نصيحتي لا تقنطوا من رحمة ربكم

انا متزوجة من تلات سنين اول زواجنا كنا انا وزوجي متفاهمين كتير ومنحب بعض كتير والحمدلله في يوم من الايام بعد تقريبا تلات شهور تعرض زوجي لحادث وبطل يقدر يجيب اولاد يعني صار عقيم بس انا صبرت وضليت جنبو وقلتلو هاد بضل سر بيني وبينك وبين امك ومابدي ياك تفكر اي شي انو انا بدي اتطلق انا بدي ضل عايشة معك كنت اسمعو يحكي مع امو ويبكي وبقلها حاسس حالي ظالمها بس انا ضليت جنبو والحمدلله بس تقريبا تلات اسابيع حسيت بدوخة وتبعت شوي رحت عالدكتورة عملولي تحاليل طلعت حامل من شهر يعني قبل الحادثة سبحان الله مااوسع رحمتو يعني شلون هيك عمل ولطف فينا لمن رحت عند زوجي وخبرتو فرح كتتييير وقلتلو حابة اتبنى ولد او بنت وقت بجيب وبرضعو مني قلي اي موافق بعد شي اربع شهور رحت منشان صور طلع معي توأم بنت وولد مع العلم محدا من عيلتنا ولا من عيلتو بجيب توأم يمكن وراثة بعيدة الله اعلم بس عنجد فرحت كتتييييير وولدت سميتن فارس وإيلين وتبنيت ولد اسمو محمد ورضعتو مع بنتي وولدي وهلق اعمارن تقريبا سنتين وشوي منشان هيك ابدا لاتقنطو من رحمة ربكم ومع العلم لهلأ ماحدا بيعرف بزوجي انو عقيم ومحمد انا عم اخدو لعند دكتورة نفسية منشان يعرف انو انا تبنيتو منشان ماينصدم في الكبر وبس