صورة علم Tunisia
من مجهول
منذ 7 شهور 11 إجابات
0 0 0 0

ضحيت من أجله وتحديت أهلي والمفاجأة كانت...

حكايتي طويلة شوية، بس رح اختصرها ! لما كنت أدرس بالجامعة، تعرفت على شاب أصغر مني بسنة (٢٤ عام) يعيش في بلد أوروبي، كانت قصة حبنا بيحكي عليها الناس، كنت جميلة و حالتي المادية كويسة، بس هو ماكان مضبط حالو منيح، و أنا وقفت جنبو عشان يشتغل و يصير عندو مال، حتى إني وصلت تخليت عن دراستي و أصدقائي و عيلتي عشان أروح لأعيش معو و نتزوج بأقل التكاليف، بس بعد عام و نصف من العلاقة، اتغير كثير، صار عدواني و يجرحني على طول و غير مبالي، حتى إنو تركني أرجع لبلدي، و يتعلل إنو ما بيدو يعمل شي، لازم استنى عشان أضبط أموري و يقبل البلد الي عايش فيه، إنو أروح لعندو على طول، صبرت كثير و تخليت على كل شي عشانو، بعدين ألقى نفسي بلا دراسة و حامل كمان، تسع أشهر كانت صعبة جدا علي، بس الحمدالله أجاني ولد و لقيت شغل على الأنترنت.. هلا كل واحد ببلد، و أنا ما فيني أخرج من البيت..و هو عايش وحدو، عندو شغل و سيارة و كل شي تمام، يبعثلي مال من حين لآخر، مصروفي أنا و ابنه و بس، و الباقي بيخبيه عندو عشان يشتري سيارة ما أحسن.. لما واجهتو إنو الوضع صار ما ينطاق، قلي نضل مع بعض لكن كل واحد يشوف حياتو، و إني ما لازم أحبو لها الدرجة (هو كان بيموت في و عمل المستحيل عشان يتجوزني، كان حتى مرات ينام تحت بيتنا، لما يجي لبلدي عشان يشوفني، و لما اتخانق معاه، بيروح يعمل شي في نفسو). أنا حايرة هلا، يا ترى في انسان يتغير هيك بدون سبب؟ و شولازم أعمل؟ انساه و إلا إرضى بكلامو إنو كل واحد ليه حياتو..آسفة إني طولت عليكم!