صورة علم Saudi Arabia
من مجهول
منذ سنتان 9 إجابات
1 0 0 1

لماذا الفقر يطاردني لهذه الدرجة

انا بنت عمري 31سنه ..حياتي كلها معاناه وفقر وضنك عشت طفوله جدا"قاسيه لدرجه كانت تمر ايام مانلاقي ناكل انامن مواليدالمملكه العربيه السعوديه وكل عمري عايشه فيها لكن للأسف ماعمري كان عندي هويه ابوي مقيم ولاعمره ضاف احدفينا وكان قاسي معنا تزوجت الشخص اللي كان كافل ابوي وهواكبرمنه في العمر بسبب تهديداته انه بيرحلنا لبلدنا مرت الأيام وتطلقت منه واشتغلت في منطقه نائيه شويه يعني ماحديدقق اني ماعندي هويه وابوي الله يسامحه ماضافنا ولا همه فينا احنا البنات يعني مومشكلتي لماتتزوجو هم يتصرفو فيكم ..طبعا"اشتغلت وحسنت وضع اهلي المادي بالشراكه مع اختي لدرجه صار وضعنا المادي اريح وصارت الأمور شويه احسن وبعد الحرب في اليمن الملك سلمان ماقصر سهل امور اليمنيين ...لكن تزوجت شخص برضه وضعه المادي سيئ ورجعت لنفس النقطه اللي من قبل احس اني اعاني كل يوم رجعت لنفس الأحتياج والضنك لدرجه صرت اتشحت على مواقع التواصل زوجي طيب بس عنده اكتئاب ونظره سوداويه لكل شي قعدت سنيييين اشتغل ليل نهار حتى ظهري انعوج من كثرالشغل ولماتحسن وضعي ارجع لكل الضنك هذا ..والله من اول ايام الزواج مالقينا ناكل انفصل من شغله وتراكمت علينا الديون ومن اول اسبوع زواج رحت ادور شغل ...رجعت لأهلي من 6 شهور لأن الشقه راحت علينا ماعاد نملك اي شي حتى القطعتين الذهب اللي كانت معي بعتهم حاولنا نشتغل بمنطقه ثانيه ومكان ايجاراته ارخص مسكونا امن الطرق واحنا في الطريق فكرونا مهربين وبما اني ماعندي بطاقة هويه الين ذحين باقي اراجع عليها فكروني مجهوله وهويهربني سجنونا 17 يوم بدون ذنب انا وزوجي بسبب بس انه تشاجر مع عسكري غلط علينا بالكلام وحتى الشغل اللي كنا رايحين له راح استغفرالله وكأنه مكتوب علينا الضنك موقادرين نستقر لين ذحين صارلنا 10 شهور متزوجين بس عشنا مع بعض 3 شهور ...الطلاق مو وارد بالنسبه لي ومتمسكه فيه لكن ليه الفقر يطاردني لهذي الدرجه ؟؟تعبت وربي ..اهلي يبغوني اتطلق منه ولاواحد فكر يساعدني اوحتى يسألني ليه قاعده عندنا ماحد فاهم ايش يصيرلي لأني لوتكلمت بيلوموني ليه متحمله كل هذا ...؟رغم كل شي اخب زوجي وواثقه لوبيده شي ماخلاني اتعذب كذا لكن وربي الفقرمؤلم