هل كل النساء نكديات

السلام عليكم ورحمة الله وبركاته تزوجت من فترة قريبة لسه ما كملت السنة ومن أول الزيجة بلشت شوف قصص غريبة حسيت بنفور وما عاد فيني أتقبلها قلت لحالي معلش خليني اتحمل شوي لتتمشى الأمور، بس صار الزعل والقمص والنكد هو أساس التعامل وعم نتخانق على أتفه الأسباب فوق هاد كله لقيتها شاغلة حالها ومجالسها بس بمين إجا خطبها قبل وكأنه كل حكياتها متمحورة حول هالقصة وشايف فيها كذب بمشاعرها تجاهي لا في رضا ولا انتماء ولا حتى وفاء

حتى أسلوبها بيتغير معي مية درجة بس تحكي مع أهلها وما بتخلي ستر مغطى كل أسرارنا صغيرة وكبيرة بتطلع لبرة تكونت عندي قناعة إنو نحنا مالنا ركب على بعض وما في توافق أبداً والغريب إنو بحس جواتها في شي تجاهي بظن إنو عدم محبة مع إنو بالظاهر بتبين عكس هيك هاد الشيء خلاني أوصل لمرحلة مالي نفس أعاشرها أو أتقرب عليها وهالشيئ ظلمني كتير بس بدي أسألك هل كل النساء نكديات وهل هذا طبع بكل النسوان ولا هي حالة شاذة