صورة علم Saudi Arabia
من مجهول
منذ شهران 17 إجابات
0 0 0 0

ذبلت وردتي بعد أن كانت رائحتها تملأ البيت بعطرها

السلام عليكم بشكركون كتير علا هالموقع المفيد وبتمنى تعطوني حلول قصتي طويلة شوي بتمنا اقروها كاملة انا شب عمري ٢٩ متزوج وعندي ٣ اطفال متزوج من ٦ سنين عايش مع اهلي زوجتي عمرها هلا ١٩ تزوجتها وهيي بال١٤ كانت عنجد طفلة برئية ونيتها صافية كانت عبارة عن روح كلها حب وأمل ومرحة ومزوحة وبتحب تلعب هيي فيها كل الصفات الي تمنيتها بشريكة حياتي حبيتها من كل قلبي وصارت اغلا شي عندي طبعا تزوجت تقليدي وانا وهيي من نفس البلد وفي بيناتنا قربة بس انا مغترب ومابعرفها ولا شفتها وهيي نفس الشي بس معرفة اهل وانا كنت قايل لأمي المواصفات الي بدي ياها وطبعا امي لقتها تزوجنا طبعا كانت تحكي غير حكينا بما انو امها من بلد تاني ودين غير بس هالشي زاد من صفاتها الحلوة هيي محترمة وخلوقة وماسمعت او شفت منها شي ازعجني عاملت اهلي بكل حب واحترام لدرجة صارت تقول لامي ماما ولابي بابا واخواتي بتتعامل معون كأنو اخوتها نحنا كلنا أخوة شباب وعنا بس اخت وتزوجت من زمان بس مرتي لما اجت عنجد حسست اهلي كلون انها بنت ن واختون الصغيرة من طيبتها ومعاملتها المنيحة حملت فورن بعمر ال١٤ وخلفت اول ال١٥ خفت عليها كتير كانت صغيرة كتير ومابتعرف تنتبه عحالها وربي هونها عليها ماتوحمت ولا بتعرف شو معنا وحام وحتا ماكبرت بطنها الي بيشوفها مايصدق انها حامل حتا بشهورها الأخيرة صار عندا مشاكل بالحمل كانت خطيرة عحياتها بس الحمدلله قامت بخير وسلامة وكل ولاداتها كانت يسرة والله هونها عليها ما بكزب كنا نتخانق كتير بتحب الطلعة والفوتا وبتحب تشتري اكلات ولاد صغار وبتحب تلعب بس كنت امنعها مشان خليها تحمل مسؤلية وتعرف انها تزوجت وعيب تعمل هالاشيا وبالأخص انو مجتمعنا بينتقد هالشي كنت خانقها واضغط عليها بتقلي دايمن خلينا نطلع ونغير جو بتحجج بآشيا كتيرة وازا طلعت يا مع اهلي يا بحاكي اقربأي يطلعو معنا كانت تنزعج لانو بتحب نكون لحالنا وانا ما بحب اطلع وحدنا هلا صرلنا ٦ سنين مع اهلي واهلي واخواتي الصراحة احيان او دايمن بيعملو اشيا وبيزعجوها وكتير بتتعب بشغل البيت والأولاد ونحنا ضيوفنا كتار عمرها ١٩ صارت عاملا ٤ عمليات وصحتها تعبانة وجسمها ضعف هلا هيي من يوم إلى تزوجتا مابتعرف كيف تعطيني حقي الشرعي كامل ولا بتعرف كيف تنبسط او لا بسالها دايمن ازا في شي مزعجها مني بتقلي لا تعبانة بس بحس عندها برود شديد بهل الشغلة لدرجة بتزعجني كتير هيي عانت كتير من اهلي وبتضل زعلانة لانو أهلها بغير بلد هلا تغيرت ماعادت الي كنت اعرفها صارت دايمن تعبانة معش تحب تطلع ولا تلعب همها تهتم بالولاد وأيمتا تخلص من شغل البيت زعلانة ما الها مراق بشي دايمن مهمومة وماعاد عجبها شي حتا الاكل خفت عنو وماعاد اكلت منيح ماعادت تقلي خلينا نطلع نلعب كانت قبل بتحب تحكي وتتسلا معي بليل لانو بس بهل الوقت نقدر نكون لحالنا بس هلا حتا حكي ماعادت حكت عندا استعداد ماتحكي معي شهر كامل هيي لما تزعل بتقاطعني وصعب ترضا ما بكزب ضربتا كم مرة بالرغم كان اكتر الحق عليي ورغم هالشي سكتت واحترمت اهلي لانو قالولها طولي بالك وماحبت تكسر كلمتون شو بتقلي او بيصير بيني وبينها بقول لأهلي ماعنا سر وهالشي بيدايقها انا المعين لأهلي ومابدي اتركون واخد بيت لحالي من كلون لمرتي بالرغم بيصايقوها احيانن اغلا احفادون ولادي ومابقدرو يقعدو ساعة من غيرون ومرتي والله ماطلبت متى هالشي بالعكس بتقلي مابنطلع ولازم نظل ونبرون سوا ومانقصر معون. وانا بدي ساعدك ببر اهلك انا بطلع مع اصحابي وبسهر وبتسلا بس مو بأردتي مابحب اطلع معها بالرغم لما اطلع بنبسط هيي هلا صارت كئيبة وماعاد متل الأول مرحة والله حتا بصرخ عليها أدام حدا بتسكت ومابترد والله مابعرف شو لازم اعمل مقصر معها بس ماني عارف شو سوي كل أعلى اخواتي المتزوجي طلعو من اهلي وعندي أصغر مني عاييشين معنا كلون بيتدخلو فيها واحيان بيزتو عليها كلام وهيي مابتحب تحكي لحدا كانت تحب تفش قلبها ألي ماكان ألها غيري وانا كنت فورن قلها هدول اهلي عجبك عجبك ماعجبك روحي لأهلك وكانت تبكي لأيام بس تسكت لأنها بتخاف كتير من كلام الناس ومابدا أهلها يزعلو هنتها كتير وكانت تسكت بس بتضل مقاطعتني شهر واحيان اكتر هلا صار عندا استعداد تعيش معي بنفس البيت وماتحاكيني وماتخليني شوفها صارت تقلي دايمن بكرهك دمرتني وكسرتني بسمعها تقول ياريتني ماتزوجت وشفت شوي من حياتي هلا عم تقسا عالولاد دايمن معصبا ماعادت تتحمل اي كلمة بقولها دايمن بتوصيني عكتير اشيا متل مواد للبيت او اشيا بتشتهيها او أغراض للولاد وانا بطنش وماجيب الا لبعد ١٠ إيام او اكتر هاي ازا جبت انا عندي مسؤوليات كتير ووضعي المادي عادي والحمدلله بس اهلي ومصروفرن واجارات مابقصر معون شو ماطلبو بجبلون بس مرتي مابجبلها الشي الا تكرهو بس شو ماكان هدول اهلي حتا ولادي مابجبلون الشي الا بعد شهر هيي بتحب تجيب شو ماطلبو ولادنا ونظيفة عليهون كتير دايمن ولادي مرتبين ونظاف وهالشي بيخليني انبسط ومااخجل ازا كانو مو مرتبين بس هدول ولاد مالازم نجيب شو مابيطلبو مابعرف ليش تغيرت هيك بتمنا تساعدوني وشكرا الكون