أطباعنا مختلفة عن بعضنا حتى أن زوجتي تخجل من الاعتراف بحبها

مشكلتى انا ومراتى انها من عالم تانى غيرى انا وهى متجوزين عن حب وفضلنا طول الجامعه صحاب يعنى مش هقولكوا اتصدمت بعد الجواز لا انا كنت عارف شخصيتها وحبيتها بشخصيتها بعيوبها بكل حاجة اتجوزنا فى الاول مكنتش بدايق من شخصيتها بس حاليا نفسى تتغير هى شحصيها كلاسيك اوى ابسط حاجة بتصحى الصبح كوباية نسكافيه و مزيكا بتاع زمان وبعدين نفطر نرجع مثلا من الشغل واحنا بنساعد بعض يعنى لو هى هتجهز الغداء انا بجهز السفرة بشوف مثلا لو اعمل اى حاجة فى الشقه على ما تخلص نتغدا وبعدين نفتح التليفزيون ومثلا ناكل فشار سوا لو مكلمتهاش ممكن تفضل ساكته بالساعات بدأت امل من كدا كلمتها بدال المرة الف وبصراحه ملاحظ انها بتحاول تتغير بس بردة مفيش تغير انا مختلف عنها يعنى مثلا بصحى متأخر يادوب الحق اخد سندونش ممكن اكله فى العربيه وانا فى الشغل برجع افضل اهزر و اتكلم هى مبتعرفش تتكلم ولا تهزر مش معنى كدا انها نكدية ولا حاجة زى ما هيجى فى بالكوا بس بجد الاختلاف الشاسع اللي بينا تعبنى لاختلاف مش بس بينا فى الحاجات دى الاختلاف فى كل حاجة انا رومانسى اوى اما هى بتنحرج تقولى مثلا بحبك هى اه ممكن تبعتهالى لو هى بره وبنتكلم واتس ممكن وتفضل تقولى كلام رومانسى اما وش لوش مبتعرفش تقولى حتى وحشتنى