صورة علم Occupied Palestine
من مجهول
منذ شهران 11 إجابات
0 0 0 0

حياتي مراقبة ومحاسبة على كل تصرفاتي

السلام عليكم... انا تعبت من هالدنيا وطبعا زوجي ووحماتي هم السبب.. انا عندي اربع اطفال باعمار متقاربه.. هو ماكان يوافق اني اعمل وسيله منع... وهدا الاشي تعبني كتيير وطبعا ما كان فيه اهتمام الي. بالعكس كانوا دايما يحاسبوني ع كل شي هو وامه ويحسسوني بالنقص.. هو مابعرف يعبر عن مشاعره وطبعا مابهتم لامري ولا شو بحب وشو بكره. سلبي ومابحكي كتير.. بس ماكان يحرمني من زيارات اهلي. وهدا الاشي خلا امه بزياااده تدخل بحياتنا.. انه ماتخليها تروح وتجي مع العلم زياراتي قليله.. بس خلص هيك بدهم اشي ينكد علي.. المهم هلأ غير شغله ومع الاسف صار كتيير يحكي كلام يجرحني ويتذمر مني. اول مايفوت البيت بتبلش المشاكل ع اتفه سبب.. كرهته وكرهت اهله وكرهت حالي.. مبسوطه في اولادي الحمدلله.. بس بطلت قادره اتحمل العيشه معه وطبعا دائم الشكوى لاهله. وانا كنت كتيير اقلق بزعله هلأ مابدي رضاه ولا بدي اشي.. وزهقت.. نفسي الاقي حل.. وطبعا ممنوع اطلب طلب.. بضل يحكيلي الظروف ومع انه وضعه جيد.. انا بحب اطلب اشي بسيط عشان عارفه مستواه. بس حتى البسيط برفضه.. وفكره الطلاق حاليا مستبعدتها.. عشان اولادي...