comment10 إجابات
الطلاق ممنوع والموت أرحم من عيشتي هذه
سلام عليكم أنا امرأة متزوجة من 15سنة وعندي 4اطفال و الحمدلله المشكله في المحترم زوجي رح يسببلي جلطة او ممكن سرطان أو سكته الله اعلم بس بحالتي اللي بعيشها معه الموت اهون الف مليون مرة من اني اكمل معه رح تسالوني شو مشكلته ؟!المشكله الاخ عاملني فار تجارب اله ولاهله من منطلق أنه المرة بتصبر على جوزها ومش لازم تفتح تمها بكلمة والا بتصير مرة مش محترمة ومش بنت اصل ومش متربية انا صبرت على عدم اهتمامه وإهماله بس أنه يتركني انا واولاده ٣ سنين من غير ولا زيارة ويفكر بالزواج عشان يوخد جنسية هاي كانت غلطتي اني صبرت وحميت اسكتي يا بنت واصبري عشان اولادك واتحملت قرف الناس والحكي والتلطيش والناس اللي طمعانة فيي والذئاب البشرية ٣سنين وما حكيت ولا شكيت عشان الاولاد ومخافة الله منعتني اغلط ولما رجع اتحملت كلشي بس نفسي صدت عنه وكرهته وهلا حالتي حاله لا عارفة أطلق منه ولا بدي اعيش معه بكرهه كره العمى وحياتي زي الزفت نفسي اموت وارتاح لأنه ولا اشي زي ما بدي طلاق ممنوع وعيشة الموت ارحم منها شو اعمل بحالي وبديش جوزي بس بدي اولادي يضلو معي مش طايقة حتى اطلع بوجهه ولا اشم ريحته وهو ملزق فيي قال بحبني ما بقدر يتركني ومرة حكيتله طلقني ولميت اغراضي صار بده ينجلط ويموت بين ادي ما في حل غير هو يموت أو انا اموت اذا في حدا عنده حل تاني يلحقني فيه انا سكرت الدنيا بوجهي وجوزي قهرني وظلمني حسبي الله ونعم الوكيل
إجابات السؤال

أضف إجابتك على السؤال هنا
سجّل الدخول أوأرسل كمجهول
- أخصائية علم النفس والتثقيف الصحي ميساء النحلاوي verified_user شكرا لك سيدتي على ثقتك بموقع حلوها . لقد تحملت بعده عنك لسنوات وصبرت وعندما عاد إليك نادما يعبر عن حبه ، كرهته . لماذا كل هذا اليأس ؟ هل تفكرين في الجو الذي يعيشه أولادك بسبب كرهك لوالدهم ؟ ما دام يظهر لك حسن النيه فلا بد أن تتغلبي على مشاعر الكره وتتقبليه من أجل أولادك . الموت ليس أرحم بالطبع ، بإرادتك تستطيعين التغلب على مشاعرك السلبيه ، قد يتطلب ذلك منك جهدا وتضحيه ولكن لم شمل العائله جدير بهذه التضحيه . الحل هو في تقبل ظروفك الجديده ، أنت من سيعيد البسمه إلى هذا البيت بإحتضانك للجميع حتى لزوجك ، وبروحك الإيجابيه فهذا واجب الأم والزوجه من أجل أسرتها ، حاولي لأن سعاده أولادك تستحق هذه المحاوله.