صورة علم Egypt
من مجهول
منذ 6 شهور 9 إجابات
0 0 0 0

كنت أظن أني سأجد الأب البديل في الزوج والحقيقة كانت...

السلام عليكم؛ انا سيدة مطلقة وعمري ٣٥ عاما أتولدت يتيمة وأبي توفاة الله قبل ولادتي بشهر واحد ،أمي ربتني أنا واخواتي وعلمتنا وسهرت وتعبت علينا ولم تحرمنا من شئ ،عمري ما حسيت باليتم وانا صغيرة بقيت أحسة وأنا كبيرة وبهذا العمر والسبب ان لما برتبط ببقي عايزة الرجل اللي معايا يكون أب لي قبل مايكون زوج ،عايزة أهتمام زائد وحنان ودي كانت واحدة من مشاكلي مع زوجي السابق ومشكلتي أيضا مع خطيبي الحالي، دايما بيشوف ان دة دلع زيادة عن اللزوم وانة مش مقصر في شئ نفسي في حنان الاب والحضن الدافي والاهتمام اللي أتحرمت منة وملقتهمش في الرجلين اللي عرفتهم بحياتي ودايما عندي شعور بالحزن لاني كنت فاكرة اني حلاقي الاب البديل في الرجل اللي حرتبط بية ودايما برضة عندي شعور بالوحدة رغم وجود أمي جنبي ربنا يخليها ليا انا في منتهي الحزن وخطيبي في دنيا تانيةولغة الحوار والتفاهم بينا مش موجودين ودايما بيحصل مشاكل بسبب قلة الاهتمام والحب ورغم كدة أحنا قرايب وعارف ظروفي . انا مظلومة ،دة شئ خارج عن ارادتي عايزة دايما منة الاهتمام والرعاية ويكون حواليا بأستمرار انا مريضة نفسيا ولا أنا بدلع زي ماخطيبي وطليقي بيقولوا ولا أية حالتي بالظبط!