غيرة أم زوجي تذبحني!

مشكلتي مع ام زوجي دايم تعاملني كأني مرت رجلها واخذت ولدها منها! بالبدايه كان الوضع معقول لكن مع الايام صارت السالفه لاتطاق!انا عايشه مع ام زوجي في البيت وعندها غيره اربع بنات وكلهم متزوجين. زوجي يشتغل وانا تركت الوظيفه بعد زواجي وطول يومي قاعده مقابله ام زوجي ومشاكلي معها!بدون مبالغه لازم كل يوم فيه سالفه تحاول تسوي اي مشكله واول مايرجع زوجي تروح ركض تقول له وهو يخانقني قدامها. الي مسهل الموضوع عليٌ ان زوجي عارف امه وهو الي قال لي سلكي لها واذا خانقتك قدامها لاتزعلين بس لازم اسوي كذا عشان تسكت فاي شيء تسويه او تقوله طاوعيها وخلاص.انا الحين تعبت وابي اكسبها لصفي خصوصاً اني حامل وبجيب ولد بعد اربع شهور فكيف اقلب علاقة الغيره الي بيني وبينه الى صداقه وحب؟