بسبب عجزه الجنسي أصبح يهددني بأخذ ابنتي مني، فما الحل؟

انا متزوجة وعندي بنت عمرها سنة ونصف زوجي من جنسية اخرى وبلدي فيها حرب ،وهو مريض بالسكر واثناءالخطوبة اتخانقنا مرة وفهمني انو بسبب الخناقة صار عندو سكر وانا قلت لازم اتحمل يللي حصللو بسببي حتى اكتشفت بعد الزواج انو عندو اصلاً من قبل ما يعرفني بكام سنة ،تجاهلت الامر وبعدها اكتشفت انو عندو ضعف جنسي وما يقربني الا كل ٣ شهور واحياناً اكتر حتى بنتي حملت فيها بمعجزة ، المهم انو خلال حملي كنت احتاجو كتير بس بلا فايدة وبعد الولادة ضل سنة كاملة ما عاشرني وصبرت ورجع بعدها كل كام شهر وحتى تعاملو معي مابقا متل اول وصار كتير الانتقاد لشكلي وتصرفاتي وكتير يطالعلي عيوب ويقارنني بزوجات اصدقاؤه وكما هو معلوم قللة المعاشرة تفقد الست ثقتها بنفسها فما بتهتم بنفسها لأنو اساساً مافي شي حتى كلام حلو مافي المهم انو حصلت خناقة مرة وهددني انو راح ياخد بنتي ع بلدو وبعد فترة اكتشفت انو عم يحكي مع ستات كتير عالفيس بوك وكلام حب ووعود باللقاءات يعني لو كان امتناعو عني بسبب المرض كنت تحملت العمر كللو بس انعرف السبب خلص ومابقدر حتى اواجهو بالامر او اطلب الطلاق خوفاً انو ياخدلي بنتي وانا مابقدر ادخل ع بلدو ازا حبيت اشوفها واستردها انا بين ٣ حلول إما اني اخسر كرامتي واكمل معو او اطلق واخسر بنتي والحل التالت والاسهل انو اموت واريح الكل ، حتى القضاء رح يبقى بصفو مش بصفي وبيقدر يسافر وياخد البنت ازا اراد يرجع بلدو انا عنجد انتهيت