زوجي ينفق على أهله بسخاء ومن دون علمي

add_commentأضف إجابتك

thumb_downلم يعجبني0

زوجي ينفق على أهله بسخاء ومن دون علمي
متزوجه من ١١ سنه وزوجى الحمدلله ربنا أنعم عليه بوضع مادى جيد جدا ومنذ اول يوم تزوجت فيه وانا حاسه ان اهله شايفين ان الخير دا كتير عليا وبيحاولوا دايما باى طريقه ان ياخدوا منه إللى يقدروا عليه والاحساس دا اتاكد من المواقف الكتيره إللى شوفتها زوجى ليها اربعه أخوات بنات و٣ اولاد ووالدهم متوفي و سايب ورث كويس ليهم أخوات زوجى البنات كانوا لسه فى التعليم اول ماتزوجت كان زوجى المسؤل عن تعليمهم وكمان جهازهم لما جم يتجوزوا وحماتى ماكنتش بتصرف اى حاجه من الورث ابدا ماكنش عندى مشكله قولت اخواته وايتام وربنا هيجازيه خير مع انهم كانوا بيبالغوا جدا فى جهازهم المشكله ابتدأت معايا من بعد ما تجوزوا برضه حماتى مش مبطله طلبات ليهم هات لأختك موبايل لا هات لدى كمان وكمان اخوه الكبير طلق جوزى إللى بقي يدفعله نفقه طليقته وأخوه باع البيت بتاعه وجه سكن فى بيت العيله وجوزى إللى ساعده فى تشطيب شقته وبقاله سنتين بيدفعله النفقه وأخوه دا اشترى عربيتين بيشغلهم وبعدين حماتى كلمت جوزى وقالت له اخوك التانى مش بيصرف على بيته ومضيع فلوسه على السجاير يروح جوزى يبعت كل شهر مصروف لبيت اخوه ولاولاده وابن اخوه يطلب منه موبايل اقوله ماينفعش تجيبله وبقيه ولاد اخواتك هيزعلوا اعرف بعد كدا انه جابله وماقليش ويبقي ليه اى فلوس بره يكون حد مستلفها ويجي يرجعها يخلي اخوه ياخد الفلوس ويحطها باسم اخوه فى البنك ولما اقوله مايحطها باسمك يقولى لما انزل( اصلنا مسافرين بره مصر هبقي اخدها منه وكل ماننزل يقولى هقوله ازاى هات الفلوس وكام مره اعرف بالصدفه موضوع الفلوس دا يعنى هو مش بيقولى ويشتري ارض وتتسجل باسم اخوه يقولى على ماننزل واسجلها وكذا سنه ننزل ومايعملش ولما انا اتكلمت مره وقولتله لازم تسجلها زعل منى ويقولى عايزه اخواتى يزعلوا منى ومامته طول ما احنا مسافرين اى حاجه تعوزها من شقتى تطلع تاخدها وانا لما انزل اتفاجا إنها عندها ومواقف كتير اوى بس انا خلاص تعبت من تصرفاته دى ومن انه بيبي عليا كل حاجه وبعرفها بعد كدا بالصدفه وهو عارف انى كارهه الغربه ومتغربه عشانه وعشان مستقبل ولادى بقيت احس بعدم الأمان مع انى برضه الشهاده لله زوجى حنين جدا ومش بيرفضلي اى طلب وهو إللى بيتحايل عليا انى اجيب إللى انا عايزاه بس انا بستخسر واقول حرام غربتنا واولادى اولى بالفلوس دى بس بجد تعبت من اهله واستغلالهم وهو مش بيعرفهم اى حاجه عننا لما نبقي فى مشاكل يعنى هو قعد اكتر من سنه مش بيشتغل ومع ذلك إللى كان بيعملوا معاهم ماتغيرش اعمل ايه لانى بجد خلاص تعبت فعلا هل انا كدا غلطانه فى تفكيري دا
add_commentأضف إجابتك

thumb_down لم يعجبني 0

إجابات السؤال

صورة علم United States
أضف إجابتك على السؤال هنا
  • أخصائية علم النفس والتثقيف الصحي ميساء النحلاوي
    أخصائية علم النفس والتثقيف الصحي ميساء النحلاوي verified_userزوجك رجل كريم الاخلاق وكريم في عطائه لأخوته ، يبر بوالدته ولا يبخل عليها بشيء ، ولكن الاسراف في العطاء يجعل أهله إتكاليين ولا يشعرون بأنه مسؤول أيضا عن بيته وأولاده ، ولكن هل يبادلونه هذا الاهتمام ولو معنويا ؟ فهم لم يتنبهوا إلى ظروفه وأنه بقي فترة  من دون عمل. هو طبعا حر في الانفاق على أهله من ماله ، ولا يحق لك منعه أو محاسبته ، خاصة وأنه لا يبخل عليك بشيء ، بل بالعكس يصر على الاهتمام بك وإعطائك المال . زوجك لن يغير عاداته مع أهله ، مهما حصل ، ومهما حاولت ، لذلك من الافضل أن تأخذي منه المال، حين يعرضه عليك حتى لو كنت غير محتاجة له ، لتدخريه  له ولعائلتك، وليوم تصعب فيه الأمور. تمسكي بهذا الرجل الشهم السخي ، الذي يحب اسعاد من حوله وان شاء الله يعوضكما الله الف خير. 
  • صورة علم Canada
    صورة علم Canada
    مجهول

    جوزك حر بفلوسه ما دام مش مقصر عليك فاي حاجه والحل انك تاخدي منه فلوس وتدخريها للمستقبل

  • صورة علم Egypt
    صورة علم Egypt
    مجهول

    أنتي كاذبة في معظم ما تقولين .. معظم نساء الأرض عندما يجدون أزواجهن يساعدون أهلهم يقولون مثلما تقولين .. نساء مريضة عافانا الله وإياكم 

  • صورة علم Egypt
    صورة علم Egypt
    مجهول

    اللي بيعمله جوزك غلط واستهتار بالرزق يساعدهم بالمعقول ربنا امر الزكاة انها تكون ٢.٥ بالمية يعطيهم نسبة وياخد امواله كده اسراف وبذخ وبيعلمهم الانانية والجحود ولو احتاج ماله مش هياخده بالساهل ربنا يحميه منهم ويعوضه خير خليه يختبرهم َيشوف رد فعلهم ويطلب منهم جزء من املاكه وهو يعرف اخرت الطمع ايه انا جوزي الله يرحمه ضيع عمره وسنين غربته عليهم ولما تعب فجأة ونزلنا شوفنا منهم العجب وامه دخلتني المركز وانا حامل ورفضوا يسجلوا الولد لما ولدته ومات بعدها بست شهور قالوا قتلته واخدت حتي في فرش البيت ووزعت اللي اخدته علي عياله عشان لما تموت عيالي ميخدوش حاجة وفعلا حسبي الله ونعم الوكيل بس ربنا اكرمني الحمد لله وولادي كبروا وقربوا يخلصوا تعليم وعقبال ما افرح بجوازتهم ان شاء الله وربنا نصرنا وتولانا ودايما معانا زي ما كونا احسن منهم فضلنا احسن واحسن والحمد لله انتبهي لنفسك ولو بتشتغلي حوشي فلوسك واشتري باسمك عشان متندميش بعدين

  • صورة علم Egypt
    صورة علم Egypt
    مجهول

    لاتحاول تغييره ولكن قفي بجواره البار بوالديه والاقربين لايعوض و خلى دايما انك تحطي فى اختبارك ان مايفعله معهم سبب فى استمرار مانتم فيه الآن وتخيلي أيهما أفضل مانت فيه الآن ولأن يتزوج عليكى ويفتح بيت اخر لهم مالك وعليهم ماعليك اوتكونى مكان زوجه أخيه المطلقه ومكان أخيه اللى دخله محدود وان شاء الله ربنا بيعوضكم وعن تجربه هذه النصائح

  • صورة علم United Arab Emirates
    صورة علم United Arab Emirates
    مجهول

    حاولى تخليه يدخل فى استثمارات تأخذ جزء كبير من دخله مثلا استثمار فى تعليم الاولاد مدارس محترمة وكورسات وانشطة أو إنشاء حسابات ووداءع الاولاد عشان الجامعة ومتنسيش حالك الذهب أكبر استثمار تحطى فيه الفلوس واكيد خليه يبر امه

  • صورة علم Iraq
    صورة علم Iraq
    مجهول
    لاعداج العيب انتي صح لابد تكلميه ولابد تكوني حازمه جدا معه لانه بده يدمر نفسه وفل اخر لن يلتفت اليه احد منهم  الحذر ثم الحذر من السوت عليه وعل ظلمه لكم ولنفسه اولا حرام لديه اولاد لابد يفكر فيهم  الى اعطاه كفايه وكثر خيره لانه ماقصر بس السوت حرام  
  • صورة علم Egypt
    صورة علم Egypt
    مجهول

    والله يابنتى ربنا يعينك محدش بيفتكر حاجه بعد كده انا جوزى كان زي جوزك مسافر وبيساعد اختواته بس يعنى على قدر مامعاه واكتر اخ ساعده وجوز له بنته وساعده فى مصاريف معيشته هو الى فى الاخر انكر كل شئ وحصل مشاكل بعد جوزى مارجع من السفر وحسابات كانت بينهم للاسف طلعنا ملناش حاجه ويقول للناس دى مساعدنيش حتى وانا باحوز بناتى وانكر كل شئ صدقينى جوزك ده هيندم على كل الى بيعمله خاصه الحاجات الى شاريها باسم اخوه استحاله هيطولها تانى لان واضح ان فيه طمع فى الموضوع الله يكون فى عونك لان الرجاله فى الحاله دى بتبقى عامله ان ده واجب عليهم وان لازم يدى لاخواته ميعرفش ان بعد شويه محدش هيفتكر حاحه وهيلاقى نفسه ولا كان عمل حاجه وهيستعوض ربنا فى فلوسه بس لنتى لازم تاخدى موقف من الى بيحصل او تعملى لنفسك فلوس منه متعرفوش الظروف هتكون ايه 

  • صورة علم Tunisia
    صورة علم Tunisia
    مجهول

    حل بسيط.. اطلبي منو المال و ادخريه له دون علمه.. فيكون لكم و لاولادكم دينار ابيض لليوم الأسود

  • صورة علم Saudi Arabia
    صورة علم Saudi Arabia
    مجهول

    ماله وهو حر فيه

صورة علم United States
أضف إجابتك على السؤال هنا