم شيل الهم ودبر وفكر لحتى جيب مصاري اجا الشهر ومافي اجار بعت اخر قطعة دهب دفعت الاجار ويلي ظل اخدوهون كنت واعدة ولادي مشوار فقت مالقيت مصاري قال احتاجوهون سكتت بأقل من اسبوع طارو حق اخر قطعة دهب ومن وين جيب وماحدا تحرك لا عادي كبار بيتحملو الجوع او وجبة حواضر اي شي باليوم بس الاطفال لأيمت الرجال حس فعرض عليي يبعت مهري قبل ما اطلع بعتو وبعت حق تكت الطيارة فمت جمعتو كلو وما خليت معي ليرة مشان جيب بيت صغير يقعدوفي ويضمن تكسة للشغل وادينت مبلغ كبير من الرجال عاساس وفي من المصروف المخصص كل شهر لولادي لحتى اقدر جبلهون وامنلهون والله حق قطعة لبس وحدة اشتريها مشان السفر ما قمت والله ليرة ما حسبت الي كلو معهون وبلشت دور اسبوع والله ماشوف النوم وانا دور واركض للاقي شي بيت وسيارة للشغل قبل ما يطيرو المصاري وهني بلشو يصرفو ويحجزو بيت اول يوم وتاني يوم يقولو لا ويطير الرعبون وانا قلتلهون انو حاسبتهون باليبرة بس نقصو مابقى يزبط شي وهي شايفتني لا عم نام ولا اهدا وانا اتواصل مع البشر ع بيوت وسيارات وشايلة همهون وهي بس بتعرف تفيق عم تعيط وتبهدلني قدام اي حدا هيك بلا سبب فاتت مطبخ وفي قنينة مي فاضية بتقوم القيامة رغم الي شهرين عاملة عملية والله جسمي لسا ما قوي وما هديت ولا ارتحت ومع هيك ما حست فيي اذا بتلاقي كاس بدون جلي بصير ولاشي قدام اي شخص يكون عنا مالي اي احترام بس الرجال يلي قاعدين وبدهون مصروف مابيوم حكت انو قصرو رغم شي بيودي للشارع او بيستر الشغل بيجيب مصاري ليقدر يعيش الانسان وبلا شغل مافي يعيش بس كاسة شاي انجلت او لا مارح تخرب الكون ليش قلتلها مو شايفة بلشانة عم شوف بيت وقول لاخي بلكي بيزبط ما خلت ولما بكيت وعنا مرة كانت ضيفة صارت تقول بدك تهتينا بالبيت ما فشرتي اسكن ببيت الك وهي بعد ما اخدو كل شي والله بكلة للشعر ما رفعت حقها لحتى دبر واسترهون ببيت ما يجي حدا يقلهون وين الاجار ولامن شغل لابنها و بدي ابعتلها كل شهر يعني مارح يشيلو هم شي هني رح يكفو الحياة عادي وكلو ع حساب غربتي وبعدي عن ولادي جواتي حمل جبال وبركض وبركض وبكفة ولادي لا قادرة اتمتع معهون وانا بينهون قبل ما اطلع ولا قادرة ع بعدهون ومن كل مهري وكل شي ماقدرت جبلهون لو لعبة تذكرهون فيي وتفرحهون انا متل اي ام كنت احلم عيش كل لحظة مع ولادي كنت بحلم شوفهون كل يوم قدامي بيكبرو بس نصيبي هيك لحتى مايجوعو وما يشتهو شي واعجز عنو لحتى ما يقولو بيوم يا امي حرمتينا لحتى ماظل قدامهون والكل بيتحكم فيي ومذلولة وضعيفة وحدا يتحكم فيهون ضحيت بوجودي معهون عأمل يكون هاد الافضل الهون كنت بتمنى اقدر انبسط فيهون لوقت سافر بس للأسف ما حدا فهمان يلي جواتي صرت اتمنى السفر والموت اليوم قبل يلي بعدو لاني مابقى عندي قدرة مابقى عندي قدرة قضي يوم ع دقرة وخايفة وبتهرب من اي شي يزعجها بدي فكر حدا ترك كاس للجلي حدا استخدم المي وترك قناني فاضية ولا بدي فكر دورلهون واركض واحسبلهون ولا بدي وقت كون مع ولادي اضحك مع ولادي احضن ولادي انا خايفة ع بنتي تعيش يلي انا عشتو هلأ اذا بتطلب من بنتي شي وما بترد بتصير تبهدلها وبتزعل بنفس الطريقة يلي بتعاملني فيها وانا بعرف هي بتحب ولادي كتير واكتر مني بس انا ما بدي بنتي تكون متلي ما بتدي تصير تضحي بحالها لحتى حدا يرضا عليها او لمجرد ما تسمع حدا بيصرخ عليها وبيبهدلها قدام اي حدا بنتي مالها ذنب تتحمل يلي انا تحملتو.. ربي بيشهد اني قدمت لامي كل شي بيطلع بايدي وحتى يلي مابيطلع ومافي بنت ع الاقل من مجتمعي عملت جزء بسيط لامها وعيلتها متلي ومع هيك انا بلاقيمة بالنسبة لأمي حتى ما بتفكر فيي كأم لازم تامن وتربي ولادها لا انا ما لازم اعمل او قدم شي غير الهون وسألتها مرة انتي ربيتينا شي مرة فضلتي اخوكي عن ولادك وعطيتي يلي معك قال لا لكن ليش انا لازم اي ليش انا بدي ابني وانتو تدمرو ليش ما شفتيني ام وليش ما حملتو حملي انتو انا و ولادي متل اي اهل ملزومين ببنتهون لما تكون متلي انا ما بدي تقدمولي شي بس كمان تركوني دبر ولادي ارحموني فكري اني بنت ولازم تخافي عليي انا مو ع الشب فكري انك بيوم قعدتي وربيتينا وترملتي بس كان عندك بيت وراتب يقدر يعيشك هديك الايام ومارجعتي بيت اهلك ولا تحكمت فيكي ام ولا اب ولا اخ ولاشلتي هم برا بيتك ولا تبهدلتي من ام ع الفاضي والمليان قدام الناس وطول عمرك بتروحي مدللة وبترجعي مدللة فكري انك ما نجبرتي تتركي ولادك وتتغربي وقتها ممكن تحسي بالضغط يلي عايشتو أنا ويلي ما عم يخليكي ترحميني وتعتبريني غلطانة وتعتبريني انسانة بلا زوق ومتل مابدك بس اشفعيلي وقولي بتحملها كم يوم وبتروح والله بيعلم بترجع او لا وبتشوف ولادها وبتضمهون او لا اشفعيلي وقولي حابسة جواتها تسافر لبلد تاني وما جابت بكلة ع عين الرجال الغريب يلي ما بتعرف شو رح يفكر بعد كل يلي بعتو ما قدرت تجيب بكلة او اني ارجع قلو ابعتلي مرة تانية تكت الطيارة.. هدون مو اهم من كاسة وقنينة هدون ما بيوصلوني للانهيار.. يا أمي انا ام وبعرف بتحبيني وما في ام بتكره بنتها حتى لو بتميز بس بتظل بنتها وبتحبها بس يا أمي اسلوبك قاتل وأوجاع الدنيا فيي يا أمي والله بستاهل حبك والله بستاهل تحترميني والله ماطلع شي بايدي وما فديتكون في .. أدعولي كرمال الله انا رايحة للمجهول ع غربة وع المجهول وتاركة ولادي يكبرو بعيد عني ادعولي وادعو لولادي وادعولي يكون الرجال ابن حلال ويحب ولادي ويجمعني فيهون ادعولي بقلب كل ام حاسة بوجعي وبتعرف شو معنى المرة يلي بتنولد بمجتمعنا ما حدا انصفني ولا القانون انصفني وفرض ع ابوهون نفقة تكفيهون وما تحيجهون لحدا القانون قلي يا بتاخدي وبتربي وبتتحملي يا اما بتعطيهون لابوهون وما دخلك وابوهون رح يزتهون عند اخواتو وزواجهون والبنت ما بتنترك وين ما كان ويلي ماعندو ضمير ما بيهمو ومرتو مشارطة علي ما يتعرف عليهون شفتو هي الرجولية ببلدنا وهاد القانون العادل حسبي الله ونعم الوكيل بكل مين ظلمني..

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده يا ابنتي ربي يكون معك وصدقيني ان ما تفعليه وفعلتيه من خير وبدون منة في سبيل الله ربنا يكتبه في ميزان حسناتك، وانت وحدك من يعرف حقيقة ما تمرين به، وربنا اعلم بخفايا النفوس وكما قلت ما حدث قد حدث وانت عبرت عن تجربة تمر بها بعض النساء في المجتمعات من قهر الام وظلم الاهل وظلم الزوج، ولكن الفرج قريب، تفائلي بالخير تجديه واحسني الظن بالله وربي يفرح قلبك ويسعدك ويعطيك ليرضيك، والاجر الاخير عند رب العالمين هي امك وكنت تسعين لرضاها وهي ستحاسب على تصرفاتها تجاهك وظلمها لك عند رب العالمين، وفقك الله ورعاك في حياتك القادمة وان شاء الله مع الخبرة التي اكتسبتيها ستتمكنين من تجاوز مرحلة الحياة الجديدة. وفقك الله
  • صورة علم Saudi Arabia
    صورة علم Saudi Arabia
    من مجهول

    حالتك وجعت قلوبنا لا املك الا الدعاء لك ونصيحتي لك الاكثار من لاحول ولاقوة الا بالله والصلاة على الرسول عليه الصلاة والسلام والاستغفار وووو لاإله الا انت سبحانك اني كنت من الظالميناسال الله العظيم ان يفرج همك ويرفع شأنك وشأن اولادك ويهدي امك واخوانك ويسخرلك ملائكة السماء وجنود الارض امين يارب العالمين.

  • animate

  • صورة علم Saudi Arabia
    صورة علم Saudi Arabia
    من مجهول

    يابنتي تالمت كثيرا لكل ماحدث لكي  وقلبي يتوجع لكم. عانيت الكثير في حياتك من زوج لايخاف الله ولاعندو مروة ولارجولة تركك انت واولادك وتخلى عنكم وحسابه على رب العباد الذي عينه لاتنام وامك القاسية القلب اللي ماعندها شفقة ولارحمةولاانسانية وهي بلاشك ظالمة في كل مافعلته بكي لكنك تنازلت كثير عن حقوقك وحقوق اولادك  بعد ماطلقك هدا الواطي الحقير كان رفعت عليهدعوى في المحكمة لتطلب خق ولادك وحقكمن النفقة اللي تكفيهم.   ولكن تساهلك هذا ضيع حقوق اولادك  ورفيقاتك جزاهم الله كل الخير على ماعملوه معك طلعوا احسن من اهلك واهل طليقك السابق. ولسا الدنيا يابنتي فيها خير كبير   فوضي امرك لله في كل من ظلمك واساءاليك وهو عزوجل المنتقم الجبار بباخذ لك حقك من كل من ظلمك واساءاليك ودام انك تزوجتي  فالف مبروك واسال الله ان يكون زوج صالحا يخاف الله فيك ويعوضكانت واولادك عما شفتوه في الماضي. ويوفقكويسعدك معو في هذة الحياة ويجتمع شملك مع اولادك وتطمني عليهم وتعيشوا في خير وسعادة وامان واستقرارطوال حياتكم وان يبارك لك في هذا الزوج وفي ولادك وتسعدي بهم طوال عمرك ويعوض الله صبرك خيرا ان شاءالله  ويحفظك لاولادك ولايحرمك منهم ابدا 

  • صورة علم Saudi Arabia
    صورة علم Saudi Arabia
    من مجهول

    انصحك انك تعتمدين على نفسك واتركي قصه انو شي رجال ابن حلال يساعدك ، ارفعي قضيه من جديد الان الوضع تغير نوعا ما وحتى لو ما انصفوكي تكلمي بالانترنت عن ولادك هلا بلكي شي جماعه توقف معك ووتتساعدون 

  • صورة علم Saudi Arabia
    صورة علم Saudi Arabia
    من مجهول

    اتمنى اعرف وش صار لهذه المرأه

  • صورة علم Saudi Arabia
    صورة علم Saudi Arabia
    من مجهول

    قصه مؤثره جدا بصراحه يااختي ماابي تزعلين مني اعرف انك عانيتي وتبهذلتي كثير انتي واولادك ولكن بعض المشاكل كان بأمكانك تفاديها مثل لما تطلقت ليه رجعتي تسكنين مع جدتك وامك وخالتك دام صديقتك ترسل لك فلوس المفروض دبرتي فيها مسكن يلمك ويلم أولادك ولو كانت غرفه صغيره ارحم من الرجوع عند أهلك الظالمين صحيح ال

  • صورة علم Saudi Arabia
    صورة علم Saudi Arabia
    من مجهول

    حبيبتي السوريه القويهإن الله لايضيع اجر المحسنين وما عملتيه الله يجعله في ميزان حسناتكوفي كل وقت استودعك الله اولادك وادعي الله أن يجمعني لاولادك ويكبرون معاكي ويكون زوجك هو الزوج الصالح والراعي الحنون عليكي وعلي اولادكوما ادراكي لعله عملك الصالح الا راح يعوضني عن كل السنين العجافالله يسهل دربك ويرزقك بر اولادك وحب زوجك وسعاده الدارين

  • صورة علم Saudi Arabia
    صورة علم Saudi Arabia
    من مجهول

    لا تفكري الا بنفسك واولادك لان محد فكر فيك ولا اهتملك ليش شايله همهم عيشي لنفسك ول اولادك وبس 

  • صورة علم United States
    صورة علم United States
    من مجهول

    حبيبتي اعتقد اساسا وصلت لآخر درجة من التحمل وخلاص الي يحاول يدمرك ويدمر حياتك وحياة اطفالك لا تفتحي له مجال بحياتك سافري ببلد محترم متطور في احترام للانسانية والعنصرية قليلة فيه ترا في ناس السفر سبحان الله يكون رزق لهم وما يلقوا الخير الا فيه خصوصا بدول مثل أوروبا ماراح تخسري خصوصا وعندك أطفال يعني ماراح تكوني وحيدة وان شاء الله يكبروا وتزوجيهم شقر وحلوات ويجيك أحفاد واحفاد أحفاد يملوا حياتك المهم اطلعي دام سنحت لك الفرصة ولا تخافي خليك ملتزمة بالدين وفيه مسلمين كثير بتلقين المهم سلامتك وسلامة اطفالك

  • صورة علم Jordan
    صورة علم Jordan
    من مجهول

    الله ماراح يتركك صدقي يارب عوضك

  • صورة علم Iraq
    صورة علم Iraq
    من مجهول

    يااختي أول شئ اتركي اهلك هذا أهم شئ ولاتستحي من الناس هم سبب ضياعك  الثاني شئ ابحثي عن عمل ومسكن ومدرسة قريبة لأولادك والغربة ارحم من اهلك  وعيشي  واقتنعي بما موجود وادعي الله يفرج همكي واقرأي سورة طه بعد صلاة الفجر فهي للرزق الوفير اقرأي قرآن فهو شفاء / حبي نفسكي وأولادكي بالدرجة الأولى وانسي اهلك واخوتك حتى تعيشي بكرامة  وما عمله زوجك هذا قدر والإيمان بالقضاء والقدر واجب والحمد لله على كل حال اذا تحبين زوجك اجلسي في قيام الليل وسيعود والا فأنسي  صلي واقرأي القرآن قدر ماتستطيعين وسيفرج همكي الله ليس لنا غير الله 

  • صورة علم Kuwait
    صورة علم Kuwait
    من مجهول

    الله يعينك لكن سفرك إن كان هينجيكِ من الضغط ال عليكِ لكن هيحط عيالك تحت ضغط أكبر وخصوصا من أمك التي تتعامل مع ابنتك بنفس القسوة واللامبالاة التي كانت تتعامل بها معك أما الأخوال فمثل أمهم لا رأفة ولا تحمل مسؤولية بمقدار قرابتهم من أبنائك..كلهم لن يعرفوكِ إذا ما بتصرفي على أولادك غير ذلك سيعتبرونهم خدم عندهم ولو ذهبتِ لذلك الرجل ورفض بعد ذلك دفع مصاري لأولادك ورفض يرجعك بلدك هتكوني ضعتِ أنت وضاع أولادك معك أذلاء عند أهلك يهانون ويذلون بلقمتهم ..أنت مشكلتك صعبة جدا ولن يحلها إلا الله ..لكن لازم تغيري من شخصيتك ولا تجعلي نفسك مطية للجميع تراضين الجميع على حساب نفسك..وأدعو الله أن ينتقم من طليقك أشد انتقام وأن يحتاج للماء فلا يجده ..أما أنت فأدعو الله لك بالراحة ولأولادك وإن تستقر حياتكم  للأحسن وهو على كل شيء قدير.

  • صورة علم Saudi Arabia
    صورة علم Saudi Arabia
    من مجهول

    الله يسهل عليك يارببببببب

  • صورة علم Algeria
    صورة علم Algeria
    من مجهول

    ارجو انك تكملي نهاية حكايتك بعد عامين شو حصل معك هل تزوجت هل اعتنى اهلك باولادك ام دمروهم والله تعلقت نفسي بك وبمشكلتك ان من جزاير لو كان فيي اساعدك مابقصر لكن معنديش كفاه نساعدك ارجو تكوون نهاية سعيدة حتى يطمان قلبي عليك

  • صورة علم Algeria
    صورة علم Algeria
    من مجهول

    انت صاحبة مشكل حسبي الله ونعم الوكيل ان من جزاير لا اعرفك لكن لا الليلة ادعو لك الله ان يسترك انت وأولادك يوجعني قلبي لما إسمع قصص مثل لي عندنا كل مجتمع عربي عنو نفس أفكار وكره اتجاه امرأة وخصوصا مطلقة وكأنها ارتكبت دهب حتى احنا في جزاير يكرهون امرأة لما تنطلق ويصير اخوتنا يضربوا فيها كأنها عدو لازم يكمل عليها كيان لي تتنتحر مهم الله ييسر لك امورك ويغني عنهم لكن انت غلطانة رضيت بذل ليك وأولادك كنت قادرة اطلبي سلفة من عند رفيقتك وتستاجري منزل لك وحدك ودوري على شغلة اي شغل منضفة في اي مطعم حضانة او كان اتصلت بجمعية خيرية أو طلبات مساعدة احسن من هروب وانك تبيع شبابك وصحتك لشيخ عشان يصرف على اولادك اما اهلك لوكنت مكانك تتبرأ منهم إلى يوم دين ونمحيهم من حياتي وانطلق للأسف انت ضعيفة نفسيا محبيت تنفصل على اهلك رغم أنهم كرهتك وكرهت اولادك ضرك راح تروح تزوج لبلد آخر ترمي اولادك لامك شو بيصير بعد ه هتروحي من قالك راه يعاملوهم كويس كنت معاهم وتخدم فيهم وتدفع فلوس ومارحموهم فكيف وانت هايلة احسن لو تتراجع عن زواج وناخد اولادك وتطلب من الرجل الي اساعدك انو يدبرك اي عمل في مطعم او منضفة او مساعدة بيع في اي محل واستاجري منزل منفضل وربي اولادك خصوصا بنت حرام تخليه ممكن يستغلوه اهلك وممكن حتى تتغتصب من اي مجهول وامك طبعا متفرق معها منلي تتحرق بغاز

  • صورة علم Saudi Arabia
    صورة علم Saudi Arabia
    من مجهول

    متعاطفة معك جدا ووالله بصراحة في مجتمعك اختي منتشر تفضيل الأمهات للذكور وسمعتها من كثير بنات سوريات وظلم الأم للبنات موجود ما أدري ليش؟!عموما انتي تحملتي شي مايتحمله احد والله يفرج همك..بس حسيت انك احيانا تحملي نفسك فوق طاقتك وتخدميهم حتى امك بصراحة مالها حق تتحكم فيك نفسك اولى منها ومن اخوانك

  • صورة علم Saudi Arabia
    صورة علم Saudi Arabia
    من مجهول
    روحي تزوجي وسافري بركي انشالله بيكون هالرجال كويس وبيجيب ولادك لعندو... طليقك اندل واحد بالوجود كنت حاسة من وقت قلتي كل وقتو بالشغل وانو بالاخر بيقلك ما معي وما بيصرف انو كزاب.. منيح خلصتي منو.... ولاهلك ما تبعتي فرنك... مع احترامي ما بيستاهلو... بعمرك ما تضحي مشان حدا...
  • صورة علم Egypt
    صورة علم Egypt
    من مجهول
    الله يفرج همك اختي
  • صورة علم Syrian Arab Republic
    صورة علم Syrian Arab Republic
    من مجهول
    قرأت كل شي كتبتيه وحكيك الكتير دليل على أنو ضغط كتير كبير عم تعاني منو .. وآخرة الضغط انفجار ... بشكر صبرك وطولة بالك كل هالسنين ... طليقك حدا كلب من النوع الممتاز وما عندو ذرة شرف ولا كرامة ولا حس بالمسؤولية عمخلوقة تزوجا وصار عندا ولاد ... الله معك يا أختي ... أنا بدعيلك من كل قلبي لأني حاسس فيكي .. تغربي وسافري وتزوجي انتي ما عم تعملي شي غلط .. انتي بدك حقوقك وهي أبسط حقوقك ... وخلي أمك تتربى .. الأم اللي ما عندا حنية بلا منا ... وبس يتحسن وضعك تواصلي مع ولادك أو ابعتيلهن مصاري متل كل هالناس ... اللي صار معك حالة طفشااان وهروب من واقع مرير .. الله ييسرلك كل أمورك يا رب .. ومتل ما عم قلك خلص سافري وتزوجي وبعد فترة يا طالعي ولادك عالبلد اللي رايحة عليها .. يا أما بعتيلهن مصاري ... وانتبهي ع صحتك وطنشي .. وانتبهي من شي مرض قاتل من كتر هالضغط اللي عشتيه ... حافظي على صلاتك وتنفسي منيح كل يوم ... وإذا زوجك اللي رح تتزوجيه ما كان معو مصاري شي يكفيكي وتبعتي لولادك .. لاقيلك شي شغلة بسيطة .. عمل يدوي بالبيت ودبري أمورك .. انتي قوية وقوية كتير واكتسبتي قدرة تحمل هائلة بهالسنين ... مشكلتك كانت هية طيبة قلبك الزايدة وأنك ما بتحطي حدود إلك مع العالم .. وهي اسما سذاجة عدم المؤاخذة منك .. لهيك توكلي ع الله ولا توقفي .. الحياة بدا عقلانية .. الله يحميكي ويسلمك يا رب
  • صورة علم Saudi Arabia
    صورة علم Saudi Arabia
    من مجهول
    أختي الكريمة قراتها لنصها تقريبا بس والله عيوني بتوجعني مع التركيز الكامل على شاشة الجوال..حابة اساعدك ولو بنصيحة أو دعوة..دعيتلك طبعا..بس ارجعي اكتبي مشكلتك باختصار ومستعدين نعطيكي حل

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟