أخي أصيب بصدمة من بعد وفاة أختي

قضايا اجتماعية
animate

اخويا اتغير ٣٦٠ درجة بعد وفاة اختى انا بنت اكبر واحده فى اخواتى عندى اخ عمره ١٠ سنين واخت الله يرحمها اتوفت بعد نتيجة الثانوية العامه بيومين ملحقناش نفرح بنتيجتها كانت داخله اولى طب الايام دى جابت تقدربر ٩٩.٤ فى المية اتوفت قبل ما تفرح بنجحها اخويا كانت متعلق باختى جدا من هو طفل كان قريب منها وصلت انه اوقات كان بيناديها بماما من شدة حبها ليه وخوفها عليه اكيد كان وفاتها صدمة للكل وصدمة ليا كبيرة انا واختى كنا قريبين جدا من بعض انا عايشه فى محافظة تانيه غيرهم مع جوزى هى اتوفت وفاة طبيعيه وهى نايمه وللاسف اخويا بينام فى حضنها من وهو عنده ٥ سنين ويوم ما اتوفت كان نايم فى حضنها اخويا منزلش دمعه واحده عشان اختى بالعكس كان ثابت ووقف العزى ليها وراح معانا ليها المقابر وفى صلاة الجنازة كان مع بابا بيصلى عليها كنا مرعوبين على اخويا بس لقيناه طبيعى بعد وفاتها بس للاسف داه اللى اعتقدناه اخويا اتغير خالص بقى عدوانى حتى فى الاكل بقى يرفض الاكل اللى اطبخه انا او امى ويرمى الاكل و داه لان اختى هى اللى كانت بتطبخ اوقات بشوفه قاعد على السرير اللى اختى اتوفت عليه ويفضل باصص عليه وساكت الدراسه يعتبر بدأت اشتريت لاخويا الكتب الخارجية وراح الدروس انهاردة كلمنى مدرس اخويا قالى مستواه قل خالص وعاد شارد طول الوقت وعصبى اخويا عنده نسبة ذكاء عالية جدا لدرجة ان مدرسينه اطلقوا عليه لقب زويل روحت اتكلم معاه وبقوله المستر زعلان منك ليه اتعصب عليا اتخانقت معاه وقلتلته مستواك قل فى الدراسه ليه قالى ملكيش دعوه بيا انا حر من امتى بتهتموا بيا فى مذاكرتى روحت اشتكى لماما قالتلى اختك هى اللى كانت بتذاكر ليه وكانت مقسمه وقته وكل حاجة حتى بيخرجوا سوا يتفسحوا بيبقى من ضمن التقسيمه ليه حاوت اتكلم معاه وانصحه واعمل نفس اللى اختى كانت بتعمله ليه بالعكس بيعند اكتر واكتر عاد بيروح كتير لاختى المقابر بيروح ويخلى السواق يوصله والسواق حكى لماما انه بيشوفه بيفضل ساكت وباصص بس على مقبرة اختى من غير ما يعيط ولا يتكلم حتى انه بيرفض يروح معانا واحنا رايحين لاختى

تابعوا موقع حلوها على منصة اخبار جوجل لقراءة أحدث المقالات

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟

  • الدكتورة سناء مصطفى عبده اهلا بك يا ابنتي والله اوجعت قلبي بما حدث لكم، وكل هذا قضاء وقدر ونصيب من عند رب العالمين ولا اعتراض على حكم الله، ربي يرحمها ويجعل مثواها الجنة، والحقيقة انها صدمة كبيرة وفقد كبير ولكنه اختبار من رب العالمين، وبالطبع اخوك كمن فقد امه، يمر في حالة صدمة نفسية ولا يعرف التعبير عنها، وهذا امر مؤلم بالنسبة له وخاصة كما قلت لمشاركتها كل امور حياته، لذا يجب ان يتجاوز هذه الصدمة النفسية ويجب ان يتم عرضه على مستشار نفسي ليفرغ انفعالاته، فاخوك حسب ما فهمت منك لم يعبر عن مشاعر الفقد التي مر بها ولم يبك او يصرخ او يتكلمم، فمن الضروري ان يريح صدره من هذه المشاعر والطبيب هو من سيساعده، وارجو ان تتحدثي مع اساتذته في المدرسة وتجعلينهم يتفهموا الوضع ريثما يتمكن من تجاوزه.وهو في عمر حرجة، مرحلة نهاية الطفولة المتأخرة وبداية النضج، فتشعرين به ضائع بين ولد شاب متماسك وطفل خائف مرعوب لفقد اخته التي كانت بمثابة صمام الأمان لحياته. سارعي بعرضه على طبيب ولا تقلقي من اي كلام حول الموضوع ولا تقبلي رفضه ولا تخبريه من الاصل لان الطبيب من سيعرف كيف يتصرف معه، لذا نصيحتي لك اختاري مستشار نفسي جيد واذهبي اليه وقصي عليه لاقصة وسيدلك على طريقة لاحضار اخيك ليراه ويعالجه، وربي يوفقكم وطمنيني عنكم.
  • صورة علم
    صورة علم
    من مجهول
    اول شيء الموت علينا حق ولماذا يخاف قوي ايمانه بالله وتقرب له بالصلوات والدعاء والاستغفار ..
  • animate

  • صورة علم
    صورة علم
    من مجهول
    قدر الله وماشاء فعل ارضى بما كتبه الله لكي وما تجعلي حياتة تتوقف بعد وفاة اختكم اخرجوه من هذا الجو الذي صنعتوه
  • صورة علم
    صورة علم
    من مجهول
    يااختاه علية ان يتقرب الى الله .. فالموت حق .. والايمان بقضاء الله وقدره .. وكل واحد له يومه . لازم تؤمنين بالله .. والموت حق وتؤمنين بالقضاء والقدر من خيره وشره .... ناقصة الايمان قوي ايمانك بالله

شارك في الاجابة على السؤال

يمكنك الآن ارسال إجابة علي سؤال

صورة علم United States
أضف إجابتك على السؤال هنا

كيف تود أن يظهر اسمك على الاجابة ؟