ذقت الأمرين معه وأعيش معه عيشة لا تطاق...

السلام عليكم انا مخنوقة وفيني من الهم لا يعلم فيه الا رب العالمين متزوجة من شخص كرهني حياتي وبيفقدني عقلي طبعا انا كنت متفوقة وكملت دراستي وتزوجت من هذا الشخص من مدح وضغط امي علي بس تفاجأت بكل شي عكس حطمني في دراستي وكل ماقدمت على وظيفة يرفض لين صارلي سنوات كثيرة متخرجة وراحت علي الفرص وهو شخص مديون وعاطل عن العمل وإذا توظف شهر شهرين ويطلع يهيني ويسمعني كل كلام بشع ويمد ايده علي ويقول انتي اللي مثلك لازم تنضرب انا لين الحين مصدومة من الحياة اللي عايشتها ماعشت حياة نفس الناس من تزوجته وهو ماعنده فلوس وياخذ الأكل من أهله والمصروف إذا احد تصدق عليه حتى الذهب اللي معي باعه وكل مرة تضيق علي اكثر نفسي اسافر البس أمتع نفسي وبنتي وانا اشوف اخواتي وخواته كل سنة وحدة تسافر وانا انسانة ومن حقي أتمنى وانا نفسي اروح مكة مو قادر عليها تجيه أيام ريال واحد مافي بجيبه ويضغط علي اتسلف من اهلي أو معارفي اصحى من النوم مالقى اكل عايش على الناس حتى الموية يعبيها من المساجد لين تراكمت عليه الديون ويطلبونه المحاكم وانا ماعندي غير رب العالميين تكلمت مع أهله ابوه قالي الحرمة الصالحة توقف مع زوجها بيعي الذهب وأهلي ماعندي غير اخواتي واخواني كلهم متزوجين ومشغولين في حياتهم ادعي ربي ليل نهار ينفس عن كربتي ويفرج همي انا ماشوف احد حتى صديقاتي ابتعد عنهم بسبب الفلوس حتى سيارة ماعنده خلاص انا انخنقت سبع سنوات ونفس الحال بالعكس الأمور تزيد سوء انا ثقتي بربي والحمدلله على كل حال بس صبري بدا ينفذ اقول متى ربي بيفرج علي ليه غيري متهني وانا لا ليه انا يصير معي كذا انا وش سويت عشان أعيش هالعيشة وهالتساؤلات في راسي ساعدوني كيف اتصرف انا مااخلي فرضي ولا وتر والاستغفار مداومة لكن آخرتها بيوم عرفة تهجم علي وضربني لين سوا آثار في جسمي ودعيت عليه لكن اموره ماشية نفسي يموت وافتك منه انا ماعندي احد اروحله غير رب العالمين الكل تخلى عني احيانا افكر وانا لا حول لي ولا قوة اعذروني كلامي ملخبط بس مخنوقة اصحى ابكي انام ابكي كيف أعيش حياة هنية خلاص تعبت والله تعبت وأحس بفقد عقلي